اس نے مانگا جو دل دیے ہی بنی

اس نے مانگا جو دل دیے ہی بنی

جو نہ کرنا تھا وہ کئے ہی بنی

اس ادا سے دل اس نے پھیرا آج

کہ مجھے دوڑ کر لئے ہی بنی

تیرے ہمراہ غیر کیوں آیا

جس کی خاطر مجھے کئے ہی بنی

دیکھا انجام عشق کا اے دل

جان آخر ہمیں دیے ہی بنی

دست نازک سے اس نے جام دیا

آج مجھ کو شرفؔ پئے ہی بنی

us ne manga jo dil diye hi bani

jo na karna tha wo kiye hi bani

is ada se dil us ne phera aj

ke mujhe daur kar liye hi bani

tere hamrah ghair kyun aya

jis ki khatir mujhe kiye hi bani

dekha anjam ishq ka ai dil

jan akhir hamen diye hi bani

dast-e-nazuk se us ne jam diya

aj mujh ko sharaf piye hi bani