اس کا خرام دیکھ کے جایا نہ جائے گا

اس کا خرام دیکھ کے جایا نہ جائے گا

اے کبک پھر بحال بھی آیا نہ جائے گا

ہم کشتگان عشق ہیں ابرو و چشم یار

سر سے ہمارے تیغ کا سایہ نہ جائے گا

ہم رہروان راہ فنا ہیں برنگ عمر

جاویں گے ایسے کھوج بھی پایا نہ جائے گا

پھوڑا سا ساری رات جو پکتا رہے گا دل

تو صبح تک تو ہاتھ لگایا نہ جائے گا

اپنے شہید ناز سے بس ہاتھ اٹھا کہ پھر

اب دیکھ لے کہ سینہ بھی تازہ ہوا ہے چاک

پھر ہم سے اپنا حال دکھایا نہ جائے گا

ہم بے خود ان محفل تصویر اب گئے

آئندہ ہم سے آپ میں آیا نہ جائے گا

گو بے ستوں کو ٹال دے آگے سے کوہ کن

سنگ گران عشق اٹھایا نہ جائے گا

ہم تو گئے تھے شیخ کو انسان بوجھ کر

پر اب سے خانقاہ میں جایا نہ جائے گا

یاد اس کی اتنی خوب نہیں میرؔ باز آ

نادان پھر وہ جی سے بھلایا نہ جائے گا

us ka khiram dekh ke jaya na jaega

ai kabk phir bahal bhi aya na jaega

ham kishtgan ishq hain abru-o-chashm-e-yar

sar se hamare tegh ka saya na jaega

ham rahrawan rah-e-fana hain barang-e-umr

jawenge aise khoj bhi paya na jaega

phora sa sari rat jo pakta rahega dil

tu subh tak to hath lagaya na jaega

apne shahid-e-naz se bas hath utha ke phir

ab dekh le ke sina bhi taza hua hai chak

phir ham se apna hal dikhaya na jaega

ham be khud un mahfil-e-taswir ab gae

ainda ham se ap mein aya na jaega

go be sutun ko tal de age se koh kin

sang-e-garin ishq uthaya na jaega

ham to gae the shaikh ko insan bojh kar

par ab se khanqah mein jaya na jaega

yad us ki itni khub nahin mir baz a

nadan phir wo ji se bhulaya na jaega