آنسوؤں سے خون کے اجزا بدلتے جائیں گے

آنسوؤں سے خون کے اجزا بدلتے جائیں گے

دل کے سب ارمان آنکھوں سے نکلتے جائیں گے

اک قیامت ہے عبارت وعدۂ دیدار کی

دن گزرتے جائیں گے معنی بدلتے جائیں گے

ہر نفس ہے شمع غم کا شعلہ میں جو کچھ کہوں

مثل پروانہ مرے الفاظ جلتے جائیں گے

ہے دگر گوں حال دل قاصد ہمیں بھی ساتھ لے

جابجا خط کی عبارت ہم بدلتے جائیں گے

عشق کی وادی میں ناطقؔ گر کے مرنا ہے ضرور

ہر قدم پر کب تک آخر ہم سنبھلتے جائیں گے

ansuon se khun ke ajza badalte jaenge

dil ke sab arman ankhon se nikalte jaenge

ik qayamat hai ibarat waada-e-didar ki

din guzarte jaenge maani badalte jaenge

har nafas hai shama gham ka shola mein jo kuchh kahun

misl-e-parwana mire alfaz jalte jaenge

hai digar gun hal-e-dil qasid hamen bhi sath le

jabaja khat ki ibarat ham badalte jaenge

ishq ki wadi mein natiq gir ke marna hai zarur

har qadam par kab tak akhir ham sambhalte jaenge