یار عجب طرح نگہ کر گیا

یار عجب طرح نگہ کر گیا

دیکھنا وہ دل میں جگہ کر گیا

تنگ قبائی کا سماں یار کی

پیرہن غنچہ کو تہ کر گیا

جانا ہے اس بزم سے آیا تو کیا

کوئی گھڑی گو کہ تو رہ کر گیا

وصف خط و خال میں خوباں کے میرؔ

نامۂ اعمال سیہ کر گیا

yar ajab tarah nigah kar gaya

dekhna wo dil mein jagah kar gaya

tang qabai ka saman yar ki

pairahan-e-ghuncha ko tah kar gaya

jana hai is bazm se aya to kya

koi ghari go ke tu rah kar gaya

wasf-e-khat-o-khal mein khuban ke mir

nama-e-aamal-e-siyah kar gaya