ہے غزل میرؔ یہ شفائیؔ کی

ہے غزل میرؔ یہ شفائیؔ کی

ہم نے بھی طبع آزمائی کی

اس کے ایفائے عہد تک نہ جیے

عمر نے ہم سے بے وفائی کی

وصل کے دن کی آرزو ہی رہی

شب نہ آخر ہوئی جدائی کی

اسی تقریب اس گلی میں رہے

منتیں ہیں شکستہ پائی کی

دل میں اس شوخ کے نہ کی تاثیر

آہ نے آہ نارسائی کی

کاسۂ چشم لے کے جوں نرگس

ہم نے دیدار کی گدائی کی

زور و زر کچھ نہ تھا تو بار میرؔ

کس بھروسے پر آشنائی کی

hai ghazal mir ye shifai ki

ham ne bhi taba azmai ki

us ke ifa-e-ahd tak na jiye

umr ne ham se be wafai ki

wasl ke din ki arzu hi rahi

shab na akhir hui judai ki

isi taqrib us gali mein rahe

minnaten hain shikasta pai ki

dil mein us shokh ke na ki tasir

ah ne ah narasai ki

kasa-e-chashm le ke jun nargis

ham ne didar ki gadai ki

zor-o-zar kuchh na tha to bar-e-mir

kis bharose par ashnai ki