ہم یار کی غیروں پہ نظر دیکھ رہے ہیں

ہم یار کی غیروں پہ نظر دیکھ رہے ہیں

گو منہ پہ نہ لائیں گے مگر دیکھ رہے ہیں

منہ میری طرف ہے تو نظر غیر کی جانب

کرتے ہیں کدھر بات کدھر دیکھ رہے ہیں

کے روز رقیبوں سے نبھی رسم محبت

ہم بھی یہی اے رشک قمر دیکھ رہے ہیں

قاصد سے جو بیمار بہت مجھ کو سنا تھا

اخبار میں مرنے کی خبر دیکھ رہے ہیں

پرساں نہیں کوئی بھی نسیمؔ اہل ہنر کا

دنیا کی ہوا شام و سحر دیکھ رہے ہیں

ham yar ki ghairon pe nazar dekh rahe hain

go munh pe na laenge magar dekh rahe hain

munh meri taraf hai to nazar ghair ki janib

karte hain kidhar bat kidhar dekh rahe hain

ke roz raqibon se nibhi rasm-e-mohabbat

ham bhi yahi ai rashk-e-qamar dekh rahe hain

qasid se jo bimar bahut mujh ko suna tha

akhbar mein marne ki khabar dekh rahe hain

pursan nahin koi bhi nasim-e-ahl-e-hunar ka

duniya ki hawa sham-o-sahar dekh rahe hain