اس دل کو ہمکنار کیا ہم نے کیا کیا

اس دل کو ہمکنار کیا ہم نے کیا کیا

دشمن کو دوست دار کیا ہم نے کیا کیا

رہتا یہی ہے دل میں شش و پنج یار سے

آئینہ کیوں دو چار کیا ہم نے کیا کیا

مٹھی بھرم کی غنچہ صفت اس چمن میں کھول

اسرار آشکار کیا ہم نے کیا کیا

در پردہ دوستی ہوئی ہم اپنے حق میں آہ

مطرب پسر کو یار کیا ہم نے کیا کیا

اسلام بھی بہ جبر تھا اے شیخ و برہمن

کیوں جبر اختیار کیا ہم نے کیا کیا

تسبیح تو پڑی تھی گلے ایک دوسری

زنار کو بھی ہار کیا ہم نے کیا کیا

دل کو دکھا کے چین جبین پری وشاں

جوں برق بے قرار کیا ہم نے کیا کیا

کہنے لگا وہ قبر پہ عاشق کی کیوں گزر

سہواً سر مزار کیا ہم نے کیا کیا

ہیہات آشنا تھے جو موج بلا کے پیچ

ان کا نہ انتظار کیا ہم نے کیا کیا

بحر جہاں سے دیدہ و دانستہ جوں حباب

با چشم تر گزار کیا ہم نے کیا کیا

دشت جنوں سے توڑ کے رشتے کو جیب کے

داماں بھی تار کیا ہم نے کیا کیا

اس سرو قد کے عشق میں یہ پھل ملا نصیرؔ

ہر صد آہ وار کیا ہم نے کیا کیا

is dil ko hamkanar kya ham ne kiya kiya

dushman ko dost dar kya ham ne kiya kiya

rahta yahi hai dil mein shash-o-panj yar se

aina kyun do char kya ham ne kiya kiya

mutthi bharam ki ghuncha sifat is chaman mein khol

asrar ashkar kya ham ne kiya kiya

dar parda dosti hui ham apne haq mein ah

mutrib pisar ko yar kya ham ne kiya kiya

islam bhi ba jabr tha ai shaikh-o-barahman

kyun jabr-e-ikhtiyar kya ham ne kiya kiya

tasbih to pari thi gale ek dusri

zunnar ko bhi har kya ham ne kiya kiya

dil ko dikha ke chain-e-jabin-e-pari washan

jun barq-e-be qarar kya ham ne kiya kiya

kahne laga wo qabr pe ashiq ki kyun guzar

sahwan sar-e-mazar kya ham ne kiya kiya

hehat ashna the jo mauj-e-bala ke pech

un ka na intizar kya ham ne kiya kiya

bahr-e-jahan se dida-o-danista jun habab

ba chashm tar guzar kya ham ne kiya kiya

dasht-e-junun se tor ke rishte ko jeb ke

daman bhi tar kya ham ne kiya kya

is sarw qad ke ishq mein ye phal mila nasir

har sad-e-ah war kya ham ne kiya kiya