یہی بے لوث محبت یہی غم خوارئ خلق

یہی بے لوث محبت یہی غم خوارئ خلق

اور معراج کسے کہتے ہیں انسانوں کی

نام ہے کیا اسی ہنگامے کا آغاز شباب

ایک آندھی سی چلی آتی ہے ارمانوں کی

جس قدر عشق سے ہوتی ہے فزوں وسعت فکر

عقل رکھتی ہے بنائیں نئے زندانوں کی

اپنی موت اپنی تباہی کی طرف کیا دیکھیں

کہ نگاہیں طرف شمع ہیں پروانوں کی

ہو گئی عمر بہاروں کے تصور میں تمام

سیر کرتے رہے نادید گلستانوں کی

ماسوا اس کے نہیں اور کچھ افسانۂ ہند

ایک تاریخ ہے اجڑے ہوئے کاشانوں کی

yahi be los mohabbat yahi gham khwari-e-khalq

aur meraj kise kahte hain insanon ki

nam hai kya isi hangame ka aghaz-e-shabab

ek andhi si chali ati hai armanon ki

jis qadar ishq se hoti hai fuzun wusat-e-fikr

aql rakhti hai banaen nae zindanon ki

apni maut apni tabahi ki taraf kya dekhen

ke nigahen taraf-e-shama hain parwanon ki

ho gai umr baharon ke tasawwur mein tamam

sair karte rahe nadid gulistanon ki

masiwa us ke nahin aur kuchh afsana-e-hind

ek tarikh hai ujre hue kashanon ki