اس دل کی عمارت میں تم جلوہ دکھا جانا

اس دل کی عمارت میں تم جلوہ دکھا جانا

یا نور مبیں بن کر آنکھوں میں سما جانا

اپنا تو شکستہ دل اک خانۂ ویراں ہے

قدموں سے اسے اپنے آباد بنا جانا

عشاق کے مرقد پر حسرت یہی کہتی ہے

تم فتنۂ محشر ہو سوتوں کو جگا جانا

ان خاک نشینوں سے ملنا تمہیں لازم ہے

عشاق کے کوچہ میں بھولے سے تو آ جانا

مدت سے پیاسا میں بیٹھا ہوں ترے در پر

اک جام محبت کا خود آ کے پلا جانا

اس گردش قسمت نے سرگشتہ کیا یاں بھی

اے خضر رہ الفت تم راہ بتا جانا

آئے نہ سر بالیں گر میرے دم مردن

اب بہر دعا دلبر مرقد پہ تو آ جانا

کیا کیا نہ جفا مجھ پہ ہوتی ہے شب فرقت

الفت نے تری مجھ کو پابند وفا جانا

یہ عشق جمیلہؔ کا اے خضر رہ الفت

محبوب کے جلوہ کو اسرار خدا جانا

is dil ki imarat mein tum jalwa dikha jana

ya nur-e-mubayyan ban kar ankhon mein sama jana

apna to shikasta dil ik khana-e-wiran hai

qadmon se use apne abad bana jana

ushshaq ke marqad par hasrat yahi kahti hai

tum fitna-e-mahshar ho soton ko jaga jana

un khak nashinon se milna tumhen lazim hai

ushshaq ke kucha mein bhule se to a jana

muddat se pyasa mein baitha hun tire dar par

ik jam-e-mohabbat ka khud a ke pila jana

is gardish qismat ne sargashta kiya yan bhi

ai khizr-e-rah-e-ulfat tum rah bata jana

ae na sar balin gar mere dam murdan

ab bahr-e-dua dilbar marqad pe to a jana

kiya kiya na jafa mujh pe hoti hai shab furqat

ulfat ne tiri mujh ko paband-e-wafa jana

ye ishq jamilahu ka ai khizr-e-rah-e-ulfat

mahbub ke jalwa ko asrar khuda jana