الا یا شاہ خوباں کیجیے شاد

الا یا شاہ خوباں کیجیے شاد

ہوئے جاتے ہیں عاشق غم سے برباد

ہمیں تم یاد ہو ہر لحظہ لیکن

ہماری بھی کبھی تو کیجیے یاد

گرفتار بلا بالائے تو یار

غم دوراں سے ہیں جوں سرو آزاد

اگر لیلیٰ ہے تو مجنوں ہیں ہم

وگر شیریں ہے تو ہم ہیں فرہاد

وہی ایراد کر سکتا ہے آخر

کیا ہے جس نے اول ہم کو ایجاد

کسی شے کو درست و چست دائم

نہ دیکھا در جہان سست بنیاد

شعر ہے اشک چشم و لخت دل سے

اٹھایا چاہئے ہم آب و ہم زاد

گل تر خار سے سمجھیں بتر تر

جو دیکھیں عندلیباں روتے صیاد

گلوئے گل تو پکڑے آخر کار

گئے کب رائیگاں بلبل کے فریاد

عبث کرتے ہو بہر ترک تکرار

عزیزو ہوں میں دخت رز کا داماد

نہیں جس روز میعاد آمد یار

وہی ہم جانتے ہیں روز میعاد

بہت فرزانہ تھے دیوانہ ہم کو

بنائے شوخ طفلان پریزاد

حمل مریخ معشوقوں نے میرا

کیا ہے سر جدا از تیغ بیداد

ہزاراں شکر ملک سندھ میں بھی

مرا مسکن ہے شہر حیدرآباد

جناب حیدر صفدر سے ماتمؔ

طلب اوقات مشکل میں کر امداد

illa ya shah-e-khuban kijiye shad

hue jate hain ashiq gham se barbad

hamen tum yad ho har lahza lekin

hamari bhi kabhi to kijiye yad

giraftar-e-bala balae to yar

gham-e-dauran se hain jun sarw azad

agar laila hai to majnun hain ham

wagar shirin hai to ham hain farhad

wahi irad kar sakta hai akhir

kya hai jis ne awwal ham ko ijad

kisi shai ko durust-o-chust daim

na dekha dar jahan-e-sust buniyad

sher hai ashk-e-chashm-o-lakht-e-dil se

uthaya chahiye ham ab-o-ham zad

gul-e-tar khar se samjhen bittar tar

jo dekhen andaliban rote sayyad

galo-e-gul to pakre akhir kar

gae kab raigan bulbul ke fariyad

abas karte ho bahr-e-tark-e-takrar

azizo hun main dukht-e-raz ka damad

nahin jis roz miad amad-e-yar

wahi ham jante hain roz-e-miad

bahut farzana the diwana ham ko

banae shokh tiflan-e-parizad

hamal mirrikh maashuqon ne mera

kya hai sar juda az tegh-e-bedad

hazaran shukr mulk-e-sandh mein bhi

mira maskan hai shahr haidarabad

janab-e-haidar-e-safdar se matam

talab auqat mushkil mein kar imdad