یوں بہ مشکل دل مجروح سے پیکاں نکلا

یوں بہ مشکل دل مجروح سے پیکاں نکلا

میں یہ سمجھا کہ ترے وصل کا ارماں نکلا

دیکھ کر اس کو دم نزع ہوئیں آنکھیں بند

جان کے ساتھ ہی دیدار کا ارماں نکلا

عرصۂ حشر میں پرسش جو ہوئی اس بت کی

میرے ہی دل میں وہ غارت گر ایماں نکلا

دھوم صحراۓ قیامت کی بہت سنتے تھے

اے جنوں وہ بھی مرا ایک بیاباں نکلا

خاک میں مل گئے ہم جس کی تمنا میں جگرؔ

وہ لحد پر بھی سنبھالے ہوئے داماں نکلا

yun ba mushkil dil-e-majruh se paikan nikla

main ye samjha ke tire wasl ka arman nikla

dekh kar us ko dam-e-nazaa huin ankhen band

jan ke sath hi didar ka arman nikla

arsa-e-hashr mein pursish jo hui us but ki

mere hi dil mein wo gharat gar-e-iman nikla

dhum sahra-e-qayamat ki bahut sunte the

ai junun wo bhi mira ek bayaban nikla

khak mein mil gae ham jis ki tamanna mein jigar

wo lahad par bhi sambhale hue daman nikla