اس کا حال کمر کھلا ہمدم

اس کا حال کمر کھلا ہمدم

ہم کو ملک عدم ملا ہمدم

حال دل مہرؔ کا کھلا ہمدم

درد ہمدرد دل ہوا ہمدم

والہ کاکل رسا ہمدم

سر سودا کا ہو رہا ہمدم

درد ہم کو ہوا دوا ہمدم

اور للہ دل دکھا ہمدم

دل کا حاصل ہو مدعا ہمدم

رحم کر آ ادھر کو آ ہمدم

اللہ اللہ لالہ‌‌ٔ کہسار

گل لوح لحد ہوا ہمدم

موسم گل ہو کوہ صحرا ہو

سر ہو سودا ہو ولولا ہمدم

ہم کو دور‌ سرور وعدۂ وصل

دور ہوگا مدام کا ہمدم

حکم ہم کو ہوا کہ گل کھاؤ

واہ واہ اور گل کھلا ہمدم

ہوگا معلوم حال روح اللہ

لعل‌ دل دار گر ہلا ہمدم

اللہ اللہ آہ‌ سرد سحر

گرم کس کس طرح ہوا ہمدم

کس طرح کا معاملہ ہوگا

وصل اس کا اگر ہوا ہمدم

کس طرح طالع عدو ہو سعد

کس طرح الو ہو ہما ہمدم

ہم کو اس لعل کا دکھا عالم

مسکرا کر لہو رلا ہمدم

دام کاکل ہو سلسلہ ہمدم

گر سر مو گرہ ہو وا ہمدم

دل کا وہ حال اس کا وہ عالم

کس کا ہو ہم کو آسرا ہمدم

رکھو مہرؔ اس کو لکھو اور طرح

دور کلک مدام لا ہمدم

us ka hal-e-kamar khula hamdam

ham ko mulk-e-adam mila hamdam

hal-e-dil mehr ka khula hamdam

dard hamdard dil hua hamdam

walahu kakul-e-rasa hamdam

sar-e-sauda ka ho raha hamdam

dard ham ko hua dawa hamdam

aur lillah dil dikha hamdam

dil ka hasil ho muddaa hamdam

rahm kar a idhar ko a hamdam

allah allah lala-e-kohsar

gul-e-lauh-e-lahad hua hamdam

mausam-e-gul ho koh-e-sahra ho

sar ho sauda ho wilola hamdam

ham ko daur-e-surur-e-waada-e-wasl

dur hoga mudam ka hamdam

hukm ham ko hua ke gul-e-khao

wah wah aur gul khula hamdam

hoga maalum hal ruh allah

laal dil dar gar hila hamdam

allah allah ah-e-sard-e-sahar

garm kis kis tarah hua hamdam

kis tarah ka muamla hoga

wasl us ka agar hua hamdam

kis tarah tale-e-adu ho saad

kis tarah ullu ho huma hamdam

ham ko is laal ka dikha alam

muskura kar lahu rula hamdam

dam-e-kakul ho silsila hamdam

gar sar-e-mu girah ho wa hamdam

dil ka wo hal us ka wo alam

kis ka ho ham ko asra hamdam

rakho mehr us ko likho aur tarah

dur kilk-e-mudam la hamdam