ہمارا ذکر دشمن کی زبانی دیکھتے جاؤ

ہمارا ذکر دشمن کی زبانی دیکھتے جاؤ

فسانہ بن گئی ساری کہانی دیکھتے جاؤ

ذرا اک چھیڑ دو زاہد سے قصے حور و غلماں کے

پھر اس کم بخت کی رنگیں بیانی دیکھتے جاؤ

ٹپک لے خون ارمانوں کا آنکھوں سے ذرا ٹھہرو

مری لٹتی ہوئی رنگیں جوانی دیکھتے جاؤ

کمال سوز غم ہائے نہانی ڈھونڈنے والو

مآل سوز غم ہائے نہانی دیکھتے جاؤ

بہت چرچے تھے یاروں میں مری جادو بیانی کے

حضور دوست میری بے زبانی دیکھتے جاؤ

hamara zikr dushman ki zabani dekhte jao

fasana ban gai sari kahani dekhte jao

zara ik chher do zahid se qisse hur-o-ghilman ke

phir is kam bakht ki rangin bayani dekhte jao

tapak le khun armanon ka ankhon se zara thahro

miri lutti hui rangin jawani dekhte jao

kamal-e-soz-e-gham ha-e-nihani dhundne walo

maal-e-soz-e-gham ha-e-nihani dekhte jao

bahut charche the yaron mein miri jadu bayani ke

huzur-e-dost meri be zabani dekhte jao