اس کے کوچے میں بہت رہتے ہیں دیوانے پڑے
سعادت یار خان رنگیناس کے کوچے میں بہت رہتے ہیں دیوانے پڑے
ان میں دیکھا تو میاں رنگیںؔ نہ پہچانے پڑے
میں سفر میں ہوں اور اس کو غیر بہکاتے ہیں واں
مجھ کو اب کاغذ کے گھوڑے یاں سے دوڑنے پڑے
ساقیا تیری نگاہ ناز کے باعث سے دیکھ
جام و خم اوندھے ہیں اور تلپٹ ہیں پیمانے پڑے
دوستوں کے کہنے سننے سے مجھے مجبور ہو
زخم دل جراح کو اے وائے دکھلانے پڑے
اب غزل اک اور رنگیںؔ تو بدل کر لکھ ردیف
قافیہ پھر یہ مکرر تجھ کو کہہ جانے پڑے
us ke kuche mein bahut rahte hain diwane pare
un mein dekha to miyan rangin na pahchane pare
main safar mein hun aur us ko ghair bahkate hain wan
mujh ko ab kaghaz ke ghore yan se daurne pare
saqiya teri nigah-e-naz ke bais se dekh
jam-o-kham aundhe hain aur talpat hain paimane pare
doston ke kahne sunne se mujhe majbur ho
zakhm-e-dil jarrah ko ai wae dikhlane pare
ab ghazal ik aur rangin to badal kar likh radif
qafiya phir ye mukarrar tujh ko kah jane pare