اب میری دوگانا کو مرا دھیان ہے کیا خاک

اب میری دوگانا کو مرا دھیان ہے کیا خاک

انسان کی انا اسے پہچان ہے کیا خاک

ملتی نہیں وہ مجھ کو تمہیں اب تو بتا دو

اس بات میں اس کا اجی نقصان ہے کیا خاک

ہیں یاد بہانے تو اسے ایسے بہت سے

آنے کو یہاں چاہیئے سامان ہے کیا خاک

الفت مری اس کی تو ہوئی ہے کئی دن سے

دل کا مرے نکلا کوئی ارمان ہے کیا خاک

رنگیںؔ سے جو پیغام سلام اس نے کیا ہے

سوچو تو ذرا جی میں وہ انسان ہے کیا خاک

ab meri dogana ko mira dhyan hai kya khak

insan ki ana use pahchan hai kya khak

milti nahin wo mujh ko tumhen ab to bata do

is bat mein us ka aji nuqsan hai kya khak

hain yad bahane to use aise bahut se

ane ko yahan chahiye saman hai kya khak

ulfat miri us ki to hui hai kai din se

dil ka mire nikla koi arman hai kya khak

rangin se jo paigham salam us ne kiya hai

socho to zara ji mein wo insan hai kya khak