ابر ساں ہر چند رکھا چشم کو پر آب ہم

ابر ساں ہر چند رکھا چشم کو پر آب ہم

کر سکے پر کشت الفت کا نہیں شاداب ہم

ہجر کی آتش نے ایسا قرب دل پیدا کیا

بے قرارانہ تڑپتے اب ہیں جوں سیماب ہم

چھا گئیں زلفیں کسی مکھڑے پہ جوں آکاس پوں

خود بخود کھاتے ہیں پیچ و تاب جوں لیلاب ہم

گرد باد آسا پڑے پھرتے ہیں باغ و راغ میں

مسکن و ماویٰ کہاں رکھتے ہیں در یک باب ہم

دیکھ لینے دے تو اپنے کان کا بوندا ہمیں

پھر کہاں پاویں گے ظالم یہ در نایاب ہم

زندگی پھسلا کے لائی یاں ہزار افسوس آہ

پھنس گئے بے طرح اس دنیا کے در خلاب ہم

یاں ہے فکر معیشت واں ہے اندیشہ معاد

ہیں بہ گرداب غم دنیائے دوں غرقاب ہم

منکشف ہوتی حقیقت مرگ گر روز الست

ہرگز اے دہر از عدم کرتے نہیں پیشاب ہم

مت کر افریدیؔ کو اس مسلخ میں پابند آخرش

ذبح ہو جاویں گے تیرے ہاتھ اے قصاب ہم

abr san har chand rakha chashm ko par ab ham

kar sake par kisht ulfat ka nahin shadab ham

hijr ki atish ne aisa qurb-e-dil paida kiya

be qararana tarapte ab hain jun simab ham

chha gain zulfen kisi mukhre pe jun akas paun

khud bakhud khate hain pech-o-tab jun lailab ham

gard-e-bad asa pare phirte hain bagh-o-ragh mein

maskan-o-mawa kahan rakhte hain dar yak bab ham

dekh lene de to apne kan ka bunida hamen

phir kahan pawenge zalim ye dar-e-nayab ham

zindagi phisla ke lai yan hazar afsos ah

phans gae be tarah is duniya ke dar khulab ham

yan hai fikr-e-maishat wan hai andesha maad

hain ba girdab-e-gham-e-duniyae dun gharqab ham

munkashif hoti haqiqat marg gar roz-e-alast

hargiz ai dahr az adam karte nahin peshab ham

mat kar afredi ko is maslakh mein paband-e-akhirash

zabh ho jawenge tere hath ai qassab ham