آنکھوں میں مری پھرتی ہے تصویر کسی کی

آنکھوں میں مری پھرتی ہے تصویر کسی کی

تصویر میں ہوں میری ہے تصویر کسی کی

بت اپنے ہی کو کہتے ہیں سب اہل تصوف

تصویر بتاں ہوتی ہے تصویر کسی کی

ہے پیش و عقب دل کے مرے اور چپ و راست

ہر لحظہ میاں پھرتی ہے تصویر کسی کی

ہستی ہے کہیں اور نہ بستی ہے کسی کی

دیکھا تو یہی ہستی ہے تصویر کسی کی

تصویر مری میرے مصور کی ہے مرداںؔ

ہر دم یہ صدا دیتی ہے تصویر کسی کی

ankhon mein miri phirti hai taswir kisi ki

taswir mein hun meri hai taswir kisi ki

but apne hi ko kahte hain sab ahl-e-tasawwuf

taswir-e-butan hoti hai taswir kisi ki

hai pesh-o-aqab dil ke mire aur chup-o-rast

har lahza miyan phirti hai taswir kisi ki

hasti hai kahin aur na basti hai kisi ki

dekha to yahi hasti hai taswir kisi ki

taswir miri mere musawwir ki hai mardan

har dam ye sada deti hai taswir kisi ki