اب تو لب سے نہ جائے گا آگے
قربان علی سالک بیگاب تو لب سے نہ جائے گا آگے
نالے کا زور شور تھا آگے
دشت الفت میں رہنما کیسا
میں نے رہبر کو دھر لیا آگے
دشت الفت ہے گرچہ دور ولے
دل سے کہتا ہوں یہ رہا آگے
بے وفائی اگر نہ کرتی عمر
ہم دکھاتے تمہیں وفا آگے
وہ خوشامد ہی میں گئے گھبرا
مجھ کو کہنا تھا مدعا آگے
دیکھنا جو نہ تھا سو دیکھ لیا
دیکھیے دیکھتے ہیں کیا آگے
عشق میں دے کے جاں ہوئی یہ خبر
آ گیا کچھ دیا لیا آگے
صبر و ہوش و خرد گئے دل سے
میری آنکھوں کے گھر لٹا آگے
مرگ عاشق کی سن کے سب روداد
پوچھتے ہیں کہ کیا ہوا آگے
سالکؔ اور مے کشی خدا کی پناہ
کس قدر تھا یہ پارسا آگے
ab to lab se na jaega age
nale ka zor shor tha age
dasht-e-ulfat mein rahnuma kaisa
main ne rahbar ko dhar liya age
dasht-e-ulfat hai garche dur wale
dil se kahta hun ye raha age
be wafai agar na karti umar
ham dikhate tumhen wafa age
wo khushamad hi mein gae ghabra
mujh ko kahna tha muddaa age
dekhna jo na tha so dekh liya
dekhiye dekhte hain kya age
ishq mein de ke jan hui ye khabar
a gaya kuchh diya liya age
sabr-o-hosh-o-khirad gae dil se
meri ankhon ke ghar luta age
marg ashiq ki sun ke sab rudad
puchhte hain ke kya hua age
salik aur mai kashi khuda ki panah
kis qadar tha ye parsa age