اب کے بھی سیر باغ کی جی میں ہوس رہی

اب کے بھی سیر باغ کی جی میں ہوس رہی

اپنی جگہ بہار میں کنج قفس رہی

میں پا شکستہ جا نہ سکا قافلے تلک

آتی اگرچہ دیر صدائے جرس رہی

لطف قبائے تنگ پہ گل کا بجا ہے ناز

دیکھی نہیں ہے ان نے تری چولی چس رہی

دن رات میری آنکھوں سے آنسو چلے گئے

برسات اب کے شہر میں سارے برس رہی

خالی شگفتگی سے جراحت نہیں کوئی

ہر زخم یاں ہے جیسے کلی ہو بکس رہی

گردن مری ہے طوق میں گویا کہ پھنس رہی

جوں صبح اس چمن میں نہ ہم کھل کے ہنس سکے

فرصت رہی جو میرؔ بھی سو یک نفس رہی

ab ke bhi sair-e-bagh ki ji mein hawas rahi

apni jagah bahar mein kunj-e-qafas rahi

main pa shikasta ja na saka qafile talak

ati agarche der sada-e-jaras rahi

lutf-e-qaba-e-tang pe gul ka baja hai naz

dekhi nahin hai un ne tiri choli chas rahi

din rat meri ankhon se ansu chale gae

barsat ab ke shahr mein sare baras rahi

khali shaguftagi se jarahat nahin koi

har zakhm yan hai jaise kali ho bakas rahi

gardan miri hai tauq mein goya ke phans rahi

jun subh is chaman mein na ham khul ke hans sake

fursat rahi jo mir bhi so yak nafas rahi