ہے چمن میں رحم گلچیں کو نہ کچھ صیاد کو

ہے چمن میں رحم گلچیں کو نہ کچھ صیاد کو

اب خدا ہی شاد رکھے بلبل ناشاد کو

سوجھتی تھی کوہ و صحرا میں یہی ہر دم مجھے

کیجئے غم قیس کا اور روئیے فرہاد کو

ہچکیاں آتی ہیں پر لیتے نہیں وہ میرا نام

دیکھنا ان کی فراموشی کو میری یاد کو

یاد میں ان کے حواس خمسہ دے دیتے ہیں ہم

آہ کو نالہ کو غل کو شور کو فریاد کو

جائے گی گلشن تلک اس گل کی آمد کی خبر

آئے گی بلبل مرے گھر میں مبارک باد کو

نزع کے دم بھی انہیں ہچکی نہ آئے گی کبھی

یوں ہی گر بھولے رہیں گے وہ سخیؔ کی یاد کو

hai chaman mein rahm gulchin ko na kuchh sayyad ko

ab khuda hi shad rakhe bulbul-e-nashad ko

sujhti thi koh-o-sahra mein yahi har dam mujhe

kijiye gham qais ka aur roiye farhad ko

hichkiyan ati hain par lete nahin wo mera nam

dekhna un ki faramoshi ko meri yad ko

yad mein un ke hawas-e-khamsa de dete hain ham

ah ko nala ko ghul ko shor ko fariyad ko

jaegi gulshan talak us gul ki amad ki khabar

aegi bulbul mire ghar mein mubarak bad ko

nazaa ke dam bhi unhen hichki na aegi kabhi

yun hi gar bhule rahenge wo sakhi ki yad ko