اس قدر ظلم و ستم اے ستم ایجاد نہ کر

اس قدر ظلم و ستم اے ستم ایجاد نہ کر

خاک ہم خاک نشینوں کی تو برباد نہ کر

عشق ان کا مرے پہلو میں یہ دیتا ہے صدا

بھول جا اپنی خودی غیر کو بھی یاد نہ کر

صبر لازم ہے تجھے کوہ محبت پہ ضرور

جذب دل کو تو کہیں تیشۂ فرہاد نہ کر

شعلۂ ہجر سے خوں خشک ہوا ہے اس کا

رگ عاشق پہ ستم نشتر فصاد نہ کر

قید غم سے کہیں آزاد بھی ہو جان حزیں

قتل کرنے میں تامل مرے جلاد نہ کر

فصل گل آئی ہے شاداب ہوا ہے گلشن

بلبل زار تو یاں شیون و فریاد نہ کر

جذب دل ساتھ جمیلہؔ کا نہیں چھوڑے گا

غم نہیں خضر رہ عشق میں امداد نہ کر

is qadar zulm-o-sitam ai sitam ijad na kar

khak ham khak nashinon ki to barbad na kar

ishq un ka mire pahlu mein ye deta hai sada

bhul ja apni khudi ghair ko bhi yad na kar

sabr lazim hai tujhe koh-e-mohabbat pe zarur

jazb-e-dil ko to kahin tesha-e-farhad na kar

shola-e-hijr se khun khushk hua hai us ka

rag-e-ashiq pe sitam nashtar-e-fassad na kar

qaid-e-gham se kahin azad bhi ho jan-e-hazin

qatl karne mein taammul mire jallad na kar

fasl-e-gul ai hai shadab hua hai gulshan

bulbul-e-zar to yan shewan-o-fariyad na kar

jazb-e-dil sath jamilahu ka nahin chhorega

gham nahin khizr-e-rah-e-ishq mein imdad na kar