ہے وہی ناز آفریں آئینہ نیاز میں

ہے وہی ناز آفریں آئینہ نیاز میں

جس کی ضیا ہے سوز میں جس کی صدا ہے ساز میں

اپنے نیاز مند ہے پردے کی رسم و راہ ہے

ورنہ حجاب کو کہاں دخل حریم ناز میں

سجدے میں مر گیا اگر پھر نہ اٹھے گا حشر تک

قید نہ رکھیے وقت کی میرے لیے نماز میں

ناز کو نور کر دیا سرور کائنات نے

وہ جو لگی تھی طور پر آ کے بجھی حجاز میں

ناطقؔ سوختہ جگر دل پہ تو ہاتھ رکھ ذرا

اب کے بھی کچھ چمک سی تھی نالۂ جاں گداز میں

hai wahi naz afrin aina niyaz mein

jis ki ziya hai soz mein jis ki sada hai saz mein

apne niyaz mand hai parde ki rasm-o-rah hai

warna hijab ko kahan dakhl harim-e-naz mein

sajde mein mar gaya agar phir na uthega hashr tak

qaid na rakhiye waqt ki mere liye namaz mein

naz ko nur kar diya surur-e-kainat ne

wo jo lagi thi tur par a ke bujhi hijaz mein

natiq-e-sokhta jigar dil pe to hath rakh zara

ab ke bhi kuchh chamak si thi nala-e-jan gudaz mein