اس غم کدے سے کچھ نہ لگا ہاتھ ہمارے

اس غم کدے سے کچھ نہ لگا ہاتھ ہمارے

آہ دل سوزاں ہی چلی ساتھ ہمارے

درد و غم و اندوہ و الم نالۂ جاں کاہ

ہیں دشمن جانی سبھی یک ذات ہمارے

جس گھات سے دل تو نے لیا یار ہمارا

افسوس کہ ہاتھ آئی نہ وہ گھات ہمارے

خطرہ نہ کرو آؤ ملو شوق سے پیارے

جو سمجھے ہو دل میں نہیں وہ بات ہمارے

کیا ہم نے بگاڑا فلک سفلہ کا ؔجوشش

کیوں درپئے ایذا ہے یہ دن رات ہمارے

is gham kade se kuchh na laga hath hamare

ah-e-dil sozan hi chali sath hamare

dard-o-gham-o-andoh-o-alam nala-e-jan kah

hain dushman-e-jani sabhi yak zat hamare

jis ghat se dil tu ne liya yar hamara

afsos ke hath ai na wo ghat hamare

khatra na karo ao milo shauq se pyare

jo samjhe ho dil mein nahin wo bat hamare

kya ham ne bigara falak-e-sifla ka joshish

kyun darpae iza hai ye din rat hamare