یار کب دل کی جراحت پہ نظر کرتا ہے
انعام اللہ خاں یقینیار کب دل کی جراحت پہ نظر کرتا ہے
کون اس کوچے میں جز تیرے گزر کرتا ہے
اب تو کر لے نگہ لطف کہ ہو توشۂ راہ
کہ کوئی دم میں یہ بیمار سفر کرتا ہے
اپنی حیرانی کو ہم عرض کریں کس منہ سے
کب وہ آئینے پہ مغرور نظر کرتا ہے
عمر فریاد میں برباد گئی کچھ نہ ہوا
نالہ مشہور غلط ہے کہ اثر کرتا ہے
یار کی بات ہمیں کون سناتا ہے یقیںؔ
کون کب گل کی دوانوں کو خبر کرتا ہے
yar kab dil ki jarahat pe nazar karta hai
kaun us kuche mein juz tere guzar karta hai
ab to kar le nigah-e-lutf ke ho tosha-e-rah
ke koi dam mein ye bimar safar karta hai
apni hairani ko ham arz karen kis munh se
kab wo aine pe maghrur nazar karta hai
umr fariyad mein barbad gai kuchh na hua
nala mashhur ghalat hai ke asar karta hai
yar ki bat hamen kaun sunata hai yaqin
kaun kab gul ki diwanon ko khabar karta hai