اب نہیں سینے میں میرے جائے داغ

اب نہیں سینے میں میرے جائے داغ

سوز دل سے داغ ہے بالائے داغ

دل جلا آنکھیں جلیں جی جل گیا

عشق نے کیا کیا ہمیں دکھلائے داغ

دل جگر جل کر ہوئے ہیں دونوں ایک

درمیاں آیا ہے جب سے پائے داغ

منفعل ہیں لالہ و شمع و چراغ

ہم نے بھی کیا عاشقی میں کھائے داغ

وہ نہیں اب میرؔ جو چھاتی جلے

کھا گیا سارے جگر کو ہائے داغ

ab nahin sine mein mere jae dagh

soz-e-dil se dagh hai bala-e-dagh

dil jala ankhen jalen ji jal gaya

ishq ne kya kya hamen dikhlae dagh

dil jigar jal kar hue hain donon ek

darmiyan aya hai jab se pae dagh

munfail hain lala-o-shama-o-charagh

ham ne bhi kya ashiqi mein khae dagh

wo nahin ab mir jo chhati jale

kha gaya sare jigar ko hae dagh