یارو مجھے معاف رکھو میں نشے میں ہوں

یارو مجھے معاف رکھو میں نشے میں ہوں

اب دو تو جام خالی ہی دو میں نشے میں ہوں

ایک ایک قرط دور میں یوں ہی مجھے بھی دو

جام شراب پر نہ کرو میں نشے میں ہوں

مستی سے درہمی ہے مری گفتگو کے بیچ

جو چاہو تم بھی مجھ کو کہو میں نشے میں ہوں

یا ہاتھوں ہاتھ لو مجھے مانند جام مے

یا تھوڑی دور ساتھ چلو میں نشے میں ہوں

معذور ہوں جو پاؤں مرا بے طرح پڑے

تم سرگراں تو مجھ سے نہ ہو میں نشے میں ہوں

بھاگی نماز جمعہ تو جاتی نہیں ہے کچھ

چلتا ہوں میں بھی ٹک تو رہو میں نشے میں ہوں

نازک مزاج آپ قیامت ہیں میرؔ جی

جوں شیشہ میرے منہ نہ لگو میں نشے میں ہوں

yaro mujhe muaf rakho mein nashe mein hun

ab do to jam khali hi do mein nashe mein hun

ek ek qurt daur mein yun hi mujhe bhi do

jam-e-sharab par na karo main nashe mein hun

masti se dirhami hai miri guftugu ke bich

jo chaho tum bhi mujh ko kaho mein nashe mein hun

ya hathon hath lo mujhe manind-e-jam-e-mai

ya thori dur sath chalo mein nashe mein hun

maazur hun jo paon mira be tarah pare

tum sargiran to mujh se na ho main nashe mein hun

bhagi namaz-e-juma to jati nahin hai kuchh

chalta hun main bhi tuk to raho mein nashe mein hun

nazuk mizaj ap qayamat hain mir ji

jun shisha mere munh na lago mein nashe mein hun