اب کسی بات کا طالب دل ناشاد نہیں

اب کسی بات کا طالب دل ناشاد نہیں

آپ کی عین عنایت ہے یہ بیداد نہیں

آپ شرما کے نہ فرمائیں ہمیں یاد نہیں

غیر کا ذکر ہے یہ آپ کی روداد نہیں

دم نکل جائے گا حسرت ہی میں اک دن اپنا

سچ کہا تم نے کچھ انسان کی بنیاد نہیں

پہلے نالے کو سنا غور سے پھر ہنس کے کہا

آپ کی ساری ہی بناوٹ ہے یہ فریاد نہیں

بعد استاد کے ہے ختم غزل بیخودؔ پر

معجزہ کہیے اسے طبع خدا داد نہیں

ab kisi bat ka talib dil-e-nashad nahin

ap ki ain inayat hai ye bedad nahin

ap sharma ke na farmaen hamen yad nahin

ghair ka zikr hai ye ap ki rudad nahin

dam nikal jaega hasrat hi mein ik din apna

sach kaha tum ne kuchh insan ki buniyad nahin

pahle nale ko suna ghaur se phir hans ke kaha

ap ki sari hi banawat hai ye fariyad nahin

baad ustad ke hai khatm ghazal bekhud par

mojiza kahiye use tab-e-khuda dad nahin