یارب چمنِ نظم کو گلزارِ اِرم کر

یارب چمنِ نظم کو گلزارِ اِرم کر

اے ابرِ کرم خشک زراعت پہ کرم کر

تو فیض کا مبدا ہے توجہ کوئی دَم کر

گمنام کو اعجاز بیانوں میں رقم کر

جب تک یہ چمک مہر کے پر تو سے نہ جائے

اقلیم سخن میرے قلم رَو سے نہ جائے

اس باغ میں چشمے ہیں ترے فیض کے جاری

بلبل کی زباں پر ہے تری شکر گزاری

ہر نخل برومند ہے یا حضرتِ باری

پھل ہم کو بھی مل جائے ریاضت کا ہماری

وہ کل ہوں عنایت چمن طبعِ نِکو کو

بلبل نے بھی سونگھا نہ وہ جن پھولوں کی بو کو

غواص طبیعت کو عطا کر وہ لالیٰ

ہو جن کی جگہ تاجِ سرِ عرش پہ خالی

ایک ایک لڑی نظمِ ثریا سے ہو عالی

عالم کی نگاہوں سے گرے قطبِ شمالی

سب ہوں دریکتا نہ علاقہ ہو کسی سے

نذر ان کی یہ ہوں گے جنہیں رشتہ ہے نبی سے

بھر دے درِ مقصود سے اس درجِ وہاں کو

دریائے معانی سے بڑھا طبع رواں کو

آگاہ کر اندازِ تکلم سے زباں کو

عاشق ہو فصاحت بھی وہ دے حسن بیاں کو

تحسیں کا سموت سے غل تابہ سمک ہو

ہرگوش بنے کانِ ملاحت وہ نمک ہو

تعریف میں چشمے کو سمندر سے ملا دوں

قطرے کو جو دوں آپ تو گوہر سے ملا دوں

ذرے کی چمک مہرِ منور سے ملا دوں

خاروں کو نزاکت میں گلِ تر سے ملا دوں

گلدستۂ معنی کو نئے ڈھنگ سے باندھوں

اک پھول کا مضموں ہو تو سو رنگ سے باندھوں

گر بز کی جانب ہو توجہ دمِ تحریر

کھنچ جائے ابھی گلشنِ فردوس کی تصویر

دیکھے نہ کبھی صحبت انجم فلک پیر

ہوجائے ہوا بزمِ سلیماں کی بھی توقیر

یوں تختِ حسینان معانی اتر آئے

ہر چشم کو پریوں کا اکھاڑا نظر آئے

ساقی کے کرم سے ہو وہ دور اور چلیں جام

جس میں عوضِ نشہ ہو کیفیت انجام

ہر مست، فراموش کرے گردشِ ایام

صوفی کی زباں بھی نہ رہے فیض سے ناکام

ہاں بادہ کشو پوچھ لو میخانہ نشیں سے

کوثر کی یہ موج آ گئی ہے خلدِ بیرں سے

آؤں طرفِ رزم ابھی چھوڑ کے جب بزم

خیبر کی خبر لائے مری طبعِ اولو العزم

قطعِ سرِ اعداد کا ارادہ ہو جو بالجزم

دکھلائے یہں سب کو زباں معرکۂ رزم

جل جائیں عدد آگ بڑھکتی نظر آئے

تلوار پہ تلوار چمکتی نظر آئے

مصرع ہوں صف آرا سفتِ لشکرِ جرار

الفاظ کی تیزی کو نہ پہونچے کوئی تلوار

نقطے ہوں جو ڈھالیں تو الفِ خنجر خونخوار

مَد آگے بڑھیں برچھیوں کو تول کے اک بار

غل ہو کبھی یوں فوج کو لڑتے نہیں دیکھا

مقتل میں رن ایسا کبھی پڑتے نہیں دیکھا

ہو ایک زباں ماہ سے تامسکن ماہی

عالم کو دکھا دے برشِ سیفِ الہٰی

جرأت کا دھنی تو ہے یہ چلائیں سپاہی

لاریب ترے نام پہ ہے سکۂ شاہی

ہر دم یہ اشارہ ہو دوات اور قلم کا

تو مالک و مختار ہے اس طبل و علم کا

تائید کا ہنگام ہے یا حیدرؑ صفدر

امداد ترا کام ہے یا حیدرؑ صفدر

تو صاحبِ اکرام ہے یا حیدرؑ صفدر

تیرا بھی کرم عام یا حیدرؑ صفدر

تنہا ترے اقبال سے شمشیر بکف ہوں

سب ایک طرف جمع ہوں میں ایک طرف ہوں

نا قدریئ عالم کی شکایت نہیں مولا

کچھ دفترِ باطل کی حقیقت نہیں مولا

باہم گل و بلبل میں محبت نہیں مولا

میں کیا ہوں کسی روح کو راحت نہیں مولا

عالم ہے مکدر، کوئی دل صاف نہیں ہے

اس عہد میں سب کچھ ہے پر انصاف نہیں ہے

نیک و بدِ عالم کا تامل نہیں کرتے

عارف کبھی اتنا بھی تجاہل نہیں کرتے

خاروں کے لئے رخ طرفِ گل نہیں کرتے

تعریف خوش الحانی بلبل نہیں کرتے

خاموش ہیں، گو شیشہ دل چور ہوئے ہیں

اشکوں کے ٹپک پڑنے سے مجبور ہوئے ہیں

الماس سے بہتر یہ سمجھتے ہیں خذف کو

در کو تو گھٹاتے ہیں، بڑھاتے ہیں صدف کو

اندھیر یہ ہے چاند بتاتے ہیں کلف کو

کھو دیتے ہیں شیشے کے لئے درِ نجف کو

ضائع ہیں درو لعل بد خشاں و عدن کے

مٹی میں ملاتے ہیں جواہر کو سخن کے

ہے لعل و گہر سے یہ دہن کانِ جواہر

ہنگامِ سخن کھلتی ہے، دکانِ جواہر

ہیں بد مرضع تو ورق خواں جواہر

دیکھے اسے، ہاں ہے کوئی خواہانِ جواہر

بینائے رقومات ہنر چاہئے اس کو

سودا ہے جواہر کا، نظر چاہئے اس کو

کیا ہو گئے وہ جو ہریانِ سخن اک بار

ہر وقت جو اس جنس کے رہتے تھے طلب گار

اب ہے کوئی طالب نہ شناسا نہ خریدار

ہے کون دکھائیں کسے یہ گوہرِ شہوار

کس وقت یہاں چھوڑ کے ملکِ عدم آئے

جب اٹھ گئے بازار سے گاہک تو ہم آئے

خواہاں نہیں یا قوتِ سخن کا کوئی، گو آج

ہے آپ کی سرکا تو یا صاحبِ معراج

اے باعثِ ایجادِ جہاں، خلق کے سرتاج

ہوجائے گا دم بھر میں غنی بندۂ محتاج

امید اسی گھر کی، وسیلہ اسی اسی گھر کا

دولت یہی میری، یہی توشہ ہے سفر کا

میں کیا ہوں مری طبع ہے کیا اے شبہ ساہان

حسان و فرزدق ہیں یہاں عاجز وحیراں

شرمندہ زمانے سے گئے وامل و سحباں

قاصر ہیں سخن فہم و سخن سنج و سخن داں

کیا مدح کفِ خاک سے ہو نور خدا کی

لکنت یہیں کرتی ہیں زبایں فصحا کی

لا یعلم ولا علم کی کیا سحر بیانی

حضرت پہ ہویدا ہے، مری ہیچ مدانی

نہ ذہن میں جودت، نہ طبیعت میں روانی

گویا ہوں، فقط ہے یہ تری فیض رسانی

میں کیا ہوں فرشتوں کی طلاقت ہے تو کیا ہے

وہ خاص یہ بندے ہیں کہ مداح خدا ہے

تھا جوش کچھ ایسا ہی جو دعویٰ کیا میں نے

خود سربہ گریباں ہوں کہ، یہ کیا کیا میں نے

اک قطرۂ نا چیز کو دریا کیا میں نے

تقصیر بحل کیجئے، بے جا کیا میں نے

ہاں سچ ہے کہ اتنی بھی تعلّی نہ روا تھی

مولا یہ کلیجے کے پھپھولوں کی دوا تھی

مجرم ہوں، کبھی ایسی خطا کی نہیں میں نے

بھولے سے بھی آپ اپنی ثنا کی نہیں میں نے

دل سے کبھی مدحِ اُمرا کی نہیں میں نے

تقلید کلامِ جہلا کی نہیں میں نے

نازاں ہوں محبت پہ امامِ ازلی کی

ساری یہ تعلّی ہے حمایت سے علیؑ کی

ہر چند زباں کیا مری اور کیا مری تقریر

دن رات وظیفہ ہے ثنا خوانئ شبیرؑ

منظور ہے اک باب میں دو فصل کی تحریر

مولا کی مدد کا متمنی ہے یہ دل گیر

یہ فصل نئے رنگ سے کاغذ پہ رقم ہو

اک بزم ہو شادی کی تو اک صحبتِ غم ہو

شعباں کی ہے تاریخِ سویم روزِ ولادت

اور ہے دہم ماہِ عزا یوم شہادت

دونوں میں بہر حال ہے تحصیلِ سعادت

وہ بھی عملِ خیر ہے یہ بھی ہے عبادت

مدّاح ہوں کیا کچھ نہیں اس گھر سے ملا ہے

کوثر ہے صلا اس کا بہشت اس کا صلا ہے

مقبول ہوئی غرض، گنہ عفو ہوئے سب

امید بر آئی مرا حاصل ہوا مطلب

شامل ہوا افضالِ محمدؐ کرمِ رب

ہوتے ہیں علم فوجِ مضامیں کے نشاں اب

پستی پہ ہیں سب رکنِ رکیں دینِ متیں کے

ڈنکے سے ہلا دیتا ہوں طبقوں کو زمیں کے

نازاں ہوں عنایت پہ شہنشاہِ زمن کی

بخشی ہے رضا جائزہ فوجِ سخن کی

چہرے کی بحالی سے قبا چست ہے تن کی

لو برطرفی پڑ گئی مضمون کہن کی

اک فرد پرائی نہیں دفتر میں ہمارے

بھرتی ہے نئی فوج کی لشکر میں ہمارے

ہاں اے فلکِ پیر نئے سر سے جواں ہو

اے ماہِ شبِ چار دہم نور فشاں ہو

اے ظلمتِ غم دیدۂ عالم سے نہاں ہو

اے روشنیِ صبح شبِ عید عیاں ہو

شادی ہے ولادت کی یداللہ کے گھر میں

خورشید اترتا ہے شہنشاہ کے گھر میں

اے شمس و قمر، اور قمر ہوتا ہے پیدا

نخلِ چمنِ دیں کا ثمر، ہوا ہے پیدا

مخدومۂ عالم کا پسر، ہوتا ہے پیدا

جو عرش کی ضو ہے، وہ گہر ہوتا ہے پیدا

ہر جسم میں جاں آتی ہے مذکور سے جس کے

نو نورِ خدا ہوں گے عیاں، نور سے جس کے

اے کعبۂ ایماں، تری حرمت کے دن آئے

اے رکنِ یمانی، تری شوکت کے دن آئے

اے بیتِ مقدس، تری عزت کے دن آئے

اے چشمۂ زمزم، تری چاہت کے دن آئے

اے سنگِ حرم، جلوہ نمائی ہوئی تجھ میں

اے کوہِ صفا، اور صفائی ہوئی تجھ میں

اے یثرب و بطحا، ترے والی کی ہے آمد

اے رتبۂ اعلیٰ، شہہ عالی کی ہے آمد

عالم کی تغیری پہ بحالی کی ہے آمد

کہتے ہیں چمن، ماہِ جلالی کی ہے آمد

یہ خانۂ کعبہ کے مباہات کے دن ہیں

یعقوبؑ سے یوسفؑ کی ملاقات کے دن ہیں

اے ارضِ مدینہ، تجھے فوق اب ہے فلک پر

رونق جو سما پر ہے، وہ اب ہوگی سمک پر

خورشید ملا، تیرا ستارہ ہے، چمک پر

صدقے گلِ تر ہے تری پھولوں کی مہک پر

پر جس پہ فرشتوں کے بچھیں فرش وہی ہے

جس خاک پہ ہو نورِ خدا عرش وہی ہے

یا ختمِ رسل گوہرِ مقصود مبارک

یا نورِ خدا رحمتِ معبود مبارک

یا شاہِ نجف شادیِ مولود مبارک

یا خیرالنساؑ ، اخترِ مسعود مبارک

رونق ہو سدا نور دوبالا رہے گھر میں

اس ماہِ دو ہفتہ کا اجالا رہے گھر میں

اے امتیو ہے یہ دم شکر گزاری

ہر بار کرو سجدۂ شکریہِّ باری

اللہ نے حل کردیا مشکل کو تمہاری

فردیں عملِ زشت کی اب چاک ہیں ساری

لکھے گئے بندوں میں ولی ابن ولی کے

ناجی ہوئے صدقے سے حسینؓ ابن علیؓ کے

اے ماہِ معظم ترے اقبال کے صدقے

شوکت کے فدا عظمت و اجلال کے صدقے

اتری برتک، فاطمہ کے لال کے صدقے

جس سال یہ پیدا ہوئے اس سال کے صدقے

قرباں سحر عید آگر ہو تو بجا ہے

نو روز بھی اس شب کی بزرگی پر فدا ہے

قربان شبِ جمعہ، شعبانِ خوش انجام

پیدا ہوا جس شب کو محمدؐ کا گل اندام

قائم ہوا دیں اور بڑھی رونقِ اسلام

ہم پلّۂ صبحِ شبِ معراج تھی وہ شام

خورشید کا اجلال و شرف بدر سے پوچھو

کیا قدر تھی اس شب کی شبِ قدر سے پوچھو

وہ نورِ قمر اور در افشانیئ انجم

تھے جس کے سبب روشنی دیدۂ مردم

وہ چہچہے رضواں کے، وہ حوروں کا تبسم

آپس میں وہ ہنس ہنس کے فرشتوں کا تکلم

میکال شگفتہ ہوئے جاتے تھے خوشی سے

جبریل تو پھولوں نہ سماتے تھے خوشی سے

روشن تھا مدینے ک اہر اک کوچہ و بازار

جو راہ تھی خوشبو، جو محلہ تھا وہ گلزار

کھولے ہوئے تھا آہوئے شب نافۂ تاتار

معلوم یہ ہوتا تھا کہ پھولو کا ہے انبار

گردوں کو بھی اک رشک تھا زینت پہ زمیں کی

ہر گھر میں ہوا آتی تھی فردوس بریں کی

کیا شب تھی وہ سعود و ہمایون و معظم

رخ رحمتِ معبود کا تھ جانبِ عالم

جبریل و سرافیل کو مہلت نہ تھی اک دم

بالائے زمیں آتے تھے اور جاتے تھے باہم

باشندوں کی یثرب کے خبر تھی نہ گھروں کی

سب سنتے تھے آواز فرشتوں کے پروں کی

تھیں فاطمہؓ بے چین ادھر دردِ شکم سے

منہ فق تھا اور آنسو تھے رواں دیدۂ نم سے

وابستہ تھی راحت جو اسی بی بی کے دم سے

مضطر تھے علیؓ بنتِ پیمبرؐ کے الم سے

آرام تھا اک دم نہ شہِ قلعہ شکن کو

پھرتے تھے لگائے ہوئے چھاتی سے حسنؑ کو

کرتے تھے دعا بادشہِ یثرب و بطحا

راحم ہے تری ذاتِ مقدس مرے مولا

زہرا ہے کنیز اور مرا بچہ ترا بندا

آسان کر اے بار خدا مشکل زہرا

نادار ہے اور فاقہ کش و زار و حزیں ہے

مادر بھی تشفی کے لئے پاس نہیں ہے

ناگاہ درِ حجرہ ہوا مطلع انوار

دکھلانے لگے نو تجلی در و دیوار

اسما نے علی سے یہ کہا دوڑ کے اک بار

فرزند مبارک تمہیں یا حیدر کرار

اسپند کرو فاطمہ کے ماہِ جبیں پر

فرزند نہیں چاند یہ اترا ہے زمیں پر

دیکھا نہیں اس طرح کا چہرا کبھی پیارا

نقشہ ہے محمدؐ سے شہنشاہ کا سارا

ماتھے پہ چمکتا ہے جلالت کا ستارا

اللہ نے اس گھر میں عجب چاند اتارا

تصویرِ رسولِ عربیؐ دیکھ رہے ہیں

آنکھوں کی ہے گردش کہ بنی دیکھ رہے ہیں

مژدہ یہ سنا احمدؐ مختار نے جس دم

پس شکر کے سجدے کو گرے قبلۂ عالم

آئے طرفِ خانۂ زہرا خوش و خرم

فرمایا مبارک پسرائے ثانیِ مریم

چہرہ مجھے دکھلادو مرے نورِ نظر کا

ٹکڑا ہے یہ فرزندِ محمدؐ کے جگر کا

کی عرض یہ اسما نے کہ اے خاصۂ داور

نہلا لوں تو لے آؤں اسے حجرے سے باہر

ارشاد کیا احمدِؐ مختار نے ہنس کر

لے آ کہ نواسا ہے مرا طاہر و اطہر

اس چاند کو تاجِ سرِ افلاک کیا ہے

یہ وہ ہے، خدا نے جسے خود پاک کیا ہے

میں اس سے ہوں اور مجھ سے ہے یہ تو نہیں باہر

یہ نورِ الہٰی ہے یہ ہے طیب و طاہر

اسرار جو مخفی ہیں وہ اب ہوئیں گے ظارہ

یہ آیتِ ایماں ہے یہ ہے حجتِ باہِر

بڑھ کر مدد سید لولاک کرے گا

کفار کے قصے کو یہی پاک کرے گا

جس دم یہ خبر مخبر صادق نے سنائی

اسما اسے اک پارچۂ نرم پہ لائی

بو اس گلِ تازہ کی محمدؐ نے جو پائی

ہنسنے لگ، سرخی رخِ پرنور پہ آئی

منہ چاند سا دیکھا جو رسولِؐ عربی نے

لپٹا لیا چھاتی سے نواسے کو نبیؐ نے

جاں اغئی یعقوبؑ نے یوسفؑ کو جو پایا

قرآں کی طرح رحلِ دو زانو پہ بٹھایا

منہ ملنے لگے منہ سے بہت پیار جو آیا

بوسے لئے اور ہاتھوں کو آنکھوں سے لگایا

دل ہل گیا کی جب کہ نظر سینہ و سر پر

چوما جو گلا، چل گئی تلوار جگر پر

جوش آیا تھا رونے کا مگر تھام کے رقت

اس کان میں فرمائی اذاں اس میں اقامت

حیدر سے یہ فرمایا کہ اے شاہِ ولایت

کیوں تم نے بھی دیکھی مرے فرزند کی صورت

پر نور ہے گھر، تو کو ملا ہے قمر ایسا

دنیا میں کسی نے نہیں پایا پسر ایسا

کیوں کر نہ ہو تم سا پدر اور فاطمہؓ سی ماں

دو شمس و قمر کا ہے یہ اک نیر تاباں

کی عرض یہ حیدر نے کہ اے قبلۂ ایماں

حق اس پہ رکھے سایۂ پیغمبر ذی شاں

اعلیٰ ہے وہ سب سے جو مقامِ شہ دیں ہے

بندہ ہوں میں اور یہ بھی غلامِ شہ دیں ہے

عالم میں ہے یہ سب برکت آپ کے دم سے

سرسبزی دنیا ہے اسی ابر کرم سے

تا عرش پہونچ جاتا ہے سر فیضِ قدم سے

عزت ہے غلاموں کی شہنشاہ امم سے

کچھ اس میں نہ زہرا کا ہے باعث نہ علی کا

سب ہے یہ بزرگی کہ نواسا ہے نبی کا

فرمانے لگے ہنس کے شہِ یثرب و بطحا

بھائی کہو فرزند کا کچھ نام بھی رکھا

کی عرض یہ حیدر نے کہ اے سید والا

سبقت کروں میں حضرت پہ، یہ مقدور ہے میرا

فرمایا کہ موقوف ہے یہ ربِّ عُلا پر

میں بھی سبقت کر نہیں سکتا ہوں خدا پر

بس اتنے میں نازل ہوئے جبریل خوش انجام

کی عرض کہ فرماتا ہے یہ خالقِ علام

پیارا ہے نہایت ہمیں زہرا کا گل اندام

یا ختمِ رسل ہم نے ’’حسین‘‘ اس کا رکھا نام

یہ حسن میں سردار حسینانِ زمن ہے

مشتق ہے تو احسان سے تصغیر حسن ہے

ح سے یہ اشارہ کہ یہ ہے حامیِ امت

سمجھیں گے اسی سین کو سب سینِ سعادت

یَ اس کی بزرگی میں یٰسین کی آیت

ہے نون سے ظاہر کہ یہ ہے نورِ نبوت

ناجی ہے وہ اس نام کو لے

یہ حسن میں دس حصے زیادہ ہے حسن سے

دو نور کے دریا کو جو ہم نے کیا اک جا

تب اس سے ہوا گوہرِ نایاب یہ پیدا

توقیر میں بے مثل، شجاعت میں ہے یکتا

اب اور نہ ہو گا کوئی اس حسن کا لڑکا

ہم جانتے ہیں جو نہیں ظاہر ہے کسی پر

کام اس سے جو لینا ہے وہ ہے ختم اسی پر

فیاض نے کونین کی دولت اسے دی ہے

دی ہے جو علیؓ کو وہ شجاعت اسے دی ہے

صبر اس کو عنایت کیا، عزت اسے دی ہے

ان سب کے سوا اپنی محبت اسے دی ہے

اعلیٰ ہے، معظم ہے، مکرم ہے، ولی ہے

ہادی ہے، وفادار ہے، زاہد ہے سخی ہے

جب کر چکے ذکرِ کرم مالکِ تقدیر

جبریلؑ نے پاس آن کے دیکھا رخِ شپیرؐ

کی صلِّ علیٰ کہہ کے محمدؐ سے یہ تقریر

یا شاہ، یہ مہرو تو ہے صاف آپ کی تصویر

جب کہ ہے زیارت پئے تسلیم جھکے ہیں

اس نور کو ہم عرش پہ بھی دیکھ چکے ہیں

ہے اس پہ ازل سے نظرِ رحمتِ معبود

یہ پیشتر آدم سے بھی تھا عرش پہ موجود

ہے ذاتِ خدا صاحبِ فیض و کرم وجود

تھا خلق دو عالم سے یہی مطلب و مقصود

مظلومی و غربت ہے عجب نام پہ اس کے

سب روتے ہیں اور روئیں گے انجام پہ اس کے

یہ ہے سبب تہنیت و تعزیت اس دم

ہے شادی و غم گلشن ایجاد میں توام

لپٹائے ہیں چھاتی سے جسے قبلۂ عالم

بے جرم و خطا ذبح کریں گے اسے اظلم

گر حشر بھی ہوگا تو یہ آفت نہ ٹلے گی

سجدے میں چھری حلقِ مبارک پہ چلے گی

ہوگا یہ محرم میں ستم اے شہہ ذی جاہ

چھپ جائے گا آنکھوں سے اسی چاند میں یہ ماہ

تاریخ دہم جمعہ کے دن عصر کے وقت آہ

نیزے پہ چڑھائیں گے سرِ پاک کو گمراہ

کٹ جائے جب سر تو ستم لاش پہ ہوں گے

گھوڑوں کے قدم سینۂ صد پاش پہ ہوں گے

چلائے محمد کہ میں بسمل ہوا بھائی

اے وائے اخی کیا یہ خبر مجھ کو سنائی

دل ہل گیا برچھی سی کلیجے میں در آئی

یہ واقعہ سن کر نہ جئے گی مری جائی

ممکن نہیں دنیا میں دوا زخمِ جگر کی

کیوں کر کہوں زہرا سے خبر مرگِ پسر کی

جس وقت سنی فاطمہؓ نے یہ خبرِ غم

شادی میں دلادت کی بپا ہوگیا ماتم

چلاتی تھی سرپیٹ کے وہ ثانیِ مریم

بیٹی پہ چھری چل گئی یا سیدِ عالم

خنجر کے تلے چاندسی تصویر کی گردن

کٹ جائے گی ہے ہے مرے شپیر کی گردن

ہے ہے کئی دن تک نہ ملے گا اسے پانی

ہے ہے یہ سہے گا تعبِ تشنہ دہانی

ہو جائیں گے اِک جان کے سب دشمنِ جانی

ہے ہے مرا محبوب، مرا یوسفِ ثانی

پیراہنِ صد چاک کفن ہووے گا اس کا

سر نیزہ پہ اور خاک پہ تن ہوے گا اس کا

صبر اپنا دکھانے کو یہ آئے ہیں جہاں میں

یوں خلق سے جانے کو یہ آئے ہیں جہاں میں

جنگل کے بسانے کو یہ آئے ہیں جہاں میں

اماں کے رلانے کو یہ آئے ہیں جہاں میں

ہم چاند سی صورت پہ نہ شیدا ہوئے ہوتے

اے کاش مرے گھر میں نہ پیدا ہوئے ہوتے

دنیا مجھے اندھیر ہے اس غم کی خبر سے

شعلوں کی طرح آہ نکلتی ہے جگر سے

دامن پہ ٹپکتا ہے لہو دیدۂ تر سے

بس آج سفر کر گئی شادی مرے گھر سے

جس وقت تلک جیتی ہوں ماتم میں رہوں گی

مظلوم حسینؓ آج سے اس کو میں کہوں گی

بیٹی کو یہ معلوم نہ تھا یا شہِ عالم

بچھے گی زچہ خانے کے اندر صفِ ماتم

اب دن ہے چھٹی کا مجھے عاشورِ محرم

تارے بھی نہ دیکھے تھے کہ ٹوٹا فلک غم

پوشاک نہ بدلوں گی نہ سر دھوؤں گی بابا

چلے میں بھی چہلم کی طرح روؤں کی بابا

حیدر ہے کہاں آ کے دلاسا نہیں دیتے

زہراؓ کا برا حال ہے سمجھا نہیں دیتے

اس زخم کا مرہم مجھے بتلا نہیں دیتے

ہے ہے مجھے فرزند کا پرسا نہیں دیتے

حجرے میں الگ بیٹھے ہیں کیوں چھوڑ کے گھر کو

آواز تو سنتی ہوں کہ روتے ہیں پس کو

پھر دیکھ کے فرزند کی صورت یہ پکاری

اے میرے شہید اے مرے بیکس ترے واری

ہاں بعد مرے ذبح کریں گے تجھے ناری

بنتی ہوں ابھی سے میں عزادار تمہاری

دل اور کسی شغل میں مصروف نہ ہو گا

بس آج سے رونا مرا موقوف نہ ہو گا

مرجائیگا تو تشنہ دہن ہائے حسینا

ہو جائے گا ٹکڑے یہ بدن ہاے حسینا

اک جان پہ یہ رنج و محن ہائے حسینا

کوئی تجھے دے گا نہ کفن ہائے حسینا

گاڑیں گے نہ ظالم تنِ صد پاش کو ہے ہے

رہواروں سے روندیں گے تری لاش کو ہے ہے

فرمایا محمدؐ نے کہ اے فاطمہؓ زہرا

کیا مرضیِ معبود سے بندے کا ہے چارہ

خالق نے دیا ہے اسے تہ رتبۂ اعلیٰ

جبریل سوا کوئی نہیں جاننے والا

میں بھی ہوں فدا اس پہ کہ یہ فدیۂ رب ہے

یہ لال ترا بخشش امت کا سبب ہے

اس بات کا غم ہے اگر اے جانِ پیمبرؐ

بے دفن و کفن رن میں رہے گا ترا دلبر

جب قید سے ہووے گا رہا عابدِ مظطر

تگربت میں اسے دفن کرے گا وہی آ کر

ارواحِ رسولانِ زمن روئیں گی اس کو

سر پیٹ کے زینب سی بہن روئیں گی اس کو

جب چرخ پہ ہوئے گا عیاں ماہِ محرم

ہر گھر میں بپا ہوے گی اک مجلسِ ماتم

آئیں گے ملک عرش سے داں رونے کو باہم

ماتم یہ وہ ماتم ہے کہ ہوگا نہ کبھی کم

پر نور سدا اس کا عزا خانہ رہے گا

خورشید جہاں گرد بھی پروانہ رہے گا

کیا اوج ہے، کیا رتبہ ہے اس بزمِ عزا کا

غل عرش سے ہے فرش تلک صلِّ علیٰ کا

مشتاق ہے فردوزِ بریں یاں کی فضا کا

پانی میں بھی ہے یاں کی مزا آبِ بقا کا

دربارِ معلّیٰ ہے ولی ابنِ ولی کا

جاری ہے یہ سب فیض حسینؓ ابن علی کا

لوریاں سے بس اب مجلسِ ماتم کا بیاں ہے

وہ فصل خوشی ختم ہوئی غم کا بیاں ہے

مظلومیِ سلطانِ دو عالم کا بیاں ہے

ہنگامۂ عاشورِ محرم کا بیاں ہے

ہاں دیکھ لے مشتاق جو ہو فوجِ خدا کا

لوبزم میں کھلتا ہے مرقع شہدا کا

اے خضرِ بیابانِ سخن راہبری کر

اے نیرِ تابانِ خرد جلوہ گری کر

اے درد عطا لذتِ زخمِ جگری کر

اے خوفِ الٰہی مجھے عصیان سے بری کر

بندوں میں لکھا جاؤں امامِ ازلی کے

آزاد ہوں صدقے میں حسینؓ ابن علیؓ کے

قدسی کو نہیں بار، یہ دربار ہے کس کا

فردوس کو ہے رشک یہ گلزار ہے کس کا

سب جنسِ شفاعت ہے، یہ بازار ہے کس کا

خود بکتا ہے یوسفؑ یہ خریدار ہے کس کا

ملتی ہے کہاں مفت متاعِ حسن ایسی

دیکھی نہیں انجم نے کبھی انجمن ایسی

مجلس کا زہے نور خوشا محفلِ عالی

حیدر کے محبوں سے کوئی جا نہیں خالی

عاشق ہیں سب اس کے جو ہے کونین کا والی

اثنا عشری، پنجتنی، شیعۂ غالی

ششدر نہ ہو کیوں چرخ عجب جلوہ گری ہے

یہ بزمِ عزا آج ستاروں سے بھری ہے

ان میں جو مسن ہیں وہ پیمبر کے ہیں مہماں

اور جو متوسط ہیں، وہ حیدر کے ہیں مہماں

جو تازہ جواں ہیں، علی اکبر کے ہیں مہماں

شیعوں کے پسر سب علی اصغر کے ہیں مہماں

ہر خورد و کلاں عاشقِ شاہِ مدنی ہیں

پانچ انگلیوں کی طرح یہ سب پنجتنی ہیں

ارشادِ نبیؐ ہے کہ مددگار ہیں میرے

فرماتے ہیں حیدر کہ یہ غم خوار ہیں میرے

حضرت کا سخن ہے کہ عزادار ہیں میرے

میں ان کا ہوں طالب یہ طلب گار ہیں میرے

یہ آج اگر رو کے ہمیں یاد کریں گے

ہم قبر میں ان لوگوں کی امداد کریں گے

غم میں مرے بچوں کے یہ سب کرتے ہیں فریاد

اللہ سلامت رکھے ان لوگوں کی اولاد

بستی مرے شیعوں کی رہے خلق میں آباد

یہ حشر کے دن آتشِ دوزخ سے ہوں آزاد

مرتا ہے کوئی گر تو بکا کرتا ہوں میں بھی

ان کے لئے بخشش کی دعا کرتا ہوں میں بھی

مردم کے لئے واجب عینی ہے یہ زاری

رونا ہی وسیلہ ہے شفاعت کا ہماری

ہے وقتِ معین پہ ادا طاعتِ باری

یہ خیر ہے وہ خیر جو ہر وقت ہے جاری

رو لو کہ یہ وقت اور یہ صحبت نہ ملے گی

جب آنکھ ہوئی بند تو مہلت نہ ملے گی

مہلت جو اجل دے تو غنیمت اسے جانو

آمادہ ہو رونے پہ، سعادت اسے جانو

آنسو نکل آئیں تو عبادت اسے جانو

ایذا ہو جو محفل میں تو راحت اسے جانو

فاقے کئے ہیں دھوپ میں لب تشنہ رہے ہیں

آقا نے تمہارے لئے کیا ظم سہے ہیں

تکلیف کچھ ایسی نہیں سایہ ہے ہوا ہے

پانی ہے خنک مروحہِ کش بادِ صبا ہے

کچھ گرمیِ عاشورہ کا بھی حال سنا ہے

سر پیٹنے کا وقت ہے ہنگامِ بکا ہے

گذری ہے بیابان میں وہ گرمی شہِ دیں پر

بھن جاتا تھا دانہ بھی جو گرتا تھا زمیں پر

لوں چلتی تھی ایسی کہ جلے جاتے تھے اشجار

تھا عنصرِ خاکی پہ گمانِ کرۂ نار

پانی پہ دو دوام گرے پڑتے تھے ہر بار

سب خلق تو سیراب تھی پیاسے شہِ ابرار

خاک اڑ کے جمی جانی تھی زلفوں پہ قبا پر

اس دھوپ میں سایہ بیھ نہ تھا نورِ خدا پر

قطرے جو پسینے کے ٹپک پڑتے تھے ہر بار

ثابت یہی ہوتا تھا کہ ہیں اخترِ سیار

شاہد المِ فاقہ سے ہے زردیِ رخسار

بے آبی سے اودے تھے لبِ لعل گہر بار

رنیا میں ترستے رہے وہ آب رواں کو

جن ہونٹوں نے چوما تھا محمدؐ کی زباں کو

دنیا بھی عجب گھر ہے کہ راحت نہیں جس میں

وہ گل ہے یہ گل بوئے محبت نہیں جس میں

وہ دوست ہے یہ دوستِ مروت نہیں جس میں

وہ شہد ہے یہ شہد حلاوت نہیں جس میں

بے درد و الم شامِ غریباں نہیں گزری

دنیا میں کسی کی کبھی یکساں نہیں گزری

گودی ہے کبھی ماں کی کبھی قبر کا آغوش

کل پیرہن اکثر نظر آتے ہیں کفن پوش

سرگرمِ سخن ہے کبھی انساں کبھی خاموش

گہہ تخ ہے اور گاہ جنازہ بسرِ دوش

اک طور پہ دیکھا نہ جواں کو نہ مسن کو

شب کو تو چھپر کھٹ میں ہیں تابوت مین دن کو

شادی ہو کہ اندوہ ہو آرام ہو یا جور

دنیا میں گزر جاتی ہے انساں کو بہر طور

ماتم کی کبھی فصل ہے، عشرت کا کبھی دور

ہے شادی و ماتم کا مرقع جو کرو غور

کس باغ پہ آسیبِ خزاں آ نہیں جاتا

گل کون سا کھلتا ہے جو مرجھا نہیں جاتا

ہے عالمِ فانی کی عجب صبح عجب شام

گہہ غم کبھی شادی کبھی ایذا کبھی آرام

نازوں سے پلا فاطمہ زہراؓ کا گل اندام

وا حسرت و دردا کہ وہ آغاز یہ انجام

راحت نہ ملی گھر کے تلاطم سے دہم تک

مظلوم نے فاقے کئے ہفتم سے دہم تک

ریتی یہ عزیزوں کا مرقع تو ہے ابتر

شہ کا ہے یہ نقشہ کہ میں تصویر سے ششدر

فرزند نہ ملسم کے نہ ہمشیر کے دلبر

قاسم ہیں نہ عباس نہ اکبر ہیں نہ اصغر

سب نذر کو دربار پیمبر میں گئے ہیں

رخصت کو اکیلے شہہ دیں گھر میں گئے ہیں

منظور ہے پھر دیکھ لیں ہمشیر کی صورت

پھر لے گئی ہے گھر میں سکینہ کی محبت

سجاد سے کچھ کہتے ہیں اسرار امامت

بانووے دو عالم سے بھی ہے آخری رخصت

مطلوب ہے یہ زیبِ بدن رختِ کہن ہو

تا بعد شہادت وہی ملبوسِ کفن ہو

خیمے میں مسافر کا وہ آنا تھا قیامت

ایک ایک کو چھاتی سے لگانا تھا قیامت

آنا تو غنیمت تھا یہ جانا تھا قیامت

تھوڑا سا وہ رخصت کا زمانہ تھا قیامت

واں بین ادھر صبر و شکیبائی کی باتیں

افسانۂ ماتم تھیں بہن بھائی کی باتیں

حضرت کا وہ کہنا کہ بہن صبر کرو صبر

امت کے لئے والدہ صاحب نے سہے جبر

وہ کہتی تھی کیوں کر نہ میں روؤں صفتِ ابر

تم پہنو کفن اور نہ بنے ہائے مری قبر

لٹتے ہوئے اماں کا گھر ان آنکھوں سے دیکھوں

ہے ہے تہِ خنجر تمہیں کن آنکھوں سے دیکھوں

اس عمر میں تھوڑے غمِ جانکاہ اٹھائے

اشک آنکھوں سے اماں کے جنازے پہ بہائے

آنسو نہ تھمے تھے کہ پدر خوں میں نہائے

ٹکڑے دلِ شبیر کے لگن میں نظر آئے

حضرت کے سوا اب کوئی سر پر نہیں بھائی

انساں ہوں کلیجہ مرا پتھر نہیں بھائی

ہر شخص کو ہے یوں تو سفر خلق سے کرنا

دشوار ہے اک آن مسافر کا ٹھہرنا

ان آنکھوں سے دیکھا ہے بزرگوں کا گزرنا

ہے سب سے سوا ہائے یہ مظلومی کا مرنا

صدقے گئی یوں رن کبھی پڑتے نہیں دیکھا

اک دن میں بھرے گھر کو اجڑتے نہیں دیکھا

ہے ہے تمہیں لے کے میں کہاں چھپ رہوں بھائی

لٹتی ہے مرے چار بزرگوں کی کمائی

کس دشتِ پر آشوب میں قسمت مجھے لائی

یارب کہیں مر جائے ید اللہ کی جائی

زہراؓ کا پسر وقتِ جدائی مجھے روئے

سب کو تو میں روئی ہوں یہ بھائی مجھے روئے

زینب کی وہ زاری وہ سکینہ کا بلکنا

وہ ننھی سی چھاتی میں کلیجے کا دھڑکنا

وہ چاند سا منہ اور وہ بندے کا چمکنا

حضرت کا وہ بیٹی کی طرف یاس سے تکنا

حسرت سے یہ ظاہر تھا کہ معذور ہیں بی بی

پیدا تھا نگاہوں سے کہ مجبور ہیں بی بی

وہ کہتی تھی بابا ہمیں چھاتی سے لگاؤ

فرماتے تھے شہ آؤ نہ جانِ پدر آؤ

ہم کڑھتے ہیں لو آنکھوں سے آنسو نہ بہاؤ

خوشبو تو ذرا گیسوئے مشکیں کو سنگھاؤ

کوثر یہ ہے، تم بن نہیں آرام چچا کو

ہم جاتے ہیں کچھ دیتی ہو پیغام چچا کو

بی بی کہو کیا حال ہے اب ماں کا تمہاری

کس گوشے میں بیٹھی ہیں کہاں کرتی ہیں زاری

جب سے سوئے جنت گئی اکبر کی سواری

دیکھا نہ انہیں گھر میں ہم آئے کئی باری

تھی سب کی محبت انہیں بیٹے ہی کے دم تک

کیا آخری رخصت کو بھی آئیں گی نہ ہم تک

کس جا ہیں طلب ہم کو کریں یا وہی آئیں

ممکن نہیں اب وہ ہمیں یا ہم انہیں پائیں

کچھ ہم سے سنیں کچھ ہمیں حال اپنا بتائیں

اک دم کے مسافر ہیں ہمیں دیکھ تو جائیں

بعد اپنے یہ لوٹا ہوا گھر اور کٹے گا

افسوس کہ اک عمر کا ساتھ آج چھٹے گا

غش میں جو سنی بانوئے مضطر نے یہ تقریر

ثابت ہو مرنے کو چلے حضرت شبیر

سر ننگے اٹھی چھوڑ کے گہوارۂ بے شیر

چلائی مجھے ہوش نہ تھا یا شہِ دل گیر

جاں تن سے کوئی آن میں اب جاتی ہے آقا

یہ خادمہ رخصت کے لئے آتی ہے آقا

یہ سن کے بڑھے چند قدم شاہِ خوش اقبال

قدموں پہ گری دوڑ کے وہ کھولے ہوئے بال

تھا قبلۂ عالم کا بھی اس وقت عجب حال

روتے تھے غضب آنکھوں پہ رکھے ہوئے رومال

فرماتے تھے جانکاہ جدائی کا الم ہے

اٹھو تمہیں روحِ علی اکبر کی قسم ہے

وہ کہتی تھی کیوں کر میں اٹھوں اے مری سرتاج

والی انہیں قدموں کی بدولت ہے مرا راج

سر پر جو نہ ہوگا پسرِ صاحبِ معراج

چادر کے لئے خلق میں جاؤں گی محتاج

چھوٹے جو قدم مرتبہ گھٹ جائے گا میرا

قربان گئی تخت الٹ جائے گا میرا

یاں آئی میں جب خانۂ کسریٰ ہوا برباد

وہ پہلی اسیری کی اذیت ہے مجھے یاد

کی عقدہ کشائے دو جہاں نے مری امداد

حضرت کے تصدق میں ہوئی قید سے آزاد

لونڈی تھی، بہو ہو گئی زہراؓ و علیؓ کی

قسمت نے بٹھایا مجھے مسند پہ نبیؐ کی

چھبیس برس تک نہ چھٹا آپ کا پہلو

اب ہجر ہے تقدیر میں یا سید خوش خو

شب بھر رہے تکیہ سرِ اقدس کا جو بازو

ہے ہے اسے اب رسی سے باندھیں گے جفا جو

سر پر نہ ردا ہوگی تو مر جاؤں گی صاحب

چھپنے کو میں جنگل میں کدھر جاؤں گی صاحب

حضرت نے کہا کس کا سدا ساتھ رہا ہے

ہر عاشق و معشوق نے یہ داغ سہا ہے

دارِ محن اس دار کو داور نے کہا ہے

ہر چشم سے خونِ جگر اس غم میں بہا ہے

فرقت میں عجب حال تھا خالق کے ولی کا

ساتھ آٹھ برس تک رہا زہراؓ و علیؓ کا

سو سو برس اس گھر میں محبت سے رہے جو

اس موت نے دم بھر میں جدا کر دیا ان کو

کچھ مرگ سے چارہ نہیں اے بانوئے خوش خو

ہے شاق فلک کو کہ رہیں ایک جگہ دو

کس کس پہ زمانے نے جفا کی نہیں صاحب

اچھوں سے کبھی اس نے وفا کی نہیں صاحب

لازم ہے خدا سے طلبِ خیر بشر کو

تھامے گا تباہی میں وہی رانڈ کے گھر کو

آنا ہے تمہیں بھی وہیں جاتے ہیں جدھر کو

وارث کی جدائی میں پٹکتے نہیں سر کو

کھولے گا وہی رسی بندھے ہاتھ تمہارے

سجاد سا بیٹا ہے جواں ساتھ تمہارے

زینب کو تو دیکھو کہ ہیں کس دکھ میں گرفتار

ایسا کوئی اس گھر میں نہیں بے کس و ناچار

تنہا ہیں کہ بے جاں ہوے دو چاند سے دلدار

دنیا سے گیا اکبرِ ناشاد ساغم خوار

بیٹے بھی نہیں گود کاپالا بھی نہیں ہے

ان کو تو کوئی پوچھنے والا بھی نہیں ہے

یہ کہہ کے کچھ آہستہ کہا گوشِ پسر میں

بیمار کے رونے سے قیامت ہو گئی گھر میں

اندھیر زمانہ ہوا بانو کی نظر میں

غش ہو گئی زینبؓ یہ اتھا درد جگر میں

ٹھہر نہ گیا واں، شہِ والا نکل آئے

تنہا گئے روتے ہوئے تنہا نکل آئے

کچھ پڑھ کے پھرے جانبِ قبلہ شہہ بے پر

کج کی طرفِ دوشِ یمیں گردنِ انور

تھراتے ہوئے ہاتھوں پہ عمامے کو رکھ کر

کی حق سے مناجات کہ اے خالقِ اکبر

حرمت ترے محبوب کی دنیا میں بڑی ہے

کر رحم کہ آل ان کی تباہی میں پڑی ہے

یارب یہ ہے سادات کا گھر تیرے حوالے

رانڈیں ہیں کئی کستہ جگر تیرے حوالے

بیکس کا ہے بیمار پسر تیرے حوالے

سب ہیں ترے دریا کے گہر تیرے حوالے

عالم ہے غربت میں گرفتاری بلا ہوں

میں تیری حمایت میں انہیں چھوڑ چلا ہوں

میرے نہیں، بندے ہیں ترے اے مرے خالق

بستی ہو کہ جنگل توہی حافظ تو ہی رازق

باندھے ہیں کمر ظلم و تعدی پہ منافق

نے دوست ہے دنیا، نہ زمانہ ہے موافق

حرمت ہے ترے ہاتھ امامِ ازلی کی

دو بیٹیاں، دو بہوئیں ہیں اس گھر میں علی کی

میں یہ نہیں کہتا کہ اذیت نہ اٹھائیں

یا اہلِ ستم آگ سے خیمے نہ جلائیں

ناموس لٹیں قید ہوں اور شام میں جائیں

مہلت مرے لاشے پہ بھی رونے کی نہ پائیں

بیڑی میں قدم طوق میں عابد کا گلا ہو

جس میں ترے محبوب کی امت کا بھلا ہو

یہ کہہ کے گریبانِ مبارک کو کیا چاک

اور ڈال لی پیراہن پر نور پہ کچھ خاک

میت ہونے شبیر کفن بن گئی پوشاک

بس فاتحۂ خیر پڑھا بادلِ غم ناک

مڑکر نہ کسی دوست نہ غم خوار کو دیکھا

پاس آئے تو روتے ہوئے رہوار کو دیکھا

گردان کے دامن علی اکبر کو پکارے

تھامو مرے گھوڑے کا رکاب اے مرے پیارے

لختِ دلِ شبیر کدھر اس وقت سدھارے

بھائی ہیں کہاں ہاتھ میں دیں ہاتھ ہمارے

آتے نہیں مسلم کے جگر بند کہاں ہیں

دونوں مری ہمشیر کے فرزند کہاں ہیں

تنہائی میں اک ایک کو حضرت نے پکارا

کون آئے کہ فردو میں تھا قافلہ سارا

گھوڑے پہ چھڑا خود اسد اللہ کا پیارا

اونچا ہوا افلاکِ امامت کا ستارا

شوخی سے فرس پاؤں نہ رکھتا تھا زمیں پر

غل تھا کہ چلا قطبِ زماں عرشِ بریں پر

شبدیز نے چھل بل میں عجب ناز دکھایا

ہر گام پہ طاؤس کا انداز دکھایا

زیور نے عجب حسنِ خداداد دکھایا

فتراک نے اوجِ پرِ پرواز دکھایا

تھا خاک پہ اک پاؤں تو اک عرشِ بریں پر

غل تھا کہ پھر اترا ہے براق آج زمیں پر

اعداد کی زبانوں پر یہ حیرت کی تھی تقریر

حضرت یہ رجز پڑھتے تھے تولے ہوئے شمشیر

دیکھوں نہ مٹاؤ مجھے اے فرقۂ بے پیر

میں یوسفِ کنعانِ رسالت کی ہوں تصویر

واللہ تعلّی نہیں یہ کلمۂ حق ہے

عالم کے مرقعے میں حسین ایک ورق ہے

واللہ جہاں میں مرا ہمسر نہیں کوئی

محتاج ہوں پر مجھ سا توانگر نہیں کوئی

ہاں میرے سوا شافعِ محشر نہیں کوئی

یوں سب ہیں مگر سبطِ پیمبر نہیں کوئی

باطل ہے اگر دعویٰ اعجاز کرے گا

کس بات پہ دنیا میں کوئی ناز کرے گا

ہم وہ ہیں کہ اللہ نے کوثر ہمیں بخشا

سرداریِ فردوس کا افسر ہمیں بخشا

اقبالِ علی خلق پیمبر ہمیں بخشا

قدرت ہمیں دی، زور ہمیں، زر ہمیں بخشا

ہم نور ہیں گھر طورِ تجلا ہے ہمارا

تختِ بنِ داؤد مصلا ہے ہمارا

نانا وہ کہ ہیں جن کے قدم عرش کے سرتاج

قوسینِ مکان، ختمِ رسل، صاحبِ معراج

ماں ایسی کہ سب جس کی شفاعت کے ہیں محتاج

باپ ایسا صنم خانوں کو جس نے کیا تاراج

لڑنے کو اگر حیدر صفدر نہ نکلتے

بت گھر سے خدا کے کبھی باہر نہ نکلتے

کس جنگ میں سینے کو سپر کر کے نہ آئے

کس مرحلۂ صعف کو سر کر کے نہ آئے

کس فوج کی صف زیر و زبر کر کے نہ آئے

تھی کون سی شب جس کو سحر کر کے نہ آئے

تھا کون جو ایماں تہِ صمصام نہ لایا

اس شخص کا سر لائے جو اسلام نہ لایا

اصنام نہ کچھ کم تھے، نہ کفار تھے تھوڑے

طاقت تھی کہ عزیٰ کو کوئی لات سے توڑے

بد کیشوں نے سجدے بھی کئے ہاتھ بھی جوڑے

بے توڑے وہ بت حیدر صفدر نے نہ چھوڑے

کعبے کو صفا کردیا خالق کے کرم سے

نکلے اسد اللہ اذاں دے کے حرم سے

اس عہد میں مالک اسی تلوار کے ہم ہیں

جرار پسر، حیدر کرار کے ہم ہیں

فرزند محمدؐ سے جہاں دار کے ہم ہیں

وارثِ شہِ لولاک کی سرکار کے ہم ہیں

کچھ غیر کفن ساتھ نہیں لے کے گئے ہیں

تابوت سکینہ بھی ہمیں دے کے گئے ہیں

یہ فرق یہ عمامۂ سردارِ زمن ہے

یہ تیغِ علی ہے یہ کمر بندِ حسن ہے

یہ جوشنِ داؤد ہے جو حافظ تن ہے

یہ پیراہنِ یوسفِ کنعانِ محن ہے

دکھلائیں سند دستِ رسول عربیؐ کی

یہ مہر سلیماں ہے، یہ خاتم ہے نبی کی

دیکھو تو یہ ہے کون سے جرار کی تلوار

کس شیر کے قبضے میں ہے کرار کی تلوار

دریا نے بھی دیکھی نہیں اس دھار کی تلوار

بجلی کی تو بجلی ہے یہ، تلوار کی تلوار

قہر و غضب اللہ کا ہے کاٹ نہیں ہے

کہتے ہیں اسے موت کا گھر گھاٹ نہیں ہے

دم لے کہیں رک کر وہ روانی نہیں اس میں

چلنے میں سبک تر ہے، گرانی نہیں اس میں

جز حرفِ ظفر اور نشانی نہیں اس میں

جل جاؤ گے سب آگ ہے پانی نہیں اس میں

چھوڑے گی نہ زندہ اسے جو دشمن دیں ہے

نابیں نہیں، غصے سے اجل چیں بہ جبیں ہے

سب قطرے ہیں گر فیض کے دریا ہیں تو ہم ہیں

ہر نقطۂ قرآں کے شناسا ہیں تو ہم ہیں

حق جس کا ہے جامع وہ ذخیرہ ہیں تو ہم ہیں

افضل ہیں تو ہم، عالم و دانا ہیں تو ہم ہیں

تعلیم ملک عرش پہ تھا ورد ہمارا

جبریل سا استاد ہے شاگرد ہمارا

گر فیض ظہورِ شہِ لولاک نہ ہوتا

بالائے زمیں گنبدِ افلاک نہ ہوتا

کچھ خاک کے طبقے میں، بجز خاک نہ ہوتا

ہم پاک نہ کرتے تو جہاں پاک نہ ہوتا

یہ شور اذاں کا سحر و شام کہاں تھا

ہم عرش پہ جب تھے تو یہ اسلام کہاں تھا

محسن سے بدی ہے یہی احساں کا عوض واہ

دشمن کے ہوا خواہ ہوئے دوست کے بد خواہ

گمراہ کے بہکانے سے روکو نہ مری راہ

لو اب بھی مسافر کو نکل جانے دو لِلّٰلہ

مل جائے گی اک دم میں اماں رنج و بلا سے

میں ذبح سے بچ جاؤں گا، تم قہر خدا سے

بستی میں کہیں مسکن و ماوا نہ کروں گا

یثرب میں بھی جانے کا ارادہ نہ کروں گا

صابر ہوں کسی کا کبھی شکوا نہ کروں گا

اس ظلم کا میں ذکر بھی اصلا نہ کروں گا

رونا نہ چھٹے گا کہ عزیزوں سے چھپا ہوں

جو پوچھے گا کہہ دوں گا کہ جنگل میں لٹا ہوں

اعدا نے کہا قہرِ خدا سے نہیں ڈرتے

ناری تو ہیں دوزخ کی جفا سے نہیں ڈرتے

فریاد رسولِؐ دوسرا سے نہیں ڈرتے

خاتونِ قیامت کی بکا سے نہیں ڈرتے

ہم لوگ جدھر دولتِ دنیا ہے ادھر ہیں

اللہ سے کچھ کام نہیں بندۂ زر ہیں

حضرت نے کہا خیر خبردار صفوں سے

آیا غضب اللہ کا ہشیار صفوں سے

بجلی سا گزر جاؤں گا ہر بار صفوں سے

کب پنجتنی رکتے ہیں دو چار صفوں سے

عربت کے چلن دیکھ چکے، حرب کو دیکھو

لو بندۂ زر ہو، تو مری ضرب کو دیکھو

یاں گوشۂ عزلت، خمِ شمشیر نے چھوڑا

واں سہم کے چلے کو ہر ایک تیر نے چھوڑا

کس قہر سے گھر موت کی تصویر نے چھوڑا

ساحل کو صفِ لشکرِ بے پیر نے چھوڑا

عنقائے ظفر فتح کا در کھول کے نکلا

شہباز اجل، صید کو، پر تول کے نکلا

جلوہ کیا بدلی سے نکل کر مہِ نونے

دکھلائے ہوا میں دوسر، اک شمع کی لو نے

تڑپا دیا بجلی کو فرس کی تگ و دَو نے

تاکاسپر مہر کو شمشیر کی ضو نے

اعدا تو چھپانے لگے ڈھالوں پہ سروں کو

جبریل نے اونچا کیا گھبرا کے پروں کو

بالا سے جو آئی وہ بلا جانبِ پستی

بس نیست ہوئی دم میں ستم گاروں کی بستی

چلنے لگی یک دست جو شمشیر دو دستی

معلوم ہوا لٹ گئی سب کفر کی بستی

زور ان کے ہر اک ضرب میں اللہ نے توڑے

ٹوٹیں جو صفیں بت اسد اللہ نے توڑے

بجلی سی جو گِر کر صفِ کفار سے نکلی

آواز بزن تیغ کی جھنکار سے نکلی

گہہ ڈھال میں ڈوبی کبھی تلوار سے نکلی

در آئی جو پیکاں میں تو سو فار سے نکلی

تھے بند خطا کاروں پہ دا امن و اماں کے

چلے بھی چھپے جاتے تھے گوشوں میں کماں کے

افلاک پہ چمکی کبھی، سر پر کبھی آئی

کوندی کبھی جوشن پی، سپر پر کبھی آئی

گہہ پڑھ گئی سینہ پہ، جگر پر کبھی آئی

تڑپی کبھی پہلو پہ، کبھی کمر پر کبھی آئی

طے کر کے پھر کون سا قصہ تھا فرس کا

باقی تھا جو کچھ کاٹ، وہ حصہ تھا فرس کا

بے پاؤں جدھر ہاتھ سے چلتی ہوئی آئی

ندی ادھر اک خوں کی ابلتی ہوئی آئی

دم بھر میں سو سورنگ بدلتی ہوئی آئی

پی پی کے لہو لعل اگلتی ہوئی آئی

ہیرا تھا بدن، رنگ زمرد سے ہرا تھا

جوہر نہ کہو پیٹ جواہر سے بھرا تھا

زیبا تھا دمِ جنگ پر ی وش اسے کہنا

معشوقِ بنی سرخ لباس اس نے جو پہنا

اس اوج پہ وہ سر کو جھکائے ہوئے رہنا

جوہر تھے کہ پہنے تھی دلہن پھولوں کا گہنا

سیب چمنِ خلد کی بو باس تھی پھل میں

رہتی تھی وہ شبیر سے دولہا کی بغل میں

سر ٹپکے تو موج اس کی روانی کو نہ پہونچے

قلزم کا بھی دھارا ہو تو پانی کو نہ پہونچے

بجلی کی تڑپ شعلہ فشانی کو نہ پہونچے

خنجر کی زباں تیغ زبانی کو نہ پہونچے

دوزخ کی زبانوں سے بھی آنچ اس کی بری تھی

برچھی تھی، کٹاری تھی، سر وہی تھی، چھری تھی

موجود بھی ہر غول میں اور سب سے جدا بھی

دم خم بھی، لگاوٹ بھی، صفائی بھی، ادا بھی

اک گھاٹ پہ تھی آگ بھی، پانی بھی، ہوا بھی

امرت کا بھی، ہلاہل بھی، مسیحا بھی، قضا بھی

کیا صاحب جوہر تھی عجب ظرف تھا اس کا

موقع تھا جہاں جس کا وہیں صرف تھا اس کا

ہرڈھال کے پھولوں کو اڑاتا تھا پھل اس کا

تھا لشکرِ باغی میں ازل سے عمل اس کا

ڈر جاتی تھی منہ دیکھ کے ہر دم اجل اس کا

تھا قلعۂ چار آئینہ، گویا عمل اس کا

اس در سے گئی کھول کے وہ در نکل آئی

گہہ صدر میں بیٹھی، کبھی باہر نکل آئی

نیزوں پہ گئی برچھیوں والوں کی طرف سے

جا پہونچی کماں داروں پہ پھالوں کی طرف سے

پھر آئی سواروں کے رسالوں کی طرف سے

منہ تیغوں کی جانب کیا ڈھالوں کی طرف سے

بس ہو گیا دفتر نظری، نام و نسب کا

لاکھوں تھے، تو کیا دیکھ لیا جائزہ سب کا

پہونچی جو سپر تک تو کلائی کو نہ چھوڑا

ہر ہاتھ میں ثاب کسی گھائی کو نہ چھوڑا

شوخی کو، شرارت کو، لڑائی کو نہ چھوڑا

تیزی کو، رکھائی کو، صفائی کو نہ چھوڑا

اعضائے بدن قطع ہوئے جاتے تھے سب کے

قینچی سی زباں چلتی تھی فقرے تھے غضب کے

چار آئینہ والوں کو نہ تھا جنگ کا یارا

چو رنگ تھے سینے تو کلیجہ تھا دو پارا

کہتے تھے زرہ پوش نہیں جنگ کا یارا

بچ جائیں تو جانیں کہ ملی جان دوبارہ

جوشن کو سنا تھا کہ حفاظت کا محل ہے

اس کی نہ خبر تھی کہ یہی دامِ اجل ہے

بد کشی لڑائی کا چلن بھول گئے تھے

نادک فگنی تیر فگن بھول گئے تھے

سب حیلہ گری، عہد شکن بھول گئے تھے

بے ہوشی میں ترکش کا دہن بھو گئے تھے

معلوم نہ تھا جسم میں جاں ہے کہ نہیں ۃے

چلاتے تھے قبضے میں کماں ہے کہ نہیں ہے

ڈر ڈر کے قدِ راست سنانوں نے جھکائے

دب دب کے سرِ عجز کمانوں نے جھکائے

ہٹ ہٹ کے علم، رن میں جوانوں نے جھکائے

سر خاک پہ گرگر کے نشانوں نے جھکائے

غل تھا کہ پناہ، اب ہمیں یا شاہِ زماں دو

پھیلائے تھے دامن کو، پھریرے، کہ اماں دو

شہ کہتے تھے ہے باڑھ پہ دریا نہ رکے گا

اس موج پہ آفت کا طمانچہ نہ رکے گا

بے فتح و ظفر، دلبر زہرا نہ رکے گا

تاغرق نہ فرعون ہو، موسیٰؑ نہ رکے گا

ہے بحرِ غضب نام ہے قہر صمد اس کا

رکنے کا نہیں شام تلک جزر و مد اس کا

اس صف سے گئے بیچ سے اس غول کے نکلے

جو فوج چھڑی منہ پہ اسے رول کے نکلے

انبوہ سے یوں تیغِ دوسر تول کے نکلے

گویا درِ خیبر کو، علی کھول کے نکلے

دنیا جو بچی، روحِ محمدؐ کا سبب تھا

شبیر اگر رحم نہ کرتے تو غضب تھا

لڑتے تھے مگر غیظ سے رحمت تھی زیادہ

شفقت بھی نہ کم تھی جو شجاعت تھی زیادہ

نانا کی طرح خاطرِ امّت تھی زیادہ

بیٹوں سے غلاموں کی محبّت تھی زیادہ

تلوار نہ ماری جسے منہ موڑتے دیکھا

آنسو نکل آئے جسے دم توڑتے دیکھا

فرماتے تھے اعدا کو ترائی سے بھگا کر

کیوں چھوڑ دیا گھاٹ کو، روکو ہمیں آ کر

دعوت یونہی کرتے ہیں مسافر کو بلا کر؟

ہم چاہیں تو پانی بھی پئیں نہر میں جا کر

پر صبر کے دریا میں ہمیں پیاس نہیں ہے

اب زہر یہ پانی ہے کہ عبّاس نہیں ہے

بھولی نہیں اکبر کی ہمیں تشنہ دہانی

وہ چاند سا رخ، وہ قد و قامت، وہ جوانی

وہ سوکھے ہوئے ہونٹ، وہ اعجاز بیانی

دکھلا کے زباں مانگتے تھے نزع میں پانی

کس سے کہیں جو خونِ جگر ہم نے پیا ہے

بعد ایسے پسر کے بھی، کہیں باپ جیا ہے؟

یہ کہہ کے سکینہ کے بہشتی کو پکارے

الفت ہمیں لے آئی ہے پھر پاس تمھارے

لڑتے ہوئے آ پہنچے ہیں دریا کے کنارے

عبّاس، غش آتا ہے ہمیں پیاس کے مارے

اِن سوکھے ہوئے ہونٹوں سے ہونٹوں کو ملا دو

کچھ مشک میں پانی ہو تو بھائی کو پلا دو

لیٹے ہوئے ہو ریت میں کیوں منہ کو چھپائے

اٹھو کہ سکینہ کو یہاں ہم نہیں لائے

غافل ہو، برادر تمھیں کس طرح جگائے

ہے عصر کا وقت، اے اسداللہ کے جائے

خوش ہوں گا میں، آگے جو عَلم لے کے بڑھو گے

کیا بھائی کے پیچھے نہ نماز آج پڑھو گے؟

کہہ کر یہ سخن رونے لگا بھائی کو بھائی

تلوار سے مہلت ستم ایجادوں نے پائی

جس فوج نے رن چھوڑ دیا تھا وہ پھر آئی

دو روز کے پیاسے یہ، گھٹا شام کی چھائی

بارش ہوئی تیروں کی ولی ابنِ ولی پر

سب ٹوٹ پڑے ایک حسین ابنِ علی پر

کی شہ نے جو سینے پہ نظر پونچھ کے آنسو

سب چھاتی سے تھے پہلوؤں تک تیر سہ پہلو

ہر سمت سے تیغیں جو لگاتے تھے جفا جو

سالم نہ کلائی تھی، نہ شانہ تھا، نہ بازو

برگشتہ زمانہ تھا شہِ تشنہ گلُو سے

پھل برچھیوں کے سرخ تھے سیّد کے لہو سے

زخموں سے جو وہ دستِ مبارک ہوئے بیکار

ہرنے پہ دھری شاہ نے سپر، میان میں تلوار

بس کعبۂ ایماں کے قریب آ گئے کفّار

مظلوم کو تیغیں جو لگانے لگے اک بار

یوں شاہ کو گھیرے تھے پرے فوجِ ستم کے

جس طرح صف آرا تھے صنم گرد حرم کے

سجدے کی جگہ چھوڑی نہ تیروں نے جبیں پر

تقدیر نے لکھّے کئی نقش ایک نگیں پر

کثرت تھی جراحت کی رخِ قبلۂ دیں پر

ہر جا خطِ شمشیر تھی قرآنِ مبیں پر

تلواروں کے ٹکڑے تھے ہر اک جزوِ بدن پر

مجموعہ پریشان تھا، سی پار تن پر

حضرت کی یہ صورت تھی، فرس کا تھا یہ احوال

منہ تیغوں سے زخمی تھا بدن تیروں سے غربال

گھائل تھی جبیں، خون میں ڈوبی ہوئی تھی یال

گردن کا وہ کینڈا نہ وہ شوخی تھی نہ وہ چال

ہر سمت سے تیروں کا جو مینہ اس پہ پڑا تھا

پر کھولے ہوئے دھوپ میں طاؤس کھڑا تھا

جھک جاتے تھے ہرنے پہ جو غش میں شہِ ابرار

منہ پھیر کے آقا کی طرف تکتا تھا راہوار

چمکار کے فرماتے تھے شبیّرِ دل افگار

اب خاتم جنگ ہے اے اسپِ وفادار

اتریں گے بس اب تجھ سے چھٹا ساتھ ہمارا

نہ پاؤں ترے چلتے ہیں، نہ ہاتھ ہمارا

زخمی ہے، نہیں اب تری تکلیف گوارا

گرتے ہیں سنبھلنے کا ہمیں بھی نہیں یارا

کیا بات تری، خوب دیا ساتھ ہمارا

آ پہنچا ہے منزل پہ ید اللہ کا پیارا

تو جس میں پلا ہے وہ گھر اک دم میں لٹے گا

بچپن کا ہمارا ترا اب ساتھ چھٹے گا

گھیرے ہیں عدو، خیمے تلک جا نہیں سکتے

کھوئی ہے جو طاقت اسے اب پا نہیں سکتے

مشکل ہے سنبھلنا، تجھے دوڑا نہیں سکتے

پہلو ترے مجروح ہیں، ٹھکرا نہیں سکتے

حیواں کو بھی دکھ ہوتا ہے زخموں کے تعب کا

میں درد رسیدہ ہوں، مجھے درد ہے سب کا

کس طرح دکھاؤں کہ ترے زخم ہیں کاری

میں نے تو کسی دن تجھے قمچی نہیں ماری

گھوڑے نے سنی درد کی باتیں جو یہ ساری

دو ندّیاں اشکوں کی ہوئیں آنکھوں سے جاری

حیواں کو بھی رقّت ہوئی اس لطف و کرم پر

منہ رکھ دیا مڑ کر شہِ والا کے قدم پر

گردن کو ہلایا کہ مسیحا، نہ اُتریے

دم ہے ابھی مجھ میں مرے آقا، نہ اُتریے

تلواریں لیے گرد ہیں اعدا، نہ اُتریے

سب فوج چڑھی آتی ہے مولا، نہ اُتریے

اے وائے ستم صدر نشیں خاک نشیں ہو

حسرت ہے کہ مر جاؤں تو خالی مری زیں ہو

شہ نے کہا، تا چند مسافر سے مَحبّت

وہ تو نے کیا، ہوتا ہے جو حقِ رفاقت

بتلا تو سنبھلنے کی بھلا کون ہے صورت

نہ ہاتھ میں، نہ پاؤں میں نہ قلب میں طاقت

بہتر ہے کہ اتروں، نہیں تیورا کے گروں گا

پھٹ جائیں گے سب زخم جو غش کھا کے گروں گا

ہے عصر کا ہنگام، مناسب ہے اترنا

اس خاک پہ ہے شکر کا سجدہ ہمیں کرنا

گو مرحل صعب ہے دنیا سے گزرنا

سجدے میں کٹے سر کہ سعادت ہے یہ مرنا

طاعت میں خدا کی نہیں صرفہ تن و سر کا

ذی حق ہیں ہمیں اس کے کہ ورثہ ہے پدر کا

اترا یہ سخن کہہ کے وہ کونین کا والی

خاتم سے نگیں گر گیا، زیں ہو گیا خالی

اس دکھ میں نہ یاور تھے، نہ مولا کے موالی

خود ٹیک کے تلوار کو سنبھلے شہِ عالی

کپڑے تنِ پُر نور کے سب خوں میں بھرے تھے

اک ہاتھ کو راہوار کی گردن پہ دھرے تھے

منہ یال پہ رکھ رکھ کے یہ فرماتے تھے ہر بار

جا ڈیوڑھی پہ اے صاحبِ معراج کے راہوار

اب ذبح کریں گے ہمیں اک دم میں ستمگار

زینب سے یہ کہنا کہ سکینہ سے خبردار

رہنا وہیں جب تک مرا سر تن سے جدا ہو

لے جائیو بانو کو جدھر حکمِ خدا ہو

یہ کہہ کے جو سرکا اسداللہ کا جایا

اک تیر جبیں پر بنِ اشعث نے لگایا

فریاد نے زہرا کی دو عالم کو ہلایا

پیکانِ سہ پہلو عقبِ سر نکل آیا

تڑپے نہ، زہے صبر امامِ دو جہاں کا

سوفار نے بوسہ لیا سجدے کے نشاں کا

حضرت نے جبیں سے ابھی کھینچا نہ تھا وہ تیر

جو سر پہ لگی تیغِ بنِ مالکِ بے پیر

ابرو تک اتر کر جو اٹھی ظلم کی شمشیر

سر تھام کے بس بیٹھ گئے خاک پہ شبّیر

چلّائے ملک دیکھ کے خوں سبطِ نبی کا

تھا حال یہی مسجدِ کوفہ میں علی کا

بیٹھے جو سوئے قبلہ دو زانو شہِ بے پر

جھکتے تھے کبھی غش میں اٹھاتے تھے کبھی سر

تھے ذکرِ خدا میں کہ لگا تیر دہن پر

یاقوت بنے ڈوب کے خوں میں لبِ اطہر

بہہ آیا لہو تا بہ زنخدانِ مبارک

ٹھنڈے ہوئے دو گوہرِ دندانِ مبارک

نیزے کا بنِ وہب نے پہلو پہ کیا وار

کاندھے پہ چلی ساتھ زرارہ کی بھی تلوار

ناوک بنِ کامل کا کا کلیجے کے ہوا پار

بازو میں در آیا تبرِ خولیِ خونخوار

تلوار سے وقفہ نہ ملا چند نَفَس کا

دم رک گیا نیزہ جو لگا ابنِ انَس کا

تھرّا کے جھکے سجدۂ حق میں شہِ ابرار

شورِ دہلِ فتح ہوا فوج میں اک بار

خوش ہو کے پکارا پسرِ سعد جفا کار

اے خولی و شیث و بنِ ذی الجوشنِ جرّار

آخر ہے بس اب کام امامِ ازلی کا

سر کاٹ لو سب مل کے حسین ابنِ علی کا

لکھتا ہے یہ راوی کہ بپا ہو گیا محشر

بارہ ستم ایجاد بڑھے کھینچ کے خنجر

اک سیّدہ نکلی درِ خیمہ سے کھلے سر

برقع تھا، نہ مقنع تھا، نہ موزے تھے نہ چادر

چلّائے لعیں خوف سے ہاتھ آنکھوں پہ دھر کے

لو فاطمہ آتی ہے بچانے کو پسر کے

ہلتا تھا فلک، ہاتھوں سے جب پیٹتی تھی سر

بجلی کی طرح کوندتے تھے کانوں کے گوہر

فرماتی تھیں، فِضّہ جو اڑھا دیتی تھی مِعجَر

فریادی ہوں، فریادی کو زیبا نہیں چادر

سر ننگے یونہی جاؤں میں روضے پہ نبی کے

پردہ تو گیا ساتھ حسین ابنِ علی کے

اُس بھیڑ میں آ کر وہ ضعیفہ یہ پکاری

اے سبطِ نبی، ابنِ علی، عاشقِ باری

گھوڑا تو ہے کوتل، کدھر اتری ہے سواری

بھیّا، بہن آئی ہے زیارت کو تمھاری

مر جاؤں گی حضرت کو جو پانے کی نہیں میں

بے آپ کے دیکھے ہوئے جانے کی نہیں میں

اُس وقت شہِ دیں نے سنی زاریِ خواہر

جس وقت کہ تھا حلقِ مبارک تہِ خنجر

فرمایا اشارے سے کہ اے شمرِ ستم گر

زینب نکل آئی ہے، ٹھہر جا ابھی دم بھر

آخر تو سفر ہوتا ہے اس دارِ محن سے

دو باتیں تو کر لینے دے بھائی کو بہن سے

منہ پھیر لیا شمر نے خنجر کو ہٹا کے

دی شہ نے یہ زینب کو صدا اشک بہا کے

تڑپاتی ہو بھائی کو بہن بلوے میں آ کے

دیکھو گی کِسے، ہم تو ہیں پنجے میں قضا کے

اٹھ سکتے نہیں جسم پہ تلواریں پڑی ہیں

گھبراؤ نہ، امّاں مرے پہلو میں کھڑی ہیں

جاؤ صفِ ماتم پہ کرو گریہ و زاری

گھر سے نکل آئے نہ سکینہ مری پیاری

فردوس سے آ پہنچی ہے نانا کی سواری

بس اب نہ سنو گی بہن آواز ہماری

رونا ہے تو رو لیجو مرے لاشے پہ آ کے

ہٹ جاؤ کہ سر کٹتا ہے سجدے میں خدا کے

دوڑی یہ صدا سن کے ید اللہ کی جائی

چلّائی کہ دیدار تو میں دیکھ لوں بھائی

پر ہائے، بہن بھائی تلک آنے نہ پائی

یاں ہو گئی سیّد کے تن و سر میں جدائی

قاتل کو نہ گردن کو نہ شمشیر کو دیکھا

پہنچیں تو سناں پر سرِ شبّیر کو دیکھا

سر دیکھ کے بھائی کا وہ بے کس یہ پکاری

دکھ پائی بہن آپ کی مظلومی کے واری

خنجر سے یہ گردن کی رگیں کٹ گئیں ساری

تم مر گئے پوچھے گا خبر کون ہماری

آفت میں پھنسی آل رسولِ عَرَبی کی

اب جائیں کہاں بیٹیاں زہرا و علی کی

ہے ہے، پسرِ صاحبِ معراج حُسینا

پردیس میں بیووں کا لٹا راج حُسینا

گویا کہ علی قتل ہوئے آج حُسینا

ہے ہے، کفن و گور کے محتاج حُسینا

پرسا بھی ترا دینے کو آتا نہیں کوئی

لاشا بھی زمیں پر سے اٹھاتا نہیں کوئی

قربان بہن، اے مرے سرور، مرے سیّد

مذبوحِ قفا کشت خنجر، مرے سیّد

اے فاقہ کش و بیکس و بے پر، مرے سیّد

پنجے میں ہے قاتل کے ترا سر، مرے سیّد

دیتے ہو صدا کچھ، نہ بلاتے ہو بہن کو

کس یاس سے تکتے چلے جاتے ہو بہن کو

بھیّا، مرا کوئی نہیں، تم خوب ہو آگاہ

احمد ہیں، نہ زہرا، نہ حَسن ہیں نہ یداللہ

ڈھارس تھی بڑی آپ کی اے سیّدِ ذی جاہ

چھوڑا مجھے جنگل میں یہ کیا قہر کیا، آہ

چلتے ہوئے کچھ مجھ سے نہ فرما گئے بھائی

بھینا کو نجف تک بھی نہ پہنچا گئے بھائی

اے میرے شہید اے مرے ماں جائے برادر

کس سے ترا لاشہ بہن اٹھوائے برادر

کس طرح مرے دل کو قرار آئے برادر

پانی بھی نہ قاتل نے دیا ہائے برادر

انساں پہ ستم یہ کبھی انساں نہیں کرتا

حیواں کو بھی پیاسا کوئی بے جاں نہیں کرتا

خاموش انیس اب کہ ہے دل سینے میں بے چین

لکھّے نہیں جاتے جو زینب نے کیے بین

اب حق سے دعا مانگ کہ اے خالقِ کونین

حاسد ہیں بہت، دل کو عطا کر مرے تو چین

ناحق ہے عداوت انھیں اس ہیچ مداں سے

بے تیغ کٹے جاتے ہیں شمشیرِ زباں سے

yarab chaman-e-nazm ko gulzar-e-iram kar

ai abr-e-karam khushk ziraat pe karam kar

tu faiz ka mubda hai tawajjoh koi dam kar

gumnam ko ejaz bayanon mein raqam kar

jab tak ye chamak mehr ke par to se na jae

iqlim-e-sukhan mere qalam rau se na jae

is bagh mein chashme hain tire faiz ke jari

bulbul ki zaban par hai tiri shukr guzari

har nakhl-e-baromand hai ya hazrat-e-bari

phal ham ko bhi mil jae riyazat ka hamari

wo kal hun inayat chaman tab-e-niko ko

bulbul ne bhi sungha na wo jin phulon ki bu ko

ghawwas tabiat ko ata kar wo lali

ho jin ki jagah taj-e-sar-e-arsh pe khali

ek ek lari nazm-e-surayya se ho ali

alam ki nigahon se gire qutb-e-shumali

sab hun darikutta na ilaqa ho kisi se

nazr un ki ye honge jinhen rishta hai nabi se

bhar de dar-e-maqsud se is darj-e-wahan ko

dariya-e-maani se barha tab-e-rawan ko

agah kar andaz-e-takallum se zaban ko

ashiq ho fasahat bhi wo de husn-e-bayan ko

tahsin ka samot se ghul taba samak ho

hargosh bane kan-e-malahat wo namak ho

taarif mein chashme ko samundar se mila dun

qatre ko jo dun ap to gauhar se mila dun

zarre ki chamak mehr-e-munawwar se mila dun

kharon ko nazakat mein gul-e-tar se mila dun

guldasta-e-maani ko nae dhang se bandhun

ik phul ka mazmun ho to sau rang se bandhun

gar buz ki janib ho tawajjoh dam-e-tahrir

khinch jae abhi gulshan-e-firdaus ki taswir

dekhe na kabhi sohbat anjum falak-e-pir

hojae hua bazm-e-sulaiman ki bhi tauqir

yun takht-e-hasinan-e-maani utar ae

har chashm ko pariyon ka ukhara nazar ae

saqi ke karam se ho wo dur aur chalen jam

jis mein ewaz-e-nasha ho kaifiyat anjam

har mast, faramosh kare gardish-e-ayyam

sufi ki zaban bhi na rahe faiz se nakam

han bada kasho puchh lo maikhana nashin se

kausar ki ye mauj a gai hai khuld-e-bern se

aun taraf-e-razm abhi chhor ke jab bazm

khaibar ki khabar lae miri tab-e-aulu alazm

qat-e-sar-e-aadad ka irada ho jo biljzm

dikhlae yahn sab ko zaban marka-e-razm

jal jaen adad ag barhkiti nazar ae

talwar pe talwar chamakti nazar ae

misra hun saf ara safat-e-lashkar-e-jarrar

alfaz ki tezi ko na pahunche koi talwar

nuqte hun jo dhalen to alif-e-khanjar khunkhwar

mad age barhen barchhiyon ko tol ke ik bar

ghul ho kabhi yun fauj ko larte nahin dekha

maqtal mein ran aisa kabhi parte nahin dekha

ho ek zaban mah se tamaskan mahi

alam ko dikha de barash-e-saif-e-ilahi

jurat ka dhani to hai ye chillaen sipahi

laraib tire nam pe hai sikka-e-shahi

har dam ye ishara ho dawat aur qalam ka

tu malik-o-mukhtar hai is tabal-o-ilm ka

taid ka hangam hai ya haidar-e-safdar

imdad tira kam hai ya haidar-e-safdar

tu sahab-e-ikram hai ya haidar-e-safdar

tera bhi karam am ya haidar-e-safdar

tanha tire iqbal se shamshir bakaf hun

sab ek taraf jama hun main ek taraf hun

na qadaryi-e-alam ki shikayat nahin maula

kuchh daftar-e-batil ki haqiqat nahin maula

baham gul-o-bulbul mein mohabbat nahin maula

main kya hun kisi ruh ko rahat nahin maula

alam hai mukaddar, koi dil saf nahin hai

is ahd mein sab kuchh hai par insaf nahin hai

nek-o-bad-e-alam ka taammul nahin karte

arif kabhi itna bhi tajahul nahin karte

kharon ke liye rukh taraf-e-gul nahin karte

taarif khush ilhani bulbul nahin karte

khamosh hain, go shisha-e-dil chur hue hain

ashkon ke tapak parne se majbur hue hain

almas se behtar ye samajhte hain khazaf ko

dar ko to ghatate hain, barhate hain sadaf ko

andher ye hai chand batate hain kalaf ko

kho dete hain shishe ke liye dar-e-najaf ko

zae hain daro laal-e-bad khashan-o-adan ke

mitti mein milate hain jawahir ko sukhan ke

hai laal-o-guhar se ye dahan kan-e-jawahir

hangam-e-sukhan khulti hai, dukan-e-jawahir

hain bad marzaa to waraq khwan jawahir

dekhe use, han hai koi khwahan-e-jawahir

bina-e-ruqumat hunar chahiye us ko

sauda hai jawahir ka, nazar chahiye us ko

kya ho gae wo jo hariin-e-sukhan ik bar

har waqt jo is jins ke rahte the talab gar

ab hai koi talib na shanasa na kharidar

hai kaun dikhaen kise ye gauhar-e-shahwar

kis waqt yahan chhor ke mulk-e-adam ae

jab uth gae bazar se gahak to ham ae

khwahan nahin ya quwwat-e-sukhan ka koi, go aj

hai ap ki sarka to ya sahab-e-meraj

ai bais-e-ijad-e-jahan, khalq ke sartaj

hojae ga dam bhar mein ghani banda-e-mohtaj

ummid isi ghar ki, wasila isi isi ghar ka

daulat yahi meri, yahi tosha hai safar ka

main kya hun miri taba hai kya ai shuba sahan

hassan-o-farzadaq hain yahan ajiz wahiran

sharminda zamane se gae wamil-o-sahban

qasir hain sukhan fahm-o-sukhan sanj-o-sukhan dan

kya madh kaf-e-khak se ho nur-e-khuda ki

luknat yahin karti hain zabaen fasha ki

la yaalam wala ilm ki kya sahar bayani

hazrat pe huwaida hai, miri hech madani

na zehn mein jaudat, na tabiat mein rawani

goya hun, faqat hai ye tiri faiz rusani

main kya hun farishton ki talaqat hai to kya hai

wo khas ye bande hain ke maddah khuda hai

tha josh kuchh aisa hi jo daawa kiya main ne

khud sarba gareban hun ke, ye kya kiya main ne

ik qatra-e-na chiz ko dariya kiya main ne

taqsir bahal kijiye, be ja kiya main ne

han sach hai ke itni bhi taalli na rawa thi

maula ye kaleje ke phphulon ki dawa thi

mujrim hun, kabhi aisi khata ki nahin main ne

bhule se bhi ap apni sana ki nahin main ne

dil se kabhi madh-e-umara ki nahin main ne

taqlid-e-kalam-e-jhula ki nahin main ne

nazan hun mohabbat pe imam-e-azali ki

sari ye taalli hai himayat se ali ki

har chand zaban kya miri aur kya miri taqrir

din rat wazifa hai sana khwani-e-shabbir

manzur hai ik bab mein do fasl ki tahrir

maula ki madad ka mutamanni hai ye dil gir

ye fasl nae rang se kaghaz pe raqam ho

ik bazm ho shadi ki to ik sohbat-e-gham ho

shaaban ki hai tarikh-e-soyam roz-e-wiladat

aur hai dahum-e-mah-e-aza yaum-e-shahadat

donon mein bahar hal hai tahsil-e-saadat

wo bhi amal-e-khair hai ye bhi hai ibadat

maddah hun kya kuchh nahin is ghar se mila hai

kausar hai sala us ka bahisht us ka sala hai

maqbul hui gharaz, gunah afw hue sab

ummid bar ai mira hasil hua matlab

shamil hua ifzal-e-mohammad karam-e-rab

hote hain ilm-e-fauj-e-mazamin ke nishan ab

pasti pe hain sab rukan-e-ruken din-e-maten ke

danke se hila deta hun tabqon ko zamin ke

nazan hun inayat pe shahanshah-e-zaman ki

bakhshi hai raza jaiza fauj-e-sukhan ki

chehre ki bahali se qaba chust hai tan ki

lo bartarfi par gai mazmun-e-kuhan ki

ik fard parai nahin daftar mein hamare

bharti hai nai fauj ki lashkar mein hamare

han ai falak-e-pir nae sar se jawan ho

ai mah-e-shab-e-char dahum nur fishan ho

ai zulmat-e-gham dida-e-alam se nihan ho

ai raushni-e-subh-e-shab-e-eid ayan ho

shadi hai wiladat ki yadallah ke ghar mein

khurshid utarta hai shahanshah ke ghar mein

ai shams-o-qamar, aur qamar hota hai paida

nakhl-e-chaman-e-din ka samar, hua hai paida

makhdoma-e-alam ka pisar, hota hai paida

jo arsh ki zau hai, wo guhar hota hai paida

har jism mein jan ati hai mazkur se jis ke

nau nur-e-khuda honge ayan, nur se jis ke

ai kaaba-e-iman, tiri hurmat ke din ae

ai rukan-e-yamani, tiri shaukat ke din ae

ai bit-e-muqaddas, tiri izzat ke din ae

ai chashma-e-zamzam, tiri chahat ke din ae

ai sang-e-haram, jalwa numai hui tujh mein

ai koh-e-safa, aur safai hui tujh mein

ai yasrab-o-batha, tire wali ki hai amad

ai rutba-e-aala, shah-e-ali ki hai amad

alam ki taghiri pe bahali ki hai amad

kahte hain chaman, mah-e-jalali ki hai amad

ye khana-e-kaaba ke mubahat ke din hain

yaaqub se yusuf ki mulaqat ke din hain

ai arz-e-madina, tujhe fauq ab hai falak par

raunaq jo sama par hai, wo ab hogi samak par

khurshid mila, tera sitara hai, chamak par

sadqe gul-e-tar hai tiri phulon ki mahak par

par jis pe farishton ke bichhen farsh wahi hai

jis khak pe ho nur-e-khuda arsh wahi hai

ya khatm-e-rusul gauhar-e-maqsud mubarak

ya nur-e-khuda rahmat-e-maabud mubarak

ya shah-e-najaf shadi-e-maulud mubarak

ya khairulnnisa, akhtar-e-masud mubarak

raunaq ho sada nur-e-dobala rahe ghar mein

us mah-e-do hafta ka ujala rahe ghar mein

ai ummatiyo hai ye dam-e-shukr guzari

har bar karo sajda-e-shukriya-e-bari

allah ne hal kardiya mushkil ko tumhari

farden amal-e-zisht ki ab chak hain sari

likhe gae bandon mein wali ibn-e-wali ke

naji hue sadqe se hasin ibn-e-ali ke

ai mah-e-muazzam tire iqbal ke sadqe

shaukat ke fida azmat-o-ijlal ke sadqe

utri bartak, fatima ke lal ke sadqe

jis sal ye paida hue is sal ke sadqe

qurban sahar-e-eid agar ho to baja hai

nau roz bhi is shab ki buzurgi par fida hai

qurban shab-e-juma, shaaban-e-khush anjam

paida hua jis shab ko mohammad ka gul andam

qaim hua den aur barhi raunaq-e-islam

ham palla-e-subh-e-shab-e-meraj thi wo sham

khurshid ka ijlal-o-sharaf badr se puchho

kya qadr thi is shab ki shab-e-qadr se puchho

wo nur-e-qamar aur dar ifshanayi-e-anjum

the jis ke sabab raushni-e-dida-e-mardum

wo chahchahe rizwan ke, wo huron ka tabassum

apas mein wo hans hans ke farishton ka takallum

mekal shagufta hue jate the khushi se

jibril to phulun na samite the khushi se

raushan tha madine k ahur ik kucha-o-bazar

jo rah thi khushbu, jo mohalla tha wo gulzar

khole hue tha ahu-e-shab nafa-e-tatar

maalum ye hota tha ke phulo ka hai ambar

gardun ko bhi ik rashk tha zinat pe zamin ki

har ghar mein hua ati thi firdaus-e-barin ki

kya shab thi wo suud-o-hamayon-o-muazzam

rukh rahmat-e-maabud ka th janib-e-alam

jibril-o-sarafil ko mohlat na thi ik dam

bala-e-zamin ate the aur jate the baham

bashindon ki yasrab ke khabar thi na gharon ki

sab sunte the awaz farishton ke paron ki

thin fatima be chain idhar dard-e-shikam se

munh faq tha aur ansu the rawan dida-e-nam se

wabasta thi rahat jo isi bi bi ke dam se

muztar the ali bint-e-payambar ke alam se

aram tha ik dam na shah-e-qila shikan ko

phirte the lagae hue chhati se husn ko

karte the dua badshah-e-yasrab-o-batha

rahim hai tiri zat-e-muqaddas mire maula

zahra hai kaniz aur mira bachcha tira banda

asan kar ai bar-e-khuda mushkil zahra

nadar hai aur faqa kash-o-zar-o-hazin hai

madar bhi tashaffi ke liye pas nahin hai

nagah dar-e-hujra hua matla-e-anwar

dikhlane lage nau tajalli dar-o-diwar

asma ne ali se ye kaha daur ke ik bar

farzand mubarak tumhen ya haidar-e-karrar

ispand karo fatima ke mah-e-jabin par

farzand nahin chand ye utra hai zamin par

dekha nahin is tarah ka chehra kabhi pyara

naqsha hai mohammad se shahanshah ka sara

mathe pe chamakta hai jalalat ka sitara

allah ne is ghar mein ajab chand utara

taswir-e-rasul-e-arabi dekh rahe hain

ankhon ki hai gardish ke bani dekh rahe hain

muzhda ye suna ahmad-e-mukhtar ne jis dam

pas shukr ke sajde ko gire qibla-e-alam

ae taraf-e-khana-e-zahra khush-o-khurram

farmaya mubarak pasrae sani-e-maryam

chehra mujhe dukhlado mire nur-e-nazar ka

tukra hai ye farzand-e-mohammad ke jigar ka

ki arz ye asma ne ke ai khassa-e-dawar

nahla lun to le aun use hujre se bahar

irshad kya ahmad-e-mukhtar ne hans kar

le a ke nawasa hai mira tahir-o-athar

is chand ko taj-e-sar-e-aflak kya hai

ye wo hai, khuda ne jise khud pak kiya hai

main us se hun aur mujh se hai ye to nahin bahar

ye nur-e-ilahi hai ye hai tayyab-o-tahir

asrar jo makhfi hain wo ab huin ge zara

ye ayat-e-iman hai ye hai hujjat-e-bahir

barh kar madad-e-sayyad laulak karega

kuffar ke qisse ko yahi pak karega

jis dam ye khabar mukhbir-e-sadiq ne sunai

asma use ik parcha-e-narm pe lai

bu us gul-e-taza ki mohammad ne jo pai

hansne lag, surkhi rukh-e-purnur pe ai

munh chand sa dekha jo rasul-e-arabi ne

lipta liya chhati se nawase ko nabi ne

jan aghi yaaqub ne yusuf ko jo paya

quran ki tarah rahal-e-do zanu pe bithaya

munh milne lage munh se bahut pyar jo aya

bose liye aur hathon ko ankhon se lagaya

dil hal gaya ki jab ke nazar sina-o-sar par

chuma jo gila, chal gai talwar jigar par

josh aya tha rone ka magar tham ke riqqat

is kan mein farmai azan is mein iqamat

haidar se ye farmaya ke ai shah-e-wilayat

kyun tum ne bhi dekhi mire farzand ki surat

pur nur hai ghar, to ko mila hai qamar aisa

duniya mein kisi ne nahin paya pisar aisa

kyun kar na ho tum sa pidar aur fatima si man

do shams-o-qamar ka hai ye ik nayar-e-taban

ki arz ye haidar ne ke ai qibla-e-iman

haq us pe rakhe saya-e-paighambar zi shan

aala hai wo sab se jo maqam-e-shah den hai

banda hun main aur ye bhi ghulam-e-shah den hai

alam mein hai ye sab barkat ap ke dam se

sarsabzi duniya hai isi abr-e-karam se

ta arsh pahonach jata hai sar faiz-e-qadam se

izzat hai ghulamon ki shahanshah-e-umam se

kuchh is mein na zahra ka hai bais na ali ka

sab hai ye buzurgi ke nawasa hai nabi ka

farmane lage hans ke shah-e-yasrab-o-batha

bhai kaho farzand ka kuchh nam bhi rakha

ki arz ye haidar ne ke ai sayyad wala

sabqat karun main hazrat pe, ye maqdur hai mera

farmaya ke mauquf hai ye rab-e-ula par

main bhi sabqat kar nahin sakta hun khuda par

bas itne mein nazil hue jibril khush anjam

ki arz ke farmata hai ye khaliq-e-allam

pyara hai nihayat hamen zahra ka gul andam

ya khatm-e-rusul ham ne ''hasin'' us ka rakha nam

ye husn mein sardar hasinan-e-zaman hai

mushtaq hai to ehsan se tasghir husn hai

h se ye ishara ke ye hai hami-e-ummat

samjhenge isi sain ko sab sain-e-saadat

ya us ki buzurgi mein asin ki ayat

hai nun se zahir ke ye hai nur-e-nabuwwat

naji hai wo is nam ko le

ye husn mein das hisse ziyada hai husn se

do nur ke dariya ko jo ham ne kiya ik ja

tab us se hua gauhar-e-nayab ye paida

tauqir mein be misl, shujaat mein hai yakta

ab aur na hoga koi us husn ka larka

ham jante hain jo nahin zahir hai kisi par

kam us se jo lena hai wo hai khatm usi par

fayyaz ne kaunain ki daulat use di hai

di hai jo ali ko wo shujaat use di hai

sabr us ko inayat kiya, izzat use di hai

un sab ke siwa apni mohabbat use di hai

aala hai, muazzam hai, makarrim hai, wali hai

hadi hai, wafadar hai, zahid hai sakhi hai

jab kar chuke zikr-e-karam-e-malik-e-taqdir

jibril ne pas an ke dekha rukh-e-shaper

ki sal-e-ali kah ke mohammad se ye taqrir

ya shah, ye mehro to hai saf ap ki taswir

jab ke hai ziyarat piye taslim jhuke hain

is nur ko ham arsh pe bhi dekh chuke hain

hai us pe azal se nazar-e-rahmat-e-maabud

ye peshtar adam se bhi tha arsh pe maujud

hai zat-e-khuda sahab-e-faiz-o-karam wajud

tha khalq do alam se yahi matlab-o-maqsud

mazlumi-o-ghurbat hai ajab nam pe us ke

sab rote hain aur roenge anjam pe us ke

ye hai sabab-e-tahniyat-o-taaziyat is dam

hai shadi-o-gham gulshan-e-ijad mein tawam

laptae hain chhati se jise qibla-e-alam

be jurm-o-khata zabh karenge use azlam

gar hashr bhi hoga to ye afat na talegi

sajde mein chhuri halq-e-mubarak pe chalegi

hoga ye mahram mein sitam ai shah-e-zi jah

chhup jaega ankhon se isi chand mein ye mah

tarikh dahum juma ke din asr ke waqt ah

neze pe charhaenge sar-e-pak ko gumrah

kat jae jab sar to sitam lash pe honge

ghoron ke qadam sina-e-sad pash pe honge

chillae mohammad ke main bismil hua bhai

ai wae akhi kya ye khabar mujh ko sunai

dil hal gaya barchhi si kaleje mein dar ai

ye waqia sun kar na jiye gi miri jai

mumkin nahin duniya mein dawa zakhm-e-jigar ki

kyun kar kahun zahra se khabar marg-e-pisar ki

jis waqt suni fatima ne ye khabar-e-gham

shadi mein diludit ki bapa hogaya matam

chillati thi sarpet ke wo sani-e-maryam

beti pe chhuri chal gai ya sayyad-e-alam

khanjar ke tale chandisi taswir ki gardan

kat jaegi hai hai mire shaper ki gardan

hai hai kai din tak na milega use pani

hai hai ye sahega taab-e-tishna dahani

ho jaenge ik jan ke sab dushman-e-jani

hai hai mira mahbub, mira yusuf-e-sani

pairahan-e-sad chak kafan howe ga us ka

sar neza pe aur khak pe tan hue ga us ka

sabr apna dikhane ko ye ae hain jahan mein

yun khalq se jane ko ye ae hain jahan mein

jangal ke basane ko ye ae hain jahan mein

aman ke rulane ko ye ae hain jahan mein

ham chand si surat pe na shaida hue hote

ai kash mire ghar mein na paida hue hote

duniya mujhe andher hai is gham ki khabar se

sholon ki tarah ah nikalti hai jigar se

daman pe tapakta hai lahu dida-e-tar se

bas aj safar kar gai shadi mire ghar se

jis waqt talak jiti hun matam mein rahungi

mazlum hasin aj se us ko main kahungi

beti ko ye maalum na tha ya shah-e-alam

bichhegi zachcha khane ke andar saf-e-matam

ab din hai chhutti ka mujhe ashur-e-mahram

tare bhi na dekhe the ke tuta falak-e-gham

poshak na badlungi na sar dhoungi baba

chale mein bhi chehlum ki tarah roon ki baba

haidar hai kahan a ke dilasa nahin dete

zahra ka bura hal hai samjha nahin dete

is zakhm ka marham mujhe batla nahin dete

hai hai mujhe farzand ka parsa nahin dete

hujre mein alag baithe hain kyun chhor ke ghar ko

awaz to sunti hun ke rote hain pas ko

phir dekh ke farzand ki surat ye pukari

ai mere shahid ai mire bekas tire wari

han baad mire zabh karenge tujhe nari

banti hun abhi se main azadar tumhari

dil aur kisi shaghl mein masruf na hoga

bas aj se rona mira mauquf na hoga

marjaiga to tishna dahan ha-e-hasina

ho jaega tukre ye badan hae hasina

ik jan pe ye ranj-o-mehan ha-e-hasina

koi tujhe dega na kafan ha-e-hasina

garenge na zalim tan-e-sad pash ko hai hai

rahoarron se raunden ge tiri lash ko hai hai

farmaya mohammad ne ke ai fatima zahra

kya marzi-e-maabud se bande ka hai chara

khaliq ne diya hai use tah rutba-e-aala

jibril siwa koi nahin janne wala

main bhi hun fida us pe ke ye fidya-e-rab hai

ye lal tira bakhshish-e-ummat ka sabab hai

is bat ka gham hai agar ai jan-e-payambar

be dafn-o-kafan ran mein rahega tira dilbar

jab qaid se howe ga raha abid-e-maztar

tagarbut mein use dafn karega wahi a kar

arwah-e-rasulan-e-zaman roengi us ko

sar pet ke zinib si bahan roengi us ko

jab charkh pe hue ga ayan mah-e-mahram

har ghar mein bapa hue gi ik majlis-e-matam

aenge malak arsh se dan rone ko baham

matam ye wo matam hai ke hoga na kabhi kam

pur nur sada us ka aza khana rahega

khurshid-e-jahan gard bhi parwana rahega

kya auj hai, kya rutba hai is bazm-e-aza ka

ghul arsh se hai farsh talak sal-e-ali ka

mushtaq hai fardoz-e-barin yan ki faza ka

pani mein bhi hai yan ki maza ab-e-baqa ka

darbar-e-mualla hai wali ibn-e-wali ka

jari hai ye sab faiz-e-hasin ibn-e-ali ka

loriyan se bas ab majlis-e-matam ka bayan hai

wo fasl-e-khushi khatm hui gham ka bayan hai

mazlumi-e-sultan-e-do alam ka bayan hai

hangama-e-ashur-e-mahram ka bayan hai

han dekh le mushtaq jo ho fauj-e-khuda ka

lobazm mein khulta hai muraqqaa shuhada ka

ai khizr-e-bayaban-e-sukhan rahburi kar

ai nayar-e-taban-e-khirad jalwa giri kar

ai dard ata lazzat-e-zakhm-e-jigri kar

ai khauf-e-ilahi mujhe isyan se buri kar

bandon mein likha jaun imam-e-azali ke

azad hun sadqe mein hasin ibn-e-ali ke

qudsi ko nahin bar, ye darbar hai kis ka

firdaus ko hai rashk ye gulzar hai kis ka

sab jins-e-shafaat hai, ye bazar hai kis ka

khud bikta hai yusuf ye kharidar hai kis ka

milti hai kahan muft mata-e-husn aisi

dekhi nahin anjum ne kabhi anjuman aisi

majlis ka zahe nur-e-khusha mahfil-e-ali

haidar ke muhibon se koi ja nahin khali

ashiq hain sab us ke jo hai kaunain ka wali

asna ushri, panjtani, shia-e-ghali

shashdar na ho kyun charkh ajab jalwa giri hai

ye bazm-e-aza aj sitaron se bhari hai

un mein jo musin hain wo payambar ke hain mehman

aur jo mutawassit hain, wo haidar ke hain mehman

jo taza jawan hain, ali akbar ke hain mehman

shion ke pisar sab ali asghar ke hain mehman

har khurd-o-kalan ashiq-e-shah-e-madani hain

panch ungliyon ki tarah ye sab panjtani hain

irshad-e-nabi hai ke madadgar hain mere

farmate hain haidar ke ye gham khwar hain mere

hazrat ka sukhan hai ke azadar hain mere

main un ka hun talib ye talab gar hain mere

ye aj agar ro ke hamen yad karenge

ham qabr mein un logon ki imdad karenge

gham mein mire bachchon ke ye sab karte hain fariyad

allah salamat rakhe un logon ki aulad

basti mire shion ki rahe khalq mein abad

ye hashr ke din atish-e-dozakh se hun azad

marta hai koi gar to buka karta hun main bhi

un ke liye bakhshish ki dua karta hun main bhi

mardum ke liye wajib aini hai ye zari

rona hi wasila hai shafaat ka hamari

hai waqt-e-muin pe ada taat-e-bari

ye khair hai wo khair jo har waqt hai jari

ro lo ke ye waqt aur ye sohbat na milegi

jab ankh hui band to mohlat na milegi

mohlat jo ajal de to ghanimat use jano

amada ho rone pe, saadat use jano

ansu nikal aen to ibadat use jano

iza ho jo mahfil mein to rahat use jano

faqe kiye hain dhup mein lab tishna rahe hain

aqa ne tumhare liye kya zam sahe hain

taklif kuchh aisi nahin saya hai hawa hai

pani hai khunuk maroha-e-kash bad-e-saba hai

kuchh garmi-e-ashura ka bhi hal suna hai

sar pitne ka waqt hai hangam-e-buka hai

guzari hai bayaban mein wo garmi shah-e-din par

bhan jata tha dana bhi jo girta tha zamin par

lun chalti thi aisi ke jale jate the ashjar

tha unsar-e-khaki pe guman-e-kura-e-nar

pani pe do dawam gire parte the har bar

sab khalq to sairab thi pyase shah-e-abrar

khak ur ke jami jani thi zulfon pe qaba par

is dhup mein saya baya na tha nur-e-khuda par

qatre jo pasine ke tapak parte the har bar

sabit yahi hota tha ke hain akhtar-e-sayyar

shahid alam-e-faqa se hai zardi-e-rukhsar

be abi se ude the lab-e-laal guhar bar

ranya mein taraste rahe wo ab-e-rawan ko

jin honton ne chuma tha mohammad ki zaban ko

duniya bhi ajab ghar hai ke rahat nahin jis mein

wo gul hai ye gul bu-e-mohabbat nahin jis mein

wo dost hai ye dost-e-murawwat nahin jis mein

wo shahd hai ye shahd halawat nahin jis mein

be dard-o-alam sham-e-ghariban nahin guzri

duniya mein kisi ki kabhi yaksan nahin guzri

godi hai kabhi man ki kabhi qabr ka aghosh

kal pairahan aksar nazar ate hain kafan posh

sargarm-e-sukhan hai kabhi insan kabhi khamosh

gah takh hai aur gah janaza basar-e-dosh

ik tur pe dekha na jawan ko na musin ko

shab ko to chhappar khit mein hain tabut men din ko

shadi ho ke andoh ho aram ho ya jaur

duniya mein guzar jati hai insan ko bahar taur

matam ki kabhi fasl hai, ishrat ka kabhi dur

hai shadi-o-matam ka muraqqaa jo karo ghaur

kis bagh pe aseb-e-khizan a nahin jata

gul kaun sa khulta hai jo murjha nahin jata

hai alam-e-fani ki ajab subh ajab sham

gah gham kabhi shadi kabhi iza kabhi aram

nazon se pila fatima zahra ka gul andam

wa hasrat-o-darda ke wo aghaz ye anjam

rahat na mili ghar ke talatum se dahum tak

mazlum ne faqe kiye haftam se dahum tak

reti ye azizon ka muraqqaa to hai abtar

shah ka hai ye naqsha ke main taswir se shashdar

farzand na milsam ke na hamsher ke dilbar

qasim hain na abbas na akbar hain na asghar

sab nazr ko darbar-e-payambar mein gae hain

rukhsat ko akele shah den ghar mein gae hain

manzur hai phir dekh len hamsher ki surat

phir le gai hai ghar mein sakina ki mohabbat

sajjad se kuchh kahte hain asrar-e-imamat

banowe do alam se bhi hai akhiri rukhsat

matlub hai ye zeb-e-badan rakht-e-kuhan ho

ta baad shahadat wahi malbus-e-kafan ho

kheme mein musafir ka wo ana tha qayamat

ek ek ko chhati se lagana tha qayamat

ana to ghanimat tha ye jana tha qayamat

thora sa wo rukhsat ka zamana tha qayamat

wan bain idhar sabr-o-shakebai ki baten

afsana-e-matam thin bahan bhai ki baten

hazrat ka wo kahna ke bahan sabr karo sabr

ummat ke liye walida sahab ne sahe jabr

wo kahti thi kyun kar na main roun sifat-e-abr

tum pahno kafan aur na bane hae miri qabr

lutte hue aman ka ghar in ankhon se dekhun

hai hai tah-e-khanjar tumhen kin ankhon se dekhun

is umr mein thore gham-e-jankah uthae

ashk ankhon se aman ke janaze pe bahae

ansu na thame the ke pidar khun mein nahae

tukre dil-e-shabbir ke lagan mein nazar ae

hazrat ke siwa ab koi sar par nahin bhai

insan hun kaleja mira patthar nahin bhai

har shakhs ko hai yun to safar khalq se karna

dushwar hai ik an musafir ka thaharna

in ankhon se dekha hai buzurgon ka guzarna

hai sab se siwa hae ye mazlumi ka marna

sadqe gai yun ran kabhi parte nahin dekha

ik din mein bhare ghar ko ujarte nahin dekha

hai hai tumhen le ke main kahan chhup rahun bhai

lutti hai mire char buzurgon ki kamai

kis dasht-e-pur ashob mein qismat mujhe lai

yarab kahin mar jae yad allah ki jai

zahra ka pisar waqt-e-judai mujhe roe

sab ko to main roi hun ye bhai mujhe roe

zinib ki wo zari wo sakina ka bilakna

wo nanhi si chhati mein kaleje ka dharakna

wo chand sa munh aur wo bande ka chamakna

hazrat ka wo beti ki taraf yas se takna

hasrat se ye zahir tha ke maazur hain bi bi

paida tha nigahon se ke majbur hain bi bi

wo kahti thi baba hamen chhati se lagao

farmate the shah ao na jan-e-pidar ao

ham karhte hain lo ankhon se ansu na bahao

khushbu to zara gesu-e-mushkin ko sunghao

kausar ye hai, tum ban nahin aram chacha ko

ham jate hain kuchh deti ho paigham chacha ko

bi bi kaho kya hal hai ab man ka tumhari

kis goshe mein baithi hain kahan karti hain zari

jab se su-e-jannat gai akbar ki sawari

dekha na unhen ghar mein ham ae kai bari

thi sab ki mohabbat unhen bete hi ke dam tak

kya akhiri rukhsat ko bhi aengi na ham tak

kis ja hain talab ham ko karen ya wahi aen

mumkin nahin ab wo hamen ya ham unhen paen

kuchh ham se sunen kuchh hamen hal apna bataen

ik dam ke musafir hain hamen dekh to jaen

baad apne ye lauta hua ghar aur katega

afsos ke ik umr ka sath aj chhutega

ghash mein jo suni bano-e-muztar ne ye taqrir

sabit ho marne ko chale hazrat-e-shabbir

sar nange uthi chhor ke gahwara-e-be sher

chillai mujhe hosh na tha ya shah-e-dil gir

jan tan se koi an mein ab jati hai aqa

ye khadama rukhsat ke liye ati hai aqa

ye sun ke barhe chand qadam shah-e-khush iqbal

qadmon pe giri daur ke wo khole hue bal

tha qibla-e-alam ka bhi is waqt ajab hal

rote the ghazab ankhon pe rakhe hue rumal

farmate the jankah judai ka alam hai

utho tumhen ruh-e-ali akbar ki qasam hai

wo kahti thi kyun kar main uthun ai miri sartaj

wali unhen qadmon ki badaulat hai mira raj

sar par jo na hoga pisar-e-sahab-e-meraj

chadar ke liye khalq mein jaungi mohtaj

chhote jo qadam martaba ghut jaega mera

qurban gai takht ulat jaega mera

yan ai mein jab khana-e-kisra hua barbad

wo pahli asiri ki aziyyat hai mujhe yad

ki uqda kushae do jahan ne miri imdad

hazrat ke tasadduq mein hui qaid se azad

laundi thi, bahu ho gai zahra-o-ali ki

qismat ne bithaya mujhe masnad pe nabi ki

chhabbis baras tak na chhuta ap ka pahlu

ab hijr hai taqdir mein ya sayyad khush khu

shab bhar rahe takiya sar-e-aqdas ka jo bazu

hai hai use ab rassi se bandhenge jafa jo

sar par na rida hogi to mar jaungi sahab

chhupne ko main jangal mein kidhar jaungi sahab

hazrat ne kaha kis ka sada sath raha hai

har ashiq-o-maashuq ne ye dagh saha hai

dar-e-mehan is dar ko dawar ne kaha hai

har chashm se khun-e-jigar is gham mein baha hai

furqat mein ajab hal tha khaliq ke wali ka

sath ath baras tak raha zahra-o-ali ka

sau sau baras is ghar mein mohabbat se rahe jo

is maut ne dam bhar mein juda kar diya un ko

kuchh marg se chara nahin ai bano-e-khush khu

hai shaq falak ko ke rahen ek jagah do

kis kis pe zamane ne jafa ki nahin sahab

achchhon se kabhi us ne wafa ki nahin sahab

lazim hai khuda se talab-e-khair bashar ko

thamega tabahi mein wahi rand ke ghar ko

ana hai tumhen bhi wahin jate hain jidhar ko

waris ki judai mein patakte nahin sar ko

kholega wahi rassi bandhe hath tumhare

sajjad sa beta hai jawan sath tumhare

zinib ko to dekho ke hain kis dukh mein giraftar

aisa koi is ghar mein nahin be kis-o-nachar

tanha hain ke be jan hue do chand se dildar

duniya se gaya akbar-e-nashad sagham khwar

bete bhi nahin god kapilla bhi nahin hai

un ko to koi puchhne wala bhi nahin hai

ye kah ke kuchh ahista kaha gosh-e-pisar mein

bimar ke rone se qayamat ho gai ghar mein

andher zamana hua bano ki nazar mein

ghash ho gai zinib ye atha dard-e-jigar mein

thahar na gaya wan, shah-e-wala nikal ae

tanha gae rote hue tanha nikal ae

kuchh parh ke phire janib-e-qibla shah be par

kaj ki taraf-e-dosh-e-yamen gardan-e-anwar

tharrate hue hathon pe ammame ko rakh kar

ki haq se munajat ke ai khaliq-e-akbar

hurmat tire mahbub ki duniya mein bari hai

kar rahm ke al un ki tabahi mein pari hai

yarab ye hai sadat ka ghar tere hawale

randen hain kai kistah jigar tere hawale

bekas ka hai bimar pisar tere hawale

sab hain tire dariya ke guhar tere hawale

alam hai ghurbat mein giraftari bala hun

main teri himayat mein unhen chhor chala hun

mere nahin, bande hain tire ai mire khaliq

basti ho ke jangal tohi hafiz tu hi raziq

bandhe hain kamar zulm-o-taaddi pe munafiq

ne dost hai duniya, na zamana hai muafiq

hurmat hai tire hath imam-e-azali ki

do betiyan, do bahuen hain is ghar mein ali ki

main ye nahin kahta ke aziyyat na uthaen

ya ahl-e-sitam ag se kheme na jalaen

namus luten qaid hun aur sham mein jaen

mohlat mire lashe pe bhi rone ki na paen

beri mein qadam tauq mein abid ka gila ho

jis mein tire mahbub ki ummat ka bhala ho

ye kah ke gareban-e-mubarak ko kiya chak

aur dal li pairahan pur nur pe kuchh khak

mayyat hone shabbir kafan ban gai poshak

bas fatiha-e-khair parha badal-e-gham nak

murkar na kisi dost na gham khwar ko dekha

pas ae to rote hue rahwar ko dekha

gardan ke daman ali akbar ko pukare

thamo mire ghore ka rikab ai mire pyare

lakht-e-dil-e-shabbir kidhar is waqt sidhare

bhai hain kahan hath mein den hath hamare

ate nahin muslim ke jigar band kahan hain

donon miri hamsher ke farzand kahan hain

tanhai mein ik ek ko hazrat ne pukara

kaun ae ke fardo mein tha qafila sara

ghore pe chhura khud asad allah ka pyara

uncha hua aflak-e-imamat ka sitara

shokhi se faras paon na rakhta tha zamin par

ghul tha ke chala qutb-e-zaman arsh-e-barin par

shabdez ne chhal bal mein ajab naz dikhaya

har gam pe taus ka andaz dikhaya

zewar ne ajab husn-e-khudadad dikhaya

fitrak ne auj-e-pur-e-parwaz dikhaya

tha khak pe ik paon to ik arsh-e-barin par

ghul tha ke phir utra hai barraq aj zamin par

aadad ki zabanon par ye hairat ki thi taqrir

hazrat ye rajaz parhte the tole hue shamshir

dekhun na mitao mujhe ai firqa-e-be pir

main yusuf-e-kanan-e-risalat ki hun taswir

wallah taalli nahin ye kalima-e-haq hai

alam ke muraqqae mein hasin ek waraq hai

wallah jahan mein mira hamsar nahin koi

mohtaj hun par mujh sa tawanagar nahin koi

han mere siwa shafe-e-mahshar nahin koi

yun sab hain magar sibt-e-payambar nahin koi

batil hai agar daawa ejaz karega

kis bat pe duniya mein koi naz karega

ham wo hain ke allah ne kausar hamen bakhsha

sardari-e-firdaus ka afsar hamen bakhsha

iqbal-e-ali khalq payambar hamen bakhsha

qudrat hamen di, zor hamen, zar hamen bakhsha

ham nur hain ghar tur-e-tajla hai hamara

takht-e-ban-e-daud musalla hai hamara

nana wo ke hain jin ke qadam arsh ke sartaj

qausain-e-makan, khatm-e-rusul, sahab-e-meraj

man aisi ke sab jis ki shafaat ke hain mohtaj

bap aisa sanam khanon ko jis ne kiya taraj

larne ko agar haidar-e-safdar na nikalte

but ghar se khuda ke kabhi bahar na nikalte

kis jang mein sine ko sipar kar ke na ae

kis marhala-e-saaaf ko sar kar ke na ae

kis fauj ki saf zer-o-zabar kar ke na ae

thi kaun si shab jis ko sahar kar ke na ae

tha kaun jo iman tah-e-samsam na laya

us shakhs ka sar lae jo islam na laya

asnam na kuchh kam the, na kuffar the thore

taqat thi ke uzza ko koi lat se tore

bad keshon ne sajde bhi kiye hath bhi jore

be tore wo but haidar-e-safdar ne na chhore

kaabe ko safa kardiya khaliq ke karam se

nikle asad allah azan de ke haram se

is ahd mein malik isi talwar ke ham hain

jarrar pisar, haidar-e-karrar ke ham hain

farzand-e-mohammad se jahan dar ke ham hain

waris-e-shah-e-laulak ki sarkar ke ham hain

kuchh ghair kafan sath nahin le ke gae hain

tabut sakina bhi hamen de ke gae hain

ye farq ye ammama-e-sardar-e-zaman hai

ye tegh-e-ali hai ye kamar band-e-husn hai

ye joshan-e-daud hai jo hafiz tan hai

ye pairahan-e-yusuf-e-kanan-e-mehan hai

dikhlaen sanad dast-e-rasul-e-arabi ki

ye mehr-e-sulaiman hai, ye khatam hai nabi ki

dekho to ye hai kaun se jarrar ki talwar

kis sher ke qabze mein hai karrar ki talwar

dariya ne bhi dekhi nahin is dhar ki talwar

bijli ki to bijli hai ye, talwar ki talwar

qahr-o-ghazab allah ka hai kat nahin hai

kahte hain use maut ka ghar ghat nahin hai

dam le kahin ruk kar wo rawani nahin is mein

chalne mein subuk tar hai, girani nahin is mein

juz harf-e-zafar aur nishani nahin is mein

jal jaoge sab ag hai pani nahin is mein

chhoregi na zinda use jo dushman den hai

naben nahin, ghusse se ajal chin ba jabin hai

sab qatre hain gar faiz ke dariya hain to ham hain

har nuqta-e-quran ke shanasa hain to ham hain

haq jis ka hai jame wo zakhira hain to ham hain

afzal hain to ham, alam-o-dana hain to ham hain

taalim-e-malak arsh pe tha wird hamara

jibril sa ustad hai shagird hamara

gar faiz-e-zuhur-e-shah-e-laulak na hota

bala-e-zamin gumbad-e-aflak na hota

kuchh khak ke tabqe mein, bajuz khak na hota

ham pak na karte to jahan pak na hota

ye shor azan ka sahar-o-sham kahan tha

ham arsh pe jab the to ye islam kahan tha

mohsin se badi hai yahi ehsan ka ewaz wah

dushman ke hua khwah hue dost ke bad khwah

gumrah ke bahkane se roko na miri rah

lo ab bhi musafir ko nikal jane do lillala

mil jaegi ik dam mein aman ranj-o-bala se

main zabh se bach jaunga, tum qahr-e-khuda se

basti mein kahin maskan-o-mawa na karunga

yasrab mein bhi jane ka irada na karunga

sabir hun kisi ka kabhi shakwa na karunga

is zulm ka main zikr bhi aslan na karunga

rona na chhutega ke azizon se chhupa hun

jo puchhega kah dunga ke jangal mein luta hun

aada ne kaha qahr-e-khuda se nahin darte

nari to hain dozakh ki jafa se nahin darte

fariyad rasul dusra se nahin darte

khatun-e-qayamat ki buka se nahin darte

ham log jidhar daulat-e-duniya hai idhar hain

allah se kuchh kam nahin banda-e-zar hain

hazrat ne kaha khair khabardar safon se

aya ghazab allah ka hushyar safon se

bijli sa guzar jaunga har bar safon se

kab panjtani rukte hain do char safon se

arbut ke chalan dekh chuke, harb ko dekho

lo banda-e-zar ho, to miri zarb ko dekho

yan gosha-e-uzlat, kham-e-shamshir ne chhora

wan sahm ke chale ko har ek tir ne chhora

kis qahr se ghar maut ki taswir ne chhora

sahil ko saf-e-lashkar-e-be pir ne chhora

anqa-e-zafar fath ka dar khol ke nikla

shahbaz-e-ajal, said ko, par tol ke nikla

jalwa kiya badli se nikal kar mah-e-naune

dikhlae hawa mein dusar, ik shama ki lau ne

tarpa diya bijli ko faras ki tag-o-dau ne

takasipar mehr ko shamshir ki zau ne

aada to chhupane lage dhalon pe saron ko

jibril ne uncha kiya ghabra ke paron ko

bala se jo ai wo bala janib-e-pasti

bas nist hui dam mein sitam garon ki basti

chalne lagi yak dast jo shamshir-e-do dasti

maalum hua lut gai sab kufr ki basti

zor un ke har ik zarb mein allah ne tore

tuten jo safen but asad allah ne tore

bijli si jo gir kar saf-e-kuffar se nikli

awaz bazan tegh ki jhankar se nikli

gah dhal mein dubi kabhi talwar se nikli

dar ai jo paikan mein to so far se nikli

the band-e-khata karon pe da amn-o-aman ke

chale bhi chhupe jate the goshon mein kaman ke

aflak pe chamki kabhi, sar par kabhi ai

kaundi kabhi joshan pi, sipar par kabhi ai

gah parh gai sina pe, jigar par kabhi ai

tarpi kabhi pahlu pe, kabhi kamar par kabhi ai

tai kar ke phir kaun sa qissa tha faras ka

baqi tha jo kuchh kat, wo hissa tha faras ka

be paon jidhar hath se chalti hui ai

naddi idhar ik khun ki ubalti hui ai

dam bhar mein so sorang badalti hui ai

pi pi ke lahu laal ugalti hui ai

hira tha badan, rang-e-zamurrad se hara tha

jauhar na kaho pet jawahir se bhara tha

zeba tha dam-e-jang par y wash use kahna

maashuq-e-bani surkh libas us ne jo pahna

is auj pe wo sar ko jhukae hue rahna

jauhar the ke pahne thi dulhan phulon ka gahna

seb-e-chaman-e-khuld ki bu bas thi phal mein

rahti thi wo shabbir se dolaha ki baghal mein

sar tapke to mauj us ki rawani ko na pahunche

qulzum ka bhi dhara ho to pani ko na pahunche

bijli ki tarap shola fishani ko na pahunche

khanjar ki zaban tegh zabani ko na pahunche

dozakh ki zabanon se bhi anch us ki buri thi

barchhi thi, katari thi, sar wahi thi, chhuri thi

maujud bhi har ghaul mein aur sab se juda bhi

dam kham bhi, lagawat bhi, safai bhi, ada bhi

ik ghat pe thi ag bhi, pani bhi, hua bhi

amrit ka bhi, halahal bhi, masiha bhi, qaza bhi

kya sahab-e-jauhar thi ajab zarf tha us ka

mauqaa tha jahan jis ka wahin sirf tha us ka

hardhal ke phulon ko urata tha phal us ka

tha lashkar-e-baghi mein azal se amal us ka

dar jati thi munh dekh ke har dam ajal us ka

tha qila-e-char aina, goya amal us ka

us dar se gai khol ke wo dar nikal ai

gah sadr mein baithi, kabhi bahar nikal ai

nezon pe gai barchhiyon walon ki taraf se

ja pahunchi kaman daron pe phalon ki taraf se

phir ai sawaron ke risalon ki taraf se

munh teghon ki janib kiya dhalon ki taraf se

bas ho gaya daftar nazari, nam-o-nasab ka

lakhon the, to kya dekh liya jaiza sab ka

pahunchi jo sipar tak to kalai ko na chhora

har hath mein sab kisi ghai ko na chhora

shokhi ko, shararat ko, larai ko na chhora

tezi ko, rukhai ko, safai ko na chhora

aaza-e-badan qata hue jate the sab ke

qainchi si zaban chalti thi fiqre the ghazab ke

char aina walon ko na tha jang ka yara

chau rang the sine to kaleja tha do para

kahte the zira posh nahin jang ka yara

bach jaen to janen ke mili jan-e-dobara

joshan ko suna tha ke hifazat ka mahal hai

us ki na khabar thi ke yahi dam-e-ajal hai

bad kashi larai ka chalan bhul gae the

nadak fagani tir fagan bhul gae the

sab hila giri, ahd shikan bhul gae the

be hoshi mein tarkash ka dahan bhu gae the

maalum na tha jism mein jan hai ke nahin te

chillate the qabze mein kaman hai ke nahin hai

dar dar ke qad-e-rast sinanon ne jhukae

dab dab ke sar-e-ijz kamanon ne jhukae

hat hat ke alam, ran mein jawanon ne jhukae

sar khak pe gargar ke nishanon ne jhukae

ghul tha ke panah, ab hamen ya shah-e-zaman do

phailae the daman ko, pharere, ke aman do

shah kahte the hai barh pe dariya na rukega

is mauj pe afat ka tamancha na rukega

be fath-o-zafar, dilbar zahra na rukega

tagharq na firaun ho, musa na rukega

hai bahr-e-ghazab nam hai qahr-e-samad us ka

rukne ka nahin sham talak jazr-o-mad us ka

is saf se gae bich se is ghaul ke nikle

jo fauj chhiri munh pe use rol ke nikle

amboh se yun tegh-e-dusar tol ke nikle

goya dar-e-khaibar ko, ali khol ke nikle

duniya jo bachi, ruh-e-mohammad ka sabab tha

shabbir agar rahm na karte to ghazab tha

larte the magar ghaiz se rahmat thi ziyada

shafqat bhi na kam thi jo shujaat thi ziyada

nana ki tarah khatir-e-ummat thi ziyada

beton se ghulamon ki mohabbat thi ziyada

talwar na mari jise munh morte dekha

ansu nikal ae jise dam torte dekha

farmate the aada ko tirai se bhagga kar

kyun chhor diya ghat ko, roko hamen a kar

daawat yunhi karte hain musafir ko bala kar?

ham chahen to pani bhi piyen nahr mein ja kar

par sabr ke dariya mein hamen pyas nahin hai

ab zahr ye pani hai ke abbas nahin hai

bhuli nahin akbar ki hamen tishna dahani

wo chand sa rukh, wo qad-o-qamat, wo jawani

wo sukhe hue hont, wo ejaz bayani

dikhla ke zaban mangte the nazaa mein pani

kis se kahin jo khun-e-jigar ham ne piya hai

baad aise pisar ke bhi, kahin bap jiya hai?

ye kah ke sakina ke bahishti ko pukare

ulfat hamen le ai hai phir pas tumhare

larte hue a pahunche hain dariya ke kinare

abbas, ghash ata hai hamen pyas ke mare

in sukhe hue honton se honton ko mila do

kuchh mushk mein pani ho to bhai ko pila do

lete hue ho ret mein kyun munh ko chhupae

utho ke sakina ko yahan ham nahin lae

ghafil ho, baradar tumhen kis tarah jagae

hai asr ka waqt, ai asadalla ke jae

khush hunga mein, age jo alam le ke barhoge

kya bhai ke pichhe na namaz aj parhoge?

kah kar ye sukhan rone laga bhai ko bhai

talwar se mohlat sitam ijadon ne pai

jis fauj ne ran chhor diya tha wo phir ai

do roz ke pyase ye, ghata sham ki chhai

barish hui tiron ki wali ibn-e-wali par

sab tut pare ek hasin ibn-e-ali par

ki shah ne jo sine pe nazar ponchh ke ansu

sab chhati se the pahluon tak tir sah pahlu

har samt se teghen jo lagate the jafa jo

salim na kalai thi, na shana tha, na bazu

bargashta zamana tha shah-e-tishna gulu se

phal barchhiyon ke surkh the sayyad ke lahu se

zakhmon se jo wo dast-e-mubarak hue bekar

harne pe dhari shah ne sipar, miyan mein talwar

bas kaaba-e-iman ke qarib a gae kuffar

mazlum ko teghen jo lagane lage ik bar

yun shah ko ghere the pare fauj-e-sitam ke

jis tarah saf ara the sanam gard-e-haram ke

sajde ki jagah chhori na tiron ne jabin par

taqdir ne likhe kai naqsh ek nagin par

kasrat thi jarahat ki rukh-e-qibla-e-din par

har ja khat-e-shamshir thi quran-e-mubayyan par

talwaron ke tukre the har ik juzw-e-badan par

majmua pareshan tha, si par-e-tan par

hazrat ki ye surat thi, faras ka tha ye ahwal

munh teghon se zakhmi tha badan tiron se ghirbal

ghayal thi jabin, khun mein dubi hui thi yal

gardan ka wo kenda na wo shokhi thi na wo chal

har samt se tiron ka jo menh us pe para tha

par khole hue dhup mein taus khara tha

jhuk jate the harne pe jo ghash mein shah-e-abrar

munh pher ke aqa ki taraf takta tha rahwar

chamkar ke farmate the shabbir-e-dil afgar

ab khatam jang hai ai asp-e-wafadar

utrenge bas ab tujh se chhuta sath hamara

na paon tire chalte hain, na hath hamara

zakhmi hai, nahin ab tiri taklif gawara

girte hain sambhalne ka hamen bhi nahin yara

kya bat tiri, khub diya sath hamara

a pahuncha hai manzil pe yad allah ka pyara

tu jis mein pila hai wo ghar ik dam mein lutega

bachpan ka hamara tira ab sath chhutega

ghere hain adu, kheme talak ja nahin sakte

khoi hai jo taqat use ab pa nahin sakte

mushkil hai sambhalna, tujhe daura nahin sakte

pahlu tire majruh hain, thukra nahin sakte

haiwan ko bhi dukh hota hai zakhmon ke taab ka

main dard rasida hun, mujhe dard hai sab ka

kis tarah dikhaun ke tire zakhm hain kari

main ne to kisi din tujhe qumchi nahin mari

ghore ne suni dard ki baten jo ye sari

do nadiyan ashkon ki huin ankhon se jari

haiwan ko bhi riqqat hui is lutf-o-karam par

munh rakh diya mur kar shah-e-wala ke qadam par

gardan ko hilaya ke masiha, na utariye

dam hai abhi mujh mein mire aqa, na utariye

talwaren liye gard hain aada, na utariye

sab fauj charhi ati hai maula, na utariye

ai wae sitam sadr nashin khak nashin ho

hasrat hai ke mar jaun to khali miri zain ho

shah ne kaha, ta chand musafir se mohabbat

wo tu ne kiya, hota hai jo haq-e-rifaqat

batla to sambhalne ki bhala kaun hai surat

na hath mein, na paon mein na qalb mein taqat

behtar hai ke utrun, nahin tewra ke girunga

phat jaenge sab zakhm jo ghash kha ke girunga

hai asr ka hangam, munasib hai utarna

is khak pe hai shukr ka sajda hamen karna

go marhal saaab hai duniya se guzarna

sajde mein kate sar ke saadat hai ye marna

taat mein khuda ki nahin sarfa tan-o-sar ka

zi haq hain hamen us ke ke wirsa hai pidar ka

utra ye sukhan kah ke wo kaunain ka wali

khatam se nagin gir gaya, zain ho gaya khali

is dukh mein na yawar the, na maula ke mawali

khud tek ke talwar ko sambhale shah-e-ali

kapre tan-e-pur nur ke sab khun mein bhare the

ik hath ko rahwar ki gardan pe dhare the

munh yal pe rakh rakh ke ye farmate the har bar

ja dewrhi pe ai sahab-e-meraj ke rahwar

ab zabh karenge hamen ik dam mein sitamgar

zinib se ye kahna ke sakina se khabardar

rahna wahin jab tak mira sar tan se juda ho

le jaiyo bano ko jidhar hukm-e-khuda ho

ye kah ke jo sarka asadalla ka jaya

ik tir jabin par ban-e-ashaas ne lagaya

fariyad ne zahra ki do alam ko hilaya

paikan-e-sah pahlu aqab-e-sar nikal aya

tarpe na, zahe sabr imam-e-do jahan ka

sofar ne bosa liya sajde ke nishan ka

hazrat ne jabin se abhi khincha na tha wo tir

jo sar pe lagi tegh-e-ban-e-malik-e-be pir

abru tak utar kar jo uthi zulm ki shamshir

sar tham ke bas baith gae khak pe shabbir

chillae malak dekh ke khun sibt-e-nabi ka

tha hal yahi masjid-e-kofa mein ali ka

baithe jo su-e-qibla do zanu shah-e-be par

jhukte the kabhi ghash mein uthate the kabhi sar

the zikr-e-khuda mein ke laga tir dahan par

yaqut bane dub ke khun mein lab-e-athar

bah aya lahu ta ba zanakhdan-e-mubarak

thande hue do gauhar-e-dandan-e-mubarak

neze ka ban-e-wahab ne pahlu pe kiya war

kandhe pe chali sath zararah ki bhi talwar

nawak ban-e-kamil ka ka kaleje ke hua par

bazu mein dar aya tabar-e-kholi-e-khunkhwar

talwar se waqfa na mila chand nafas ka

dam ruk gaya neza jo laga ibn-e-annas ka

tharra ke jhuke sajda-e-haq mein shah-e-abrar

shor-e-duhul-e-fath hua fauj mein ik bar

khush ho ke pukara pisar-e-saad jafa kar

ai kholi-o-shis-o-ban-e-zi aljoshan-e-jarrar

akhir hai bas ab kam imam-e-azali ka

sar kat lo sab mil ke hasin ibn-e-ali ka

likhta hai ye rawi ke bapa ho gaya mahshar

bara sitam ijad barhe khinch ke khanjar

ik sida nikli dar-e-khema se khule sar

burqaa tha, na miqnaa tha, na moze the na chadar

chillae lain khauf se hath ankhon pe dhar ke

lo fatima ati hai bachane ko pisar ke

hilta tha falak, hathon se jab pitti thi sar

bijli ki tarah kaundte the kanon ke gauhar

farmati thin, fizza jo urha deti thi mejar

fariyadi hun, fariyadi ko zeba nahin chadar

sar nange yunhi jaun main roze pe nabi ke

parda to gaya sath hasin ibn-e-ali ke

us bhir mein a kar wo zefa ye pukari

ai sibt-e-nabi, ibn-e-ali, ashiq-e-bari

ghora to hai kotal, kidhar utri hai sawari

bhayya, bahan ai hai ziyarat ko tumhari

mar jaungi hazrat ko jo pane ki nahin main

be ap ke dekhe hue jane ki nahin main

us waqt-e-shah-e-din ne suni zari-e-khwahar

jis waqt ke tha halq-e-mubarak tah-e-khanjar

farmaya ishare se ke ai shimr-e-sitam gar

zinib nikal ai hai, thahar ja abhi dam bhar

akhir to safar hota hai is dar-e-mehan se

do baten to kar lene de bhai ko bahan se

munh pher liya shimr ne khanjar ko hata ke

di shah ne ye zinib ko sada ashk baha ke

tarapiti ho bhai ko bahan balwe mein a ke

dekhogi kise, ham to hain panje mein qaza ke

uth sakte nahin jism pe talwaren pari hain

ghabrao na, aman mire pahlu mein khari hain

jao saf-e-matam pe karo girya-o-zari

ghar se nikal ae na sakina miri pyari

firdaus se a pahunchi hai nana ki sawari

bas ab na sunogi bahan awaz hamari

rona hai to ro lijo mire lashe pe a ke

hat jao ke sar katta hai sajde mein khuda ke

dauri ye sada sun ke yad allah ki jai

chillai ke didar to main dekh lun bhai

par hae, bahan bhai talak ane na pai

yan ho gai sayyad ke tan-o-sar mein judai

qatil ko na gardan ko na shamshir ko dekha

pahunchen to sinan par sar-e-shabbir ko dekha

sar dekh ke bhai ka wo be kis ye pukari

dukh pai bahan ap ki mazlumi ke wari

khanjar se ye gardan ki ragen kat gain sari

tum mar gae puchhega khabar kaun hamari

afat mein phansi al-e-rasul-e-arabi ki

ab jaen kahan betiyan zahra-o-ali ki

hai hai, pisar-e-sahab-e-meraj-e-husena

pardes mein bewon ka luta raj husena

goya ke ali qatl hue aj husena

hai hai, kafan-o-gor ke mohtaj-e-husena

parsa bhi tira dene ko ata nahin koi

lasha bhi zamin par se uthata nahin koi

qurban bahan, ai mire surur, mire sayyad

mazboh-e-qifa kisht-e-khanjar, mire sayyad

ai faqa kash-o-bekas-o-be par, mire sayyad

panje mein hai qatil ke tira sar, mire sayyad

dete ho sada kuchh, na bulate ho bahan ko

kis yas se takte chale jate ho bahan ko

bhayya, mira koi nahin, tum khub ho agah

ahmad hain, na zahra, na husn hain na yadallah

dharas thi bari ap ki ai sayyad-e-zi jah

chhora mujhe jangal mein ye kya qahr kiya, ah

chalte hue kuchh mujh se na farma gae bhai

bhaina ko najaf tak bhi na pahuncha gae bhai

ai mere shahid ai mire man jae baradar

kis se tira lasha bahan uthwae baradar

kis tarah mire dil ko qarar ae baradar

pani bhi na qatil ne diya hae baradar

insan pe sitam ye kabhi insan nahin karta

haiwan ko bhi pyasa koi be jan nahin karta

khamosh unnis ab ke hai dil sine mein be chain

likhe nahin jate jo zinib ne kiye bain

ab haq se dua mang ke ai khaliq-e-kaunain

hasid hain bahut, dil ko ata kar mire to chain

nahaq hai adawat unhen is hech madan se

be tegh kate jate hain shamshir-e-zaban se