اس شوخ کے انداز کو دیکھا تو غضب ہے

اس شوخ کے انداز کو دیکھا تو غضب ہے

اور اس کے سوا ناز کو دیکھا تو غضب ہے

باتوں میں جو چھل لیوے ہے دل پیر و جواں کا

اس طفل دعا بار کو دیکھا تو غضب ہے

کیا کیا نہ کہا اس نے مجھے تیری طرف سے

کافر ترے ہم راز کو دیکھا تو غضب ہے

ہر چند کہ ہے طوطیٔ ہند ایک ہی خوش گو

پر بلبل شیراز کو دیکھا تو غضب ہے

ہرچند کہ ہے عشق کا انجام ہی کچھ قہر

ہر حسن کے آغاز کو دیکھا تو غضب ہے

ہم منتظرؔ اتنا نہ سمجھتے تھے اسے لیک

خوب اس بت خود ساز کو دیکھا تو غضب ہے

us shokh ke andaz ko dekha to ghazab hai

aur us ke siwa naz ko dekha to ghazab hai

baton mein jo chhal lewe hai dil pir-o-jawan ka

is tifl-e-dua bar ko dekha to ghazab hai

kya kya na kaha us ne mujhe teri taraf se

kafir tire ham raz ko dekha to ghazab hai

har chand ke hai tuti-e-hind ek hi khush go

par bulbul shiraz ko dekha to ghazab hai

harchand ke hai ishq ka anjam hi kuchh qahr

har husn ke aghaz ko dekha to ghazab hai

ham muntazir itna na samajhte the use lek

khub us but-e-khud saz ko dekha to ghazab hai