اس جور و جفا سے ترے زنہار نہ ٹوٹے

اس جور و جفا سے ترے زنہار نہ ٹوٹے

یہ دل تو کسی طرح سے اے یار نہ ٹوٹے

غیروں کو نہ کر مجھ دل بسمل کے مقابل

چو رنگ لگاتے تری تلوار نہ ٹوٹے

وہ شیشۂ دل ہے کہ اسی سنگ جفا پر

سو بار اگر پھینکیے یک بار نہ ٹوٹے

رکھ قیس قدم وادئ لیلیٰ میں سمجھ کر

اس دشت محبت کا کوئی خار نہ ٹوٹے

جنبش میں نہ لا سبحۂ اسلام کو اے شیخ

نازک ہے مرا رشتۂ زنار نہ ٹوٹے

شانہ سے فغاںؔ پھر الجھتا ہے مرا دل

اس کاکل مشکیں کا کوئی تار نہ ٹوٹے

is jaur-o-jafa se tire zinhar na tute

ye dil to kisi tarah se ai yar na tute

ghairon ko na kar mujh dil-e-bismil ke muqabil

chau rang lagate tiri talwar na tute

wo shisha-e-dil hai ke isi sang-e-jafa par

sau bar agar phenkiye yak bar na tute

rakh qais qadam wadi-e-laila mein samajh kar

is dasht-e-mohabbat ka koi khar na tute

jumbish mein na la subha-e-islam ko ai shaikh

nazuk hai mira rishta-e-zunnar na tute

shana se fughan phir ulajhta hai mira dil

is kakul-e-mushkin ka koi tar na tute