اس قدر محو تصور ہوں ستم گر تیرا

اس قدر محو تصور ہوں ستم گر تیرا

مجھ کو غربت میں نظر آنے لگا گھر تیرا

نشۂ مے کی بجھی پیاس نہ کچھ بھی افسوس

نام سنتے تھے بڑا چشمۂ کوثر تیرا

اپنے پامالیٔ دل کا مجھے افسوس نہیں

دیکھ ظالم نہ بگڑ جائے کہیں گھر تیرا

وہ بھی ہیں لوگ جو ہم بزم رہا کرتے تھے

ہم تو جیتے ہیں فقط نام ہی لے کر تیرا

جلوۂ طور کو کچھ اس کی نظر سے بھانپا

جس نے دیکھا ہے جمال رخ انور تیرا

زندگی اس کی نصیب اس کے ہیں راتیں اس کی

جس کو ہو جلوۂ دیدار میسر تیرا

ہم نے کوشش تو بہت کی تھی اسے لانے کی

اے فروغؔ جگر افگار مقدر تیرا

is qadar mahw-e-tasawwur hun sitam gar tera

mujh ko ghurbat mein nazar ane laga ghar tera

nasha-e-mai ki bujhi pyas na kuchh bhi afsos

nam sunte the bara chashma-e-kausar tera

apne pamali-e-dil ka mujhe afsos nahin

dekh zalim na bigar jae kahin ghar tera

wo bhi hain log jo ham bazm raha karte the

ham to jite hain faqat nam hi le kar tera

jalwa-e-tur ko kuchh us ki nazar se bhanpa

jis ne dekha hai jamal-e-rukh-e-anwar tera

zindagi us ki nasib us ke hain raten us ki

jis ko ho jalwa-e-didar muyassar tera

ham ne koshish to bahut ki thi use lane ki

ai farogh-e-jigar afgar muqaddar tera