اس دور میں ہر اک تہ چرخ کہن لٹا

اس دور میں ہر اک تہ چرخ کہن لٹا

اوروں کا زر لٹا مرا نقد سخن لٹا

خلوت نشیں ہو تو دل عاشق میں کر جگہ

یوں دولت جمال نہ اے سیم تن لٹا

بلبل کو کیسی کیسی ہوئیں آفتیں نصیب

گلچیں کے دست ظلم سے کیا کیا چمن لٹا

فریاد تک خدا سے نہ کی اے صنم تری

میں بے زباں ترے یہاں اے بے دہن لٹا

نباش کی جفائیں ہوئیں ہم پہ بعد مرگ

اے آسمان زیر زمیں بھی کفن لٹا

جھونکے چلے ہوا کے پریشاں ہوئی وہ زلف

خوشبو تمام پھیلی ہے مشک ختن لٹا

حاتمؔ وہ ہوں کہ بعد فنا دل کو دوں صلاح

اب قبر میں بھی خاک اڑایا کفن لٹا

بے دل سخن ہوں مہرؔ پڑھوں سن عیسوی

اوروں کا زر لٹا مرا نقد سخن لٹا

is daur mein har ik tah-e-charkh-e-kuhan luta

auron ka zar luta mira naqd-e-sukhan luta

khalwat nashin ho to dil-e-ashiq mein kar jagah

yun daulat-e-jamal na ai sim tan luta

bulbul ko kaisi kaisi huin afaten nasib

gulchin ke dast zulm se kya kya chaman luta

fariyad tak khuda se na ki ai sanam tiri

main be zaban tire yahan ai be dahan luta

nabbash ki jafaen huin ham pe baad-e-marg

ai asman zer-e-zamin bhi kafan luta

jhonke chale hawa ke pareshan hui wo zulf

khushbu tamam phaili hai mushk-e-khutan luta

hatim wo hun ke baad-e-fana dil ko dun salah

ab qabr mein bhi khak uraya kafan luta

be dil sukhan hun mehr parhun sun-e-iswi

auron ka zar luta mira naqd-e-sukhan luta