ابھی چمن ابھی گل بس یہی سماں دیکھا

ابھی چمن ابھی گل بس یہی سماں دیکھا

قفس کو بھی مری آنکھوں نے آشیاں دیکھا

قفس کو دیکھ کے جب سوئے آشیاں دیکھا

زمیں سے چرخ تک اٹھتا ہوا دھواں دیکھا

جو کہہ کے لفظ وفا چپ رہا تو وہ بولے

کہاں سے چھوڑ دی ظالم نے داستاں دیکھا

تڑپ کے آپ ہی باہر تھا آپ پردے کے

نگاہ یاس سے یوں سوئے پاسباں دیکھا

نہ پوچھ دشت تمنا کی واردات نہ پوچھ

ہر ایک ذرے کے پردے میں آسماں دیکھا

تڑپ نقاب کی تھی یا جھلک تھی پردے کی

ابھی کلیم نے جلوہ ترا کہاں دیکھا

چھپے تھے ابر کی رگ رگ میں تار بجلی کے

بھری بہار میں جب سوئے آسماں دیکھا

abhi chaman abhi gul bas yahi saman dekha

qafas ko bhi miri ankhon ne ashiyan dekha

qafas ko dekh ke jab su-e-ashiyan dekha

zamin se charkh tak uthta hua dhuan dekha

jo kah ke lafz-e-wafa chup raha to wo bole

kahan se chhor di zalim ne dastan dekha

tarap ke ap hi bahar tha ap parde ke

nigah-e-yas se yun su-e-pasban dekha

na puchh dasht-e-tamanna ki wardat na puchh

har ek zarre ke parde mein asman dekha

tarap naqab ki thi ya jhalak thi parde ki

abhi kalim ne jalwa tira kahan dekha

chhupe the abr ki rag rag mein tar bijli ke

bhari bahar mein jab su-e-asman dekha