اس کا جلوہ جو کوئی دیکھنے والا ہوتا

اس کا جلوہ جو کوئی دیکھنے والا ہوتا

وعدۂ دید قیامت پہ نہ ٹالا ہوتا

بام پر تھے وہ کھڑے لطف دوبالا ہوتا

مجھ کو بھی دل نے اچھل کر جو اچھالا ہوتا

کیسے خوش رنگ ہیں زخم جگر و داغ جگر

ہم دکھاتے جو کوئی دیکھنے والا ہوتا

دل نہ سنبھلا تھا اگر دیکھ کے جلوہ اس کا

تو نے اے درد جگر اٹھ کے سنبھالا ہوتا

تم جو پردے میں سنورتے ہو نتیجہ کیا ہے

لطف جب تھا کہ کوئی دیکھنے والا ہوتا

تم نے ارمان ہمارا نہ نکالا نہ سہی

اپنے خنجر کا تو ارمان نکالا ہوتا

دل کے ہاتھوں نہ ملا چین کسی روز جلیلؔ

ایسے دشمن کو نہ آغوش میں پالا ہوتا

us ka jalwa jo koi dekhne wala hota

waada-e-did qayamat pe na tala hota

bam par the wo khare lutf dobala hota

mujh ko bhi dil ne uchhal kar jo uchhala hota

kaise khush rang hain zakhm-e-jigar-o-dagh-e-jigar

ham dikhate jo koi dekhne wala hota

dil na sambhala tha agar dekh ke jalwa us ka

tu ne ai dard-e-jigar uth ke sambhala hota

tum jo parde mein sanwarte ho natija kya hai

lutf jab tha ke koi dekhne wala hota

tum ne arman hamara na nikala na sahi

apne khanjar ka to arman nikala hota

dil ke hathon na mila chain kisi roz jalil

aise dushman ko na aghosh mein pala hota