اب مرنا ہے اپنے خوشی ہے جینے سے بے زاری ہے

اب مرنا ہے اپنے خوشی ہے جینے سے بے زاری ہے

عشق میں ایسے ہلکے ہوئے ہیں جان بدن کو بھاری ہے

شکوے کی چرچا ہوتی ہے چپکے ہی رہنا بہتر ہے

دل کو جلانا دل سوزی ہے یہ غم دنیا غم خواری ہے

کس کا وعدہ کون آتا ہے چین سے سوتا ہوگا وہ

رات بہت آئی ہے اے دل اب ناحق بیداری ہے

داؤ تھا اپنا جب وہ ہم سے چوپڑ سیکھنے آتے تھے

اب کچھ چال نہیں بن آتی جیت کے بازی ہاری ہے

لٹتے دیکھا غش میں دیکھا مرتے بھی دیکھا اس نے مجھے

اتنا نہ پوچھا کون ہے یہ اس شخص کو کیا بیماری ہے

ہجر ستم ہے کلفت و غم ہے کس سے کہیے حال اپنا

دن کو پڑے رہنا منہ ڈھانکے رات کو گریہ و زاری ہے

اٹھو کپڑے بدلو چلو کیا بیٹھے ہو بحرؔ اداس اداس

سیر کے دن ہیں پھول کھلے ہیں جوش پہ فصل بہاری ہے

ab marna hai apne khushi hai jine se be zari hai

ishq mein aise halke hue hain jan badan ko bhari hai

shikwe ki charcha hoti hai chupke hi rahna behtar hai

dil ko jalana dil sozi hai ye gham duniya gham khwari hai

kis ka waada kaun ata hai chain se sota hoga wo

rat bahut ai hai ai dil ab nahaq bedari hai

dao tha apna jab wo ham se chaupar sikhne ate the

ab kuchh chal nahin ban ati jit ke bazi hari hai

lutte dekha ghash mein dekha marte bhi dekha us ne mujhe

itna na puchha kaun hai ye us shakhs ko kya bimari hai

hijr sitam hai kulfat-o-gham hai kis se kahiye hal apna

din ko pare rahna munh dhanke rat ko girya-o-zari hai

utho kapre badlo chalo kya baithe ho bahr udas udas

sair ke din hain phul khule hain josh pe fasl-e-bahari hai