اس کو غفلت پیشہ کہہ آتے ہیں ہم
گویا فقیر محمداس کو غفلت پیشہ کہہ آتے ہیں ہم
بھول جانا یاد دلواتے ہیں ہم
ضعف سے رہتا ہے اب پاؤں پہ سر
آپ اپنی ٹھوکریں کھاتے ہیں ہم
دل نہیں اس بت کی الفت چھوڑتا
نا سمجھ کو لاکھ سمجھاتے ہیں ہم
ہے جنازہ اس لئے بھاری مرا
حسرتیں دل کی لئے جاتے ہیں ہم
بار عصیاں سر پہ ہے گویا بہت
کیا اٹھائیں سر جھکے جاتے ہیں ہم
us ko ghaflat pesha kah ate hain ham
bhul jana yad dalwate hain ham
zof se rahta hai ab paon pe sar
ap apni thokaren khate hain ham
dil nahin us but ki ulfat chhorta
na samajh ko lakh samjhate hain ham
hai janaza is liye bhari mira
hasraten dil ki liye jate hain ham
bar isyan sar pe hai goya bahut
kya uthaen sar jhuke jate hain ham