اس قدر غرق لہو میں یہ دل زار نہ تھا — انعام اللہ خاں یقین

Arooz is now on the App Store, for iPhone and iPad. Download →

انعام اللہ خاں یقین

اس قدر غرق لہو میں یہ دل زار نہ تھا

جب حنا سے ترے پاؤں کو سروکار نہ تھا

حسن کا جذب زلیخا ستی کچھ چل نہ سکا

ورنہ یہ پاک گہر قابل بازار نہ تھا

دل میں زاہد کے جو جنت کی ہوا کی ہے ہوس

کوچۂ یار میں کیا سایۂ دیوار نہ تھا

دل مرا عشق کے دھڑکوں سے موا جاتا ہے

یہ وہ دل ہے کہ کوئی ایسا جگر دار نہ تھا

آپ سے کیوں نہ ہوا کہہ کے یقیںؔ کو مارا

راست پوچھو تو کوئی مجھ سا گنہ گار نہ تھا