یاروں کی ہم سے دل شکنی ہو سکے کہاں
بخش ناسخیاروں کی ہم سے دل شکنی ہو سکے کہاں
یاں پاس ہے نہ خاطر اغیار توڑیئے
ہم جور چشم یار سے دم مارتے نہیں
یعنی روا ہے کب دل بیمار توڑیئے
یاں درد سر خمار سے ہے واں دکان بند
ٹکرا کے سر کو اب در خمار توڑیئے
ٹکراؤں واں جو سر تو وہ کہتا ہے کیا مجھے
صاحب نہ مجھ غریب کی دیوار توڑیئے
دم توڑنا ہے فرقت جاناں میں اپنا کام
کچھ کوہ کن نہیں ہیں جو کہسار توڑیئے
ناسخؔ بقول افسح ہندوستاں کبھی
زاہد کا دل نہ خانۂ خمار توڑیئے
yaron ki ham se dil shikani ho sake kahan
yan pas hai na khatir-e-aghyar toriye
ham jaur chashm-e-yar se dam marte nahin
yaani rawa hai kab dil-e-bimar toriye
yan dard-e-sar khumar se hai wan dukan band
takra ke sar ko ab dar-e-khumar toriye
takraun wan jo sar to wo kahta hai kya mujhe
sahab na mujh gharib ki diwar toriye
dam torna hai furqat janan mein apna kam
kuchh koh kin nahin hain jo kohsar toriye
nasikh baqaul afsah hindostan kabhi
zahid ka dil na khana-e-khumar toriye