یار کے درسن کے خاطر جان اور تن بھول جا

یار کے درسن کے خاطر جان اور تن بھول جا

مکھ منور دیکھ اس کا رنگ گلشن بھول جا

چڑھ کے تازی عشق کا نت 'مَن عَرَف' کا سیر کر

'قد عرف' کا پہنچ اے دل محل و مسکن بھول جا

ترک دے اسلام کو اور کفر سارا دور کر

چھوڑ دے حرص و ہوا فرزند اور زن بھول جا

آرسی میں دل کے ہر دم دیکھ مکھڑا روح کا

جام کو جمشید کے اور فکر درپن بھول جا

دم بہ دم دل کے نظر سوں پی کے درسن کا شراب

اے علیمؔ اللہ جہاں کے مکر اور فن بھول جا

yar ke darsan ke khatir jan aur tan bhul ja

mukh munawwar dekh us ka rang gulshan bhul ja

charh ke tazi ishq ka nit 'man araf' ka sair kar

'qad urf' ka pahunch ai dil mahal-o-maskan bhul ja

tark de islam ko aur kufr sara dur kar

chhor de hirs-o-hawa farzand aur zan bhul ja

arsi mein dil ke har dam dekh mukhra ruh ka

jam ko jamshed ke aur fikr darpan bhul ja

dam ba dam dil ke nazar sun pi ke darsan ka sharab

ai alim allah jahan ke makr aur fan bhul ja