اب تلک حق نہیں پچھانے واہ واہ
علیم اللہاب تلک حق نہیں پچھانے واہ واہ
جان کو اپنی نہ جانے واہ واہ
تم جو کرتے ہو فرض روزہ نماز
محض عالم کو دکھانے واہ واہ
مفت کھوئی عمر دانے گھانس میں
پھر کہاتے ہو سیانے واہ واہ
مال و زر فرزند کی رکھ کر طلب
ہو رہے حق سوں اگھانے واہ واہ
حق کی خلقت میں مگر پیدا ہوئے
تم محض کھانے پکانے واہ واہ
کھوپڑی الٹی اندھی کے ہاتھ سوں
اینٹھ چلتے ہو اتانے واہ واہ
ہیں یگانے اقرباں خویشاں ستی
آپ اپنے سوں بیگانے واہ واہ
پوچھتے ہیں سب نفع نقصان کو
سر دیے پیسا کمانے واہ واہ
عاشقاں کو بولتے ہیں اے علیمؔ
خلق دنیا کے دوانے واہ واہ
ab talak haq nahin pachhane wah wah
jan ko apni na jane wah wah
tum jo karte ho farz roza namaz
mahz alam ko dikhane wah wah
muft khoi umr dane ghuns mein
phir keite ho siyane wah wah
mal-o-zar farzand ki rakh kar talab
ho rahe haq sun aghane wah wah
haq ki khilqat mein magar paida hue
tum mahz khane pakane wah wah
khopri ulti andhi ke hath sun
ainth chalte ho utane wah wah
hain yagane aqraban khweshan sati
ap apne sun begane wah wah
puchhte hain sab nafa nuqsan ko
sar diye pisa kamane wah wah
ashiqan ko bolte hain ai alim
khalq duniya ke diwane wah wah