یار میرا بہت ہے یار فریب

یار میرا بہت ہے یار فریب

مکر ہے عہد سب قرار فریب

راہ رکھتے ہیں اس کے دام سے صید

ہے بلا کوئی وہ شکار فریب

عہدے سے نکلیں کس طرح عاشق

ایک ادا اس کی ہے ہزار فریب

التفات زمانہ پر مت جا

میرؔ دیتا ہے روزگار فریب

yar mera bahut hai yar fareb

makr hai ahd sab qarar fareb

rah rakhte hain us ke dam se said

hai bala koi wo shikar fareb

ohde se niklen kis tarah ashiq

ek ada us ki hai hazar fareb

iltifat-e-zamana par mat ja

mir deta hai rozgar fareb