ہماری اس سے جو صورت ہوئی صفائی کی

ہماری اس سے جو صورت ہوئی صفائی کی

ہجوم غم نے عدو پر بڑی چڑھائی کی

فقیر مست ترے حال وصل کیا جانیں

کہ اوڑھے بیٹھے ہیں کملی شب جدائی کی

گدائے کوچۂ جاناں ہوں مرتبہ ہے بڑا

کہ میرے نام ہے جاگیر بے نوائی کی

ہمیں تو عالم ہستی میں اک نکمے ہیں

تمہیں میں آ گئیں سب خوبیاں خدائی کی

ملے نہ کیوں تمہیں شاہوں کا مرتبہ عاشقؔ

بہت دنوں در خواجہ پہ ہے گدائی کی

hamari us se jo surat hui safai ki

hujum-e-gham ne adu par bari charhai ki

faqir-e-mast tire hal wasl kya janen

ke orhe baithe hain kamli shab-e-judai ki

gadae kucha-e-janan hun martaba hai bara

ke mere nam hai jagir be nawai ki

hamen to alam-e-hasti mein ik nikamme hain

tumhen main a gain sab khubiyan khudai ki

mile na kyun tumhen shahon ka martaba ashiq

bahut dinon dar khwaja pe hai gadai ki