اب غیر سے بھی تیری ملاقات رہ گئی

اب غیر سے بھی تیری ملاقات رہ گئی

سچ ہے کہ وقت جاتا رہا بات رہ گئی

تیری صفات سے نہ رہا کام کچھ مجھے

بس تیری صرف دوستی بالذات رہ گئی

کہنے لگا وہ حال مرا سن کے رات کو

سب قصے جا چکے یہ خرافات رہ گئی

دن انتظار کا تو کٹا جس طرح کٹا

لیکن کسو طرح نہ کٹی رات رہ گئی

بس نقد جاں ہی صرف اثرؔ نے کیا نثار

غم کی ترے سب اور مدارات رہ گئی

ab ghair se bhi teri mulaqat rah gai

sach hai ke waqt jata raha bat rah gai

teri sifat se na raha kam kuchh mujhe

bas teri sirf dosti bilzzat rah gai

kahne laga wo hal mira sun ke rat ko

sab qisse ja chuke ye khurafat rah gai

din intizar ka to kata jis tarah kata

lekin kisu tarah na kati rat rah gai

bas naqd-e-jan hi sirf asar ne kiya nisar

gham ki tire sab aur madarat rah gai