اب کوئی غم گسار ہمارا نہیں رہا
دل شاہ جہانپوریاب کوئی غم گسار ہمارا نہیں رہا
دنیا کو اعتبار ہمارا نہیں رہا
اس فرط غم میں خون کے آنسو ٹپک پڑے
اب دل بھی رازدار ہمارا نہیں رہا
اس کی حضور پیر مغاں میں ہے منزلت
جو عہد پائیدار ہمارا نہیں رہا
ہر داغ ابھر کے زخم بنا زخم رشک گل
دل مائل بہار ہمارا نہیں رہا
یہ ہے مآل صحبت زاہد جناب دل
رندوں میں اب شمار ہمارا نہیں رہا
ab koi gham gusar hamara nahin raha
duniya ko etibar hamara nahin raha
is fart-e-gham mein khun ke ansu tapak pare
ab dil bhi razdar hamara nahin raha
us ki huzur pir-e-mughan mein hai manzilat
jo ahd-e-paidar hamara nahin raha
har dagh ubhar ke zakhm bana zakhm-e-rashk-e-gul
dil mail-e-bahar hamara nahin raha
ye hai maal-e-sohbat-e-zahid janab-e-dil
rindon mein ab shumar hamara nahin raha