یاں سرکشاں جو صاحب تاج و لوا ہوئے

یاں سرکشاں جو صاحب تاج و لوا ہوئے

پامال ہو گئے تو نہ جانا کہ کیا ہوئے

دیکھی نہ ایک چشمک گل بھی چمن میں آہ

ہم آخر بہار قفس سے رہا ہوئے

پچھتاؤ گے بہت جو گئے ہم جہاں سے

آدم کی قدر ہوتی ہے ظاہر جدا ہوئے

تجھ بن دماغ صحبت اہل چمن نہ تھا

گل وا ہوئے ہزار ولے ہم نہ وا ہوئے

سر دے کے میرؔ ہم نے فراغت کی عشق میں

ذمے ہمارے بوجھ تھا بارے ادا ہوئے

yan sarkashan jo sahab-e-taj-o-liwa hue

pamal ho gae to na jana ke kya hue

dekhi na ek chashmak-e-gul bhi chaman mein ah

ham akhir-e-bahar qafas se raha hue

pachhtaoge bahut jo gae ham jahan se

adam ki qadr hoti hai zahir juda hue

tujh bin dimagh-e-sohbat-e-ahl-e-chaman na tha

gul wa hue hazar wale ham na wa hue

sar de ke mir ham ne faraghat ki ishq mein

zimme hamare bojh tha bare ada hue