اٹھ صبح ہوئی مرغ چمن نغمۂ سرا دیکھ

اٹھ صبح ہوئی مرغ چمن نغمۂ سرا دیکھ

نور سحر و حسن گل و لطف ہوا دیکھ

دو چار فرشتوں پہ بلا آئے گی نا حق

اے غیرت ناہید نہ ہو نغمہ سرا دیکھ

منت سے مناتے ہیں مجھے میں نہیں منتا

اوضاع ملک دیکھ اور اطوار‌ گدا دیکھ

گر بو الہوسی یوں تجھے باور نہیں آتی

اک مرتبہ اغیار کے قابو میں تو آ دیکھ

اتنی نہ بڑھا پاکیٔ داماں کی حکایت

دامن کو ذرا دیکھ ذرا بند قبا دیکھ

اک دم کے نہ ملنے پہ نہیں ملتے ہیں مجھ سے

اے شیفتہؔ مایوسیٔ امید فضا دیکھ

uth subh hui murgh-e-chaman naghma-e-sara dekh

nur-e-sahar-o-husn-e-gul-o-lutf hua dekh

do char farishton pe bala aegi na haq

ai ghairat-e-nahid na ho naghma sara dekh

minnat se manate hain mujhe main nahin manta

auza malak dekh aur atwar gada dekh

gar bu alhawasi yun tujhe bawar nahin ati

ik martaba aghyar ke qabu mein to a dekh

itni na barha paki-e-daman ki hikayat

daman ko zara dekh zara band-e-qaba dekh

ik dam ke na milne pe nahin milte hain mujh se

ai shefta mayusi-e-ummid faza dekh