یوم یادگار سر سیدؔ در دکن

جو شمع علم مغرب سید نے کی تھی روشن

بکھری ہوئی ہیں جس کی کرنیں ہر انجمن میں

اس شمع علم و فن کی کچھ منتشر شعاعیں

یاران بزم تم ہو اس گوشۂ دکن میں

لیکن یہ یاد رکھو سچی شعاع وہ ہے

آنکھوں کا نور بن کر پھیلے جو مرد و زن میں

جو شمع سے نکل کر دنیا کو جگمگا دے

جو روح تازہ پھونکے ہر پیکر کہن میں

ماحول کے اثر سے آئے نہ فرق لازم

گلزار کی کرن اور کہسار کی کرن میں

اور یہ نہیں تو پھر تم مٹی کا وہ دیا ہو

افسردہ نور جس کا محدود ہو لگن میں

سیدؔ نے نسبتوں کے دعوے تو سچ ہیں لیکن

اک پہلوئے عمل بھی درکار ہے سخن میں

jo shama ilm maghrib sayyad ne ki thi raushan

bikhri hui hain jis ki kirnen har anjuman mein

is shama ilm-o-fan ki kuchh muntashir shuaen

yaran-e-bazm tum ho is gosha-e-dakan mein

lekin ye yad rakho sachchi shua wo hai

ankhon ka nur ban kar phaile jo mard-o-zan mein

jo shama se nikal kar duniya ko jagmaga de

jo ruh taza phunke har paikar-e-kuhan mein

mahaul ke asar se ae na farq lazim

gulzar ki kiran aur kohsar ki kiran mein

aur ye nahin to phir tum mitti ka wo diya ho

afsurda nur jis ka mahdud ho lagan mein

sayyad ne nisbaton ke daawe to sach hain lekin

ik pahlu-e-amal bhi darkar hai sukhan mein