یہ کیا کہا کہ غم عشق ناگوار ہوا

یہ کیا کہا کہ غم عشق ناگوار ہوا

مجھے تو جرعۂ تلخ اور سازگار ہوا

سرشک شوق کا وہ ایک قطرۂ ناچیز

اچھالنا تھا کہ اک بحر بے کنار ہوا

ادائے عشق کی تصویر کھنچ گئی پوری

وفور جوش سے یوں حسن بے قرار ہوا

بہت لطیف اشارے تھے چشم ساقی کے

نہ میں ہوا کبھی بے خود نہ ہشیار ہوا

لیے پھری نگہ شوق سارے عالم میں

بہت ہی جلوۂ حسن آج بے قرار ہوا

جہاں بھی میری نگاہوں سے ہو چلا معدوم

ارے بڑا غضب اے چشم سحر کار ہوا

مری نگاہوں نے جھک جھک کے کر دئیے سجدے

جہاں جہاں سے تقاضائے حسن یار ہوا

ye kya kaha ke gham-e-ishq nagawar hua

mujhe to jura-e-talkh aur sazgar hua

sarishk shauq ka wo ek qatra-e-nachiz

uchhalna tha ke ik bahr-e-be kanar hua

ada-e-ishq ki taswir khinch gai puri

wafur-e-josh se yun husn-e-be qarar hua

bahut latif ishare the chashm-e-saqi ke

na main hua kabhi be khud na hushyar hua

liye phiri nigah-e-shauq sare alam mein

bahut hi jalwa-e-husn aj be qarar hua

jahan bhi meri nigahon se ho chala maadum

are bara ghazab ai chashm-e-sehr kar hua

miri nigahon ne jhuk jhuk ke kar diye sajde

jahan jahan se taqaza-e-husn-e-yar hua