اس کار گہ رنگ میں ہم تنگ نہیں کیا

اس کار گہ رنگ میں ہم تنگ نہیں کیا

جو سر پہ لگا ہے ابھی وہ سنگ نہیں کیا

تصویر کو تصویر دکھائی نہیں جاتی

اس آئنہ خانے میں نظر دنگ نہیں کیا

ہے حلقۂ جاں اپنی وفاؤں کا تصور

اس داغ سے آگے کوئی فرسنگ نہیں کیا

ہر بات پہ ہم دیتے ہیں غیروں کا حوالہ

اپنا کوئی آہنگ کوئی رنگ نہیں کیا

بخشے ہوئے اک گھونٹ پہ ہم جھوم رہے ہیں

اب مانگ کے پینا بھی کوئی ننگ نہیں کیا

زخم دل بے تاب ہے ہاتھوں میں نوالہ

اس بات پہ دنیا سے مری جنگ نہیں کیا

وہ رنگ نہیں شعلۂ احساس میں باقیؔ

ہم ساز تمنا سے ہم آہنگ نہیں کیا

is kar-e-gah rang mein ham tang nahin kya

jo sar pe laga hai abhi wo sang nahin kya

taswir ko taswir dikhai nahin jati

is aina khane mein nazar dang nahin kya

hai halqa-e-jan apni wafaon ka tasawwur

is dagh se age koi farsang nahin kya

har bat pe ham dete hain ghairon ka hawala

apna koi ahang koi rang nahin kya

bakhshe hue ik ghunt pe ham jhum rahe hain

ab mang ke pina bhi koi nang nahin kya

zakhm-e-dil be tab hai hathon mein nawala

is bat pe duniya se miri jang nahin kya

wo rang nahin shola-e-ehsas mein baqi

ham saz tamanna se ham ahang nahin kya