اب اس سے کیا تمہیں تھا یا امیدوار نہ تھا

اب اس سے کیا تمہیں تھا یا امیدوار نہ تھا

تمہارے وصل کا تم سے تو خواست گار نہ تھا

شراب پیتے ہی وہ کھل گئے وہ کھل کھیلے

شب وصال میں کچھ لطف انتظار نہ تھا

نہ جھپکی جب شب وعدہ پلک تو ہم سمجھے

یہ کوئی اور بلا تھی یہ انتظار نہ تھا

وہ تیر آپ کے ترکش میں کون سا نکلا

جو بے چلے بھی ہمارے جگر کے پار نہ تھا

وہ مر گیا ہے تو کیا ہے ہمیں بھی مرنا ہے

خدا گواہ ہے بیخودؔ وہ شراب خوار نہ تھا

ab us se kya tumhen tha ya umidwar na tha

tumhare wasl ka tum se to khwast gar na tha

sharab pite hi wo khul gae wo khul khele

shab-e-wisal mein kuchh lutf-e-intizar na tha

na jhapki jab shab-e-waada palak to ham samjhe

ye koi aur bala thi ye intizar na tha

wo tir ap ke tarkash mein kaun sa nikla

jo be chale bhi hamare jigar ke par na tha

wo mar gaya hai to kya hai hamen bhi marna hai

khuda gawah hai bekhud wo sharab khwar na tha